San Lucas 16:23 - Bible in Tzeltal de Oxchuc y Tenejapa

²³ Te c'alal ayix ta woclajel ta bay stsobjibal animaetic te jc'ulej winique, la stoy sit. La yil te c'ubul ay te Abrahame soc la yil te sjoinej tey a te Lázaro ta bay te yawile.

Nuevo Testamento Tzeltal de Amatenango

²³ Te kꞌalal ayix ta wokol a te jkꞌulej winik te ba ya xbajt te animaetike, la stoy sit. La yil ta jakal te jꞌAbrahame te sjoyinej sba sok te jLazaroe.

Bible in Tzeltal Bachajón

²³ Ta stsobojibal mach'atic chamenic, te banti ay ta wocol, la shach sit, la yil namal ay te Abraham soc te ay ta sts'el te Lázaro.

San Lucas 16:23 Referans Kwoze

2 Pedro 2:4

Melel te Diose ma la spasbey perdón te ch'ul abatetic te la sta smulic ta stojole. La xch'oj coel ta bay infierno. Tey la yac' ta chuquel ta cadena ta bay te ijc' q'uinale, q'uejbilic tey a, ja' to teme la sta sc'aalelal te ich'el ta c'ope.

San Lucas 16:28

Yu'un ay jo'tul xan quijts'inab. Ac'a ba xcholbon yaiy swenta yu'un ma ba ya xtalic li'to te banti ayon ta castigoe”, xi'.

San Mateo 23:33

“¡Ts'umbalex jti'awal chanetic! ¿Bit'il c'an acoltay abaic ta castigo ta infierno? ¿Bit'il c'an colanic loq'uel tey a?

San Mateo 18:9

Soc teme ja' ya syalesat ta mulil te asite, loq'uesa. Ch'oja bael, yu'un ja' lec te yacuc x'ochat ta cuxinel manchuc teme jp'ij nax asite. Ja' wocol teme xchebal asit ya xch'ojotat ochel ta infierno ta c'ajc' te ma xtup' sbajt'el q'uinale.

Salmos 9:17

Te mach'atic amenic soc te ma'yuquic ta stojol Dios, ja' nix te mach'atic ya xch'ay ta yo'tanic te Diose, ya me xlajinot ta jc'axel yu'un yip te lajele.

Apocalipsis 20:10

Te pucuj te lo'layotic yu'une, la yich' ch'ojel ochel ta muc' pamal c'ajc' te yac ta tilel soc azufre, ta banti yich'ojix ch'ojel te muc'ul chambalam te xi'bantic sbae soc te lotil j'alwanej yu'une. Tey me ya xc'ax swocolic a ta c'aal ajc'ubal ta sbajt'el q'uinal.

San Lucas 8:28

Te c'alal la yil te Jesuse, te winic la squejan sba ta stojol. Caj ta aw: —Jesús, ¿bistuc tal awochintayon ja'at te Snich'anat te Ch'ul Dios te ay ta ch'ulchane? Ya calbat wocol te ma me x'awuts'inone —xi' ta aw.

San Mateo 5:29

“Jich yu'un teme ja' ya syalesat ta mulil te swa'el asite, loq'uesa, ch'oja bael. Ja' lec ya xc'oat a te ya xch'ay jp'ijuc te asite. Ja' wocol teme scojt'ol abaq'uetal ya xch'ojotat ochel ta yawil c'ajc' ta bay ma xtup' sbajt'el q'uinal.

San Mateo 5:22

Ja'uc me to, jo'on ya calbeyex: Spisil mach'a ya yilintay te yermanoe, ay me smul ya xc'ot ta stojol te chajbanwanejetique. Spisil mach'a “Bolat”, ya yut te yermanoe, ay me smul ya xc'ot ta stojol te muc'ul tsobleje. Soc spisil mach'a ya slaban te yermanoe, ya me xch'ojot ochel ta yawil c'ajc' ta bay ma xtup' sbajt'el q'uinal.

Isaías 14:15

Ja'uc me to, ta mero melel coat bael ta bay te lajele, ta bay c'axem to xan snajt'il te xaabe.

Isaías 14:9

Ta alan, ta yutil lum, ta bay animaetic, ay bayal ya stij sba soc ya xloq'uic ta stabelat. Te snojq'uetal te animaetic ya stij sbaic, spisil mach'atic c'axic ta q'uinal, ya xloc' staat; spisil te mach'atic c'axic ta muc' ajwalil yu'un te lumetique, ya xjajch'ic ta smuc'ul nactijib.

1 Corintios 15:55

Te ja'at lajel, ¿bit'il c'an awaiy xan tsalaw? Muquenal, ¿bit'il c'an ayuc xan awat'ejibe?”, te xie.

San Mateo 11:23

Jichat uuc lum Capernaúm te atoyoj abaic c'alal ta ch'ulchan, ja'uc me to, c'alal ta infierno ya xch'ojotat coel. Melel te jichuc la yich' pasel jchajp at'eliletic ta banti lum Sodoma jich bit'il te la yich' pasel ta awolilique, chican to ta q'uinal ta ora to te jichuque.

San Mateo 8:29

Tulan jajch'ic ta aw te winiquetique. Jich la yalic: —Jesús ¿bistuc tal awochintayotic, ja'at te Snich'anat te Diose? ¿Yu'un bal tal awuts'inotic te ma to sta yoraile? —xiic ta aw.

Proverbios 15:24

Te sbelal cuxlejal, toj baem ta toyol; libre ya xc'ot te mach'a ay sp'ijile, jich ma xco bael ta muquenal.

Proverbios 9:18

Pero ma ba ya sna'ic bit'il c'oemic te mach'atic ic'otiquix bael yu'une, melel yo'tic ayiquix ta sc'ubulil yawil te lajele.

Proverbios 7:27

Teme la at'unbey te sbelal sna, ja' me at'unojbey sbelal a te lajele.

Proverbios 5:5

Teme ya acap aba soc te antse, ya me yic'at bael ta sbelal lajel; te juju-jtejc' te yacane, toj ya xbajt' ta muquenal ch'en.

Salmos 86:13

Mero muc' te xc'uxul awo'tan ta jtojole; melel la awac'on ta libre, ma ba la awac'on ochel ta muquenal.

Salmos 49:15

Pero te jo'one, Dios me ya scoltayon ta sc'ab te lajele, melel ya yic' sjoinon stuquel te Diose.

Salmos 16:10

melel ma ba ya awijq'uitayon jilel ta muquenal, ma ba ya apijt'es jilel ta ch'en te mach'a jun yo'tan ta atojole.

San Lucas 16:24

Jich jajch' yawtay: “Tatic Abraham, c'uxtayawon. Ticunbon tel te Lázaroe. Ac'a yajch'es tel jch'ixuc sni'il sbic'tal sc'ab ta ja', yu'un ya xtal sictesbon cac' a. Melel bayal ayon ta woclajel ta c'ajc' li'to”, xi' ta aw.