San Lucas 16:20 - Bible in Tzeltal de Oxchuc y Tenejapa

²⁰ Soc ay jtul winic te ay yo'bolil sba ta c'axem to xan te Lázaro sbiile, metsel ta sti' sna te jc'ulej-winique te scojt'ol sbaq'uetal ay ta c'a'ele.

Nuevo Testamento Tzeltal de Amatenango

²⁰ Sok ay jtul meꞌbaꞌ winik te jLazaro sbiile te skojtol stiꞌbalul kꞌaꞌemik te yejchꞌene. Ya snajkan sba ta lum te ba spuerta te jkꞌuleje,

Bible in Tzeltal Bachajón

²⁰ Soc ay jtuhl jc'ambajel, Lázaro sbihil, metsel ta sti'il sna te jc'uhlej, scohtol sbaq'uetal ay ta c'a'el chin.

San Lucas 16:20 Referans Kwoze

Hechos 3:2

Ay jtul coxo-winic ta yayinab to, jujun c'aal ay mach'a ya x'ic'ot tel yu'un, soc ya x'ac'ot jilel ta bay ti'templo te T'ujbil Ti'nail sbiile, swenta yu'un ya sc'an smajt'an taq'uin yu'un te mach'atic ya x'ochic ta temploe.

Santiago 2:5

Quermanotac te bayal c'uxex ta co'tane, aiya awaiyic stojol in to: ¿Ma bal ja'uc tsabilic yu'un Dios te mach'atic me'ba ayic li'to ta balumilale? Melel ja' sc'ulejalic ya xc'ot te ay xch'uunjel yo'tanique, soc te ya x'ac'bot ainuquic tey a ta bay ay ta ajwalil te Diose, jich te bit'il yalojbey sc'oplal spisil te mach'atic c'ux ya yaiyic ta yo'tanic te Diose.

Santiago 1:9

Te quermanotic te peq'uel ay te ma'yuc bi ay yu'une, binuc nax me yo'tan yu'un te bit'il Dios ya xtoyesbot sc'oplal yu'une.

San Lucas 16:21

Yo'tanuc snojes xch'ujt' a te xejt'elul swaj ya xch'ay coel ta yanil smesa te jc'ulej-winique; ja'uc me to, te ts'i'etique tal ta leq'uel yu'un te sc'a'ele.

Job 2:7

Te Satanás loc' bael ta stojol te Cajwaltique, la sticunbey buen tulan sac'al chin ta snujc'ulel te Job, jajch' ta yacan c'alal ta sjol, potsot yu'un te chamele.

1 Samuel 2:8

Dios ya stam ta lum te me'bae, c'alal ta xch'ayjibal c'a'pal ya sjaches te mach'a ay ta wocole, soc ya yac' snajc'an sba ta yolil te mach'atic muc' sc'oplalic, ya yac'bey ta yawil te mach'atic ich'bilic ta muq'ue. Melel te Cajwaltic ja' yu'un te bit'il ipajem te lumq'uinale, tey la snajc'an a te balumilale.

Jeremías 8:22

¿Ma bal ayuc jtebuc poxil ta Galaad? ¿Ma bal ayuc mach'a ya xpoxtaywan tey a? ¿Bi yu'un ma xcol te jlumale?

Isaías 1:6

Jajch'em ta awacan c'alal ta ajol, ma'yuc bay xujt'uc lec tey a; ta scojt'ol abaq'uetal ay ta ejch'en, sijt'emiquix, jamajtiquix ta c'a'el. Ma'yuc mach'a xpoxtayej, ni ma'yuc mach'a spotsojbat, ma'yuc mach'a la slamantesbeyex xc'uxul ta aceite.

Salmos 73:14

melel spisil ora ya quich' majel, soc ya quich' castigo ta jujun sacubel q'uinal.

Salmos 34:19

Te mach'a toj yo'tan, ay swocol yu'un te bitic amene; ja'uc me to, te Cajwaltic ya scoltay loq'uel ta spisil.

San Juan 11:1

Ay jtul winic te ay ta chamel te Lázaro sbiil te ay ta Betania. Ja' slumal te María soc uuc te xwixe ja' te Martae.

San Mateo 26:71

Te Pedro yaquix ta loq'uel bael ta ti'nail a te ilot yu'un yan criada te jich caj yalbey te mach'atic tey ayic a: —In winic to la sjoin uuc te Jesús te Nazarete —xi'.

San Lucas 16:19

“Ay jtul jc'ulej-winic te c'aem ta slapel buen t'ujbil tsaj'aman pac', soc t'ujbil lino-pac' soc jujun c'aal ya spas q'uin, soc buen bujts'an nax swe'el te jujun c'aale.