San Lucas 16:17 - Bible in Tzeltal de Oxchuc y Tenejapa

¹⁷ “Ya xlaj te ch'ulchan balumilale, ja'uc me to, ma xlaj sc'oplal junuc tilde stuquel te mandalile.

Nuevo Testamento Tzeltal de Amatenango

¹⁷ Ya xjuꞌ ya xlaj te chꞌulchan sok te balmilale, pero ma xchꞌay skꞌoplal ni jpꞌaluk stukel te mantaliletike.

Bible in Tzeltal Bachajón

¹⁷ Ma ba wocol ya xlaj te ch'ulchan soc te bahlumilal, ha wocol ya xlaj junuc tilde yu'un te Ley.

San Lucas 16:17 Referans Kwoze

San Mateo 5:18

Jamal ya calbeyex, manchuc teme ya xlaj te ch'ulchan balumilale, xujt' ma xch'ay sc'oplal junuc jota ni junuc tilde te mandalile. Ya me xc'ot ta pasel spisil.

San Lucas 21:33

Ya xlaj te ch'ulchane soc te balumilale. Yan te jc'ope ma xlaj sc'oplal stuquel.

1 Pedro 1:25

Yan te sc'op te Cajwaltique, ma xlaj sbajt'el q'uinal stuquel”, te xie. Ja' in c'op to, ja' te lec yach'il c'op te la yich'ix cholel ta atojolique.

Isaías 40:8

Te aque ya xtaquinaj, te nichime ya xlubaj; yan te sc'op Dios cu'untic, stalel ay sbajt'el q'uinal stuquel, xaat me ta aw —xi'.

Romanos 3:31

¿Yu'un bal ya jlajinbeytic sc'oplal xch'uunel te mandalil ta swenta xch'uunel te Jesucristoe? Ma jichuc. Ja' c'axem to xan ay sc'oplal ya xc'ot cu'untic te mandalile.

Isaías 51:6

Toya moel asitic ta ch'ulchan, soc ilawilic coel te lumq'uinale; te ch'ulchane ya xtup' jichuc ch'ail, te lumq'uinale ya xlaj jichuc c'u'il, soc te ants-winiquetic ya xlajic jichuc ch'iquil. Ja'uc me to, jo'on ya cac' ta libre sbajt'el q'uinal, te colel cu'une ma'yuc slajibal.

Apocalipsis 21:4

Soc ya me scusbot ya'lel sitic yu'un te Diose. Soc ma'yuquix te lajele soc te oq'uele soc te mel-o'tane soc te bila ay xc'uxule. Yu'un te bila ay ta neelale, ch'ayix bael ta spisil”, xi' la caiy.

Apocalipsis 21:1

Soc la quil yach'il ch'ulchan soc yach'il balumilal. Yu'un te sbabial ch'ulchane soc te sbabial balumilale ch'ayiquix bael soc ma'yuquix te mare.

Apocalipsis 20:11

La quil ay mero muc'ul saquil nactijibal te ay mach'a nacal tey a. Loc' bael ta anel ta stojol te ch'ulchan balumilale, ma ba wejt' xan yawilic ta banti ya x'ainique.

2 Pedro 3:10

Ma na'biluc cu'untic te bi c'aalil ya xtal te Cajwaltique cu'untic, jich bit'il ma na'biluc cu'untic te ay ajc' nax ya xtal j'elec' ta ajc'ubale. Te bi c'aalil ya xtal te Cajwaltique, xnililet nax me ya xlaj bael te ch'ulchane. Soc ya me xlilaj ta c'ajq'uel spisil te c'aale, te ue, te eq'uetique. Soc te balumilale ya me xlaj ta chiq'uel soc spisil te bitic ay tey ae.