San Lucas 16:16 - Bible in Tzeltal de Oxchuc y Tenejapa

¹⁶ “Te mandalil soc te bila la yalic jilel te j'alwanejetique, ay ta ch'uunel ja' to c'alal tal te Juane. Tey jajch' ta cholel a te lec yach'il c'op te bit'il ay ta ajwalinel te Diose. Spisil ants-winiquetic ya sten sbaic ochel tey a.

Nuevo Testamento Tzeltal de Amatenango

¹⁶ Te mantaliletik yuꞌun te Moisese sok te tuti yalik jilel te jꞌalwanejetik yuꞌun te Diose, jaꞌ nax a spꞌijutesotik stukel jaꞌto te kꞌalal tal te Juane. Jicha lijk ta alel te lek achꞌ kꞌop te tutꞌil ay ta ajwalinel te Diose, y spisil genteetik ya stenten sbaik ochel teꞌa.

Bible in Tzeltal Bachajón

¹⁶ Te Ley soc te Jalwanejetic la yich'ic halbeyel sc'oblal ha to c'alal ta Juan. Ta hich ora hahch ta yalel te lec yach'il c'op yu'un te cuentahinel yu'un Dios, soc spisilic yac yac'belic fuersa ta ochel tey a.

San Lucas 16:16 Referans Kwoze

San Mateo 21:32

Melel tal te Juane. La yac'beyex at'unic sbelal te bila toj ta pasele, ja'uc me to, ma la ach'uunic te bi la yalbeyexe. Yan te jc'an-patanetique soc te jmulawil-antsetique la xch'uunic stuquelic. Yan te ja'exe manchuc teme la awilic te jich yac ta c'oel ta pasele, ma ba la asujt'es awo'tanic soc ma ba la ach'uunic.

San Juan 1:45

Te Felipe la sta sba soc te Natanaele, jich la yalbey: —La jtatiquix te mach'a ts'ibubil jilel sc'oplal yu'un Moisés ta sjunal mandalil soc te ts'ibubil jilel sc'oplal yu'un te j'alwanejetique. Ja' te Jesús te snich'an José te talem ta lum Nazarete —xi'.

San Lucas 16:31

“Te Abrahame la yalbey: “Teme ma sc'an ya yaiybeyic stojol te bila la yal te Moisese soc te j'alwanejetique, ¿ja' to bal ya xc'ot ta yo'tanic a teme ya xcha'cux tel jtul anima ya yilique?”, xi' te Abrahame —xi' ta yalel te Jesuse.

San Mateo 3:2

Tey jajch' yalbey ta stojol spisil te ants-winiquetique: —Sujt'esa awo'tanic ta stojol te Diose, yu'un nopol ya xjajch'ix te bit'il ay ta ajwalinel te Diose —xi' te Juane.

Hechos 3:18

Dios la sc'otes ta pasel te bila la yal ta namey q'uinal ta swenta sti' spisil te j'alwanejetic yu'un te ya xc'ax swocol te Cristoe.

San Lucas 16:29

“La yalbey te Abrahame: “Yich'ojbeyic sjun te Moisese soc sjun te j'alwanejetic yu'un te Diose. Ja' ac'a yaiyic stojol te bila ya yale”, xi'.

San Lucas 10:11

“Te stanul alumalic te ay ta cacantique, ya me jtijt'antic jilel swenta seña te ma ja'uc ta jwentatic te ma la ach'uunique. Ja'uc me to, na'aic me stojol te bit'il nopol ya xjajch'ix ta ajwalinel te Diose”, ya me awutic.

San Lucas 10:9

Lamantesbeya xchamelic te jich yipal jchameletic ya ataic tey a. Soc jich me xawalbey yaiyic: “Nopol ya xjajch'ix ta atojolic te bit'il ay ta ajwalinel te Diose”, xaex me.

San Mateo 4:17

Jich yorail te Jesús jajch' yal ta bayuc ta stojol ants-winiquetic te lec yach'il c'op yu'un te jcoleltique. Jich la yal: —Sujt'esa awo'tanic ta stojol te Diose, yu'un nopol ya xjajch'ix ta ajwalinel te Dios ta ch'ulchane —xi' te Jesuse.

San Lucas 9:2

La sticun bael ta xcholel te bit'il ay ta ajwalinel te Diose soc ta slamantesel jchameletic.

San Marcos 1:14

Te c'alal och ta chuquel te Juan J'ac'-ich'ja'e, te Jesús bajt' ta sq'uinal Galilea ta yalel te lec yach'il c'op te bit'il ay ta ajwalinel te Diose.

San Mateo 10:7

Jich me xawalic ta xcholel: “Nopol ya xjajch'ix ta ajwalinel te Dios te ay ta ch'ulchane”, xaex me.

San Juan 12:19

Jich te fariseoetique caj yalbey sbaic: —Ilawil, ma staq'uix ta comel. Melel spisil te lume bajt'iquix ta stojol te Jesuse —xiic.

San Juan 11:48

Teme jich nax ya xjil cu'untique, spisilic me ya xba xch'uunic. Jich me ya xtal te romaetique, ya me sjinbotic te ch'ul temploe soc te nación cu'untique —xiic ta yalel.

San Marcos 1:45

Jich bajt' te winique. Ora jajch' spucbey sc'oplal te bila c'oem ta pasel ta stojole. Ja' swentail te ma ju' yu'un te ya x'och bael ta lumlumtic te Jesuse. Tey been ta bay jochol q'uinal, ja'uc me to, bayal mach'a tal ta ilel yu'un ta bayuc.

San Mateo 4:23

Been ta spamal sq'uinal Galilea te Jesuse. La yaiy p'ijubteswanej ta sinagogaetic te banti c'ax ta beele. Soc la xcholbey yaiyic te lec yach'il c'op yu'un te bit'il ay ta ajwalinel te Diose. Soc la slamantesbey spisil te bitic chamelil te ay ta sbaq'uetalic te ants-winiquetique soc spisil ta jchajp te bila c'ux ta aiyele.

San Mateo 15:11

Ma ja'uc amen sc'oplal ya xc'ot ta stojol Dios te winic yu'un te bila ya yotses ta yee. Ja' amen sc'oplal ya xc'ot ta stojol Dios yu'un te bila ya xloc' tel ta yee —xi' te Jesuse.

San Juan 5:4

yu'un ay ch'ul abat ya xco tel ya xtal stij te ja'e. Te c'alal nax ya xtijot te ja'e, te mach'a neel ya yotses sba ta ja'e ya xcol ta chamel, biluc chameliluc te yich'oje.]