San Lucas 16:15 - Bible in Tzeltal de Oxchuc y Tenejapa

¹⁵ Te Jesús la yal: —Te ja'ex ja' nax ya aleic te bila ya scuyex ta lec yu'un te ants-winiquetique. Yan te Diose ya sna'beyex te bila ay ta awo'tanique. Te bila lec nax ya yaiyic ta yo'tan te ants-winiquetique, ya yilay stuquel te Diose.

Nuevo Testamento Tzeltal de Amatenango

¹⁵ Te Jesuse la yaltalanbe: —Te jaꞌexe jaꞌ nax ya aleik te tut lek ya skuyex a te genteetik. Pero te Diose ya snaꞌ tut ay te awoꞌtanike. Te tut lek ya yaꞌiyik ta yoꞌtan te genteetike, ta sit te Diose pꞌajbilix yuꞌun.

Bible in Tzeltal Bachajón

¹⁵ Ha yu'un hich halbotic yu'un te Jesús: Yac awal abahic ta stojol ants-winiquetic te mayuc amulic te ha'exe, pero Dios ya sna'beyex awo'tanic stuquel; como te bin bayel sc'oblal yu'un winiquetic, ihlaybil yu'un te Diose.

San Lucas 16:15 Referans Kwoze

1 Samuel 16:7

Pero albot yu'un te Cajwaltic: —Ma me ja'uc xbajt' ta awo'tan te bi yilele; te bi yilel snajt'il soc te bi yilel st'ujbilale, te jo'one ma ja'uc ay sc'oplal cu'un. Ma ja'uc ay ta wenta cu'un te bi ya yich' ta wenta te ants-winiquetique. Ja' ya xbajt' ta yo'tanic te bi yilel stec'lejal, yan te jo'one ja' ya quilbey te bi yilel te yo'tane —xi'.

Proverbios 21:2

Te ants-winiquetic lequil be c'oem ta yo'tan spisil te bitic ya spase; ja'uc me to, te Cajwaltic ya sna'bey yo'tan stuquel.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

Jeremías 17:10

Jo'on Ajwalilon, ya jna' stsajtayel te o'tanile soc ya jna' c'alal ta yutil o'tanil te bila yac sna'ele. Jich yu'un ya cac'bey stoj juju-jtul, ja' chican te bit'il ay te yat'elique —xi' te Cajwaltique.

Proverbios 16:5

Te Cajwaltic ya yilay te jtoyba-o'tanetique, puersa me ya yich' castigo.

Hechos 15:8

Te Diose, te sna'oj stuquel te o'tanile, ja' testigo yu'un te bit'il la yac'bey yiq'uic ta yo'tanic uuc te Ch'ul Espíritu, jich bit'il te jo'otique.

1 Pedro 3:4

Ja' me xach'al abaic a te yutsil awo'tanique soc te lamal awo'tanique. Ja' me ach'alilic te ma sna' xlaje te bayal yutsil yo'tan Dios yu'une.

San Lucas 11:39

Te Cajwaltic jich la yalbey: —Te ja'ex fariseoetic, ja' nax ya asapbeyic spat te vasoe soc te platoe, ja'uc me to, nojel ta awo'tanic elec' soc mulil.

1 Crónicas 29:17

Dios cu'un, ya jna' te ya atsajtaybotic te co'tantique, te ja' ya amulan te toj ya cac' jbajtique. Ja' swentail te toj co'tan jnopoj te tal cac' ta atojol spisil. Ta ora yo'tic to bin nax co'tan yu'un te lum awu'un te stsoboj sbaique, c'ax to xan la yaq'uic te majt'anil yu'unic ta atojole.

San Lucas 10:29

Te maestro yu'un te mandalile, ma la sc'an teme ma'yuc sc'oplal ya xc'ot te bila la sjojc'oye. Jich la sjojc'o xan: —¿Mach'a a te jpat-jxujq'ue? —xi'.

Apocalipsis 2:23

Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.

1 Pedro 5:5

Ja'ex uuc te jch'ielexe: Junuc me awo'tan ch'uunbeyaic smandal te ancianoetic te yich'oj yat'elique. Soc ta apisilic talel c'axel me xach'uunbey aba amandalic. Peq'uel me xawac' abaic, te melel: “Dios scontroinej te mach'atic stoyoj sbaique. Yan te mach'a peq'uel yac'oj sbaique, ya xc'uxtay stuquel”, te xie.

Romanos 3:20

Yu'un jtul ma'yuc mach'a ya x'ac'ot ta libre yu'un smul yu'un te ya yat'elin spasel te bi ya yal te mandalile. Melel te mandalile, ja' nax ya yac' ta na'el stojol te ay te mulile.

San Juan 2:25

Ma yejt'aluc te ay mach'a ya yalbey yaiy te bi yilel yo'tanique, melel ya sna' stuquel te bi yilel co'tantic juju-jtulotique.

San Mateo 23:5

Spisil te bila ya spasique, ja' nax swentail yu'unic te ya x'ich'otic ta muc' yu'un te ants-winiquetique, melel ya smulanic smuc'tesel te ch'in xcaxail versículoetic te c'aemic ta xchuquel ta sc'abic soc ta stibaic ta spisilic soc te slumale, soc ya smulanic te c'ax najt' te stsits'mal sc'u' ya slapique.

San Lucas 18:21

La yal te winique: —Spisil cat'elinej spasel ta jqueremil to tel —xi'.

Proverbios 20:6

Ay tsobolic ya yal sbaic te lec yo'tanic; ja'uc me to, wocol ta tael te mach'a ay smuc'ul co'tantic yu'une.

San Lucas 18:11

Te fariseo teq'uel la sc'opon te Diose. Jich la yal: “Dios cu'un, wocol awal te ma pajaluc co'tan soc te j'eleq'uetique, soc te ma tojuc yo'tanique, soc te jmulwejetic, soc ma jichuc co'tan te bit'il yo'tan in jc'an-patan to.

Salmos 7:9

Dios, te toj awo'tane, ja'at ya ana' te bitic ya snop te o'tanile soc te bitic ya yal te o'tanil c'alal ta yutil. Lajinbeya sc'oplal ta jc'axel te mach'atic amen yo'tanique; yan te mach'atic lec yo'tanique, junuc me yo'tanic awu'un.

Hechos 1:18

Te Judas tojot yu'un te bila amen la spase, soc la smanic q'uinal a. Tey coel bajt' sjol a, soc t'om te xch'ujt'e, soc spisil chepc'uj loq'uel te sbiquile.

San Lucas 20:47

Soc ya spojbey sna sbiluc te me'ba antsetique. Ja'uc me to, jal ya sc'oponic Dios ta comonsitil, yu'un jich me ya xcuyotic ta lec. Ja'ic te c'axem to xan castigo ya x'ac'botique —xi' te Jesuse.

San Lucas 20:20

Jich yu'un la sticunic jtsajtaywanejetic te scuyoj sbaic ta lec yo'tanic ta ilel ta stojol te Jesuse, swenta yu'un jich me ya yac'beyic yal te bila amene. Yu'un jich me ya yaq'uic ta sc'ab a te ajwalile.

San Mateo 6:16

“Te c'alal ya apasic ayuno, ma me xawac' chicnajuc ta ilel ta asitic jich bit'il ya spasic te mach'atic cha'lam yo'tanique. Jich ya spasic swenta yu'un ya xna'ot stojol yu'un ants-winiquetic te bit'il ayic ta ayunoe. Jamal ya calbeyex, la staix smajt'anic yu'un a.

San Mateo 6:5

“Te c'alal ya ac'oponic te Diose, ma me jichuc xapasic te bit'il ya spasic te mach'atic cha'lam yo'tanique. Ya smulanic te ya stejc'an sbaic ta sc'oponel Dios ta sinagogaetic soc ta xchiquin calleetic, swenta yu'un jich ya x'ilotic yu'un te ants-winiquetique. Jamal ya calbeyex, la staix smajt'anic yu'un a.

San Mateo 6:2

Jich yu'un, te c'alal ay bila ya aq'uebanique, ma me xapucbeyic sc'oplal ta alel. Melel te mach'atic cha'lam yo'tanique ya spucbeyic sc'oplal ta sinagogaetic soc ta calleetic, swenta yu'un ya x'albot lec sc'oplalic yu'un te ants-winiquetique. Jamal ya calbeyex, la staix smajt'anic yu'un a.

Malaquías 3:15

Jo'otic quilojtic te ja' bin nax yo'tanic ta beel te toybaetique; soc te mach'atic amen yat'elic lec ya xloq'uic stuquelic te ya yilbeyic yo'tan Dios, ni jtebuc castigo ya yich' stuquelic”, xaex ta yalel —xi' te Diose.

Salmos 49:18

Manchuc me bin nax yo'tan cuxul ta q'uinal, manchuc me lec sc'oplal yu'un ants-winiquetic ta scaj sc'ulejal,

Salmos 49:13

Jich ya xlajic te mach'atic ja'ic nix ya yich' sbaic ta muq'ue; jich nix ya xch'ayic bael ta q'uinal te mach'atic la yal yutsil sc'oplalique.

San Juan 21:17

Ta yoxebal buelta la yalbey xan: —Simón te snich'anat Jonase, ¿c'uxon bal ta awo'tan? —xi'. Te Pedro la smel yo'tan yu'un te yoxebalix buelta te albot te “C'uxon bal ta awo'tan?”, te xie. Jich la yal: —Cajwal, ay ta awo'tan spisil. Ana'oj stojol te c'uxat ta co'tane —xi'. Jesús la yalbey xan: —Mac'linbon jiche te chijetic cu'une.

Salmos 10:3

Te mach'a amen yo'tan ya stoy sba yu'un te bila ya sc'an yo'tane; te mach'a jbic'tal-o'tan ya sbolc'optay soc ya yilay te Cajwaltique.

San Lucas 18:9

Te Jesús la yalbey yaiyic yan seña-c'op ta stojol te mach'atic scuyoj sbaic te toj yo'tanic ta stojol te Diose, soc te ya yalic te amen yat'elic ta sc'opic te yantique. Jich la yal:

San Lucas 18:14

Ya calbeyex: Te jc'an-patane libre c'otix ta stojol Dios te c'alal sujt' bael ta snae. Yan te fariseo ma'yuc bila la sta stuquel, melel te mach'a cajal ya yac' sbae, peq'uel me ya xc'ot. Yan te mach'a peq'uel ya yac' sbae, ja' me cajal ya xc'ot stuquel —xi' te Jesuse.

Hechos 1:24

Jich la sc'oponic Dios yu'un: —Cajwaltic, ja'at awilojbey yo'tanic spisil te ants-winiquetique, jich yu'un ac'botic jna'tic stojol te mach'a tsabil awu'un jtuluc in chebic to,

Romanos 8:27

Te Diose ya sna' te bila ay ta co'tantique soc ya sna' uuc te bila ya yal te Espiritue. Melel te Espiritue, ja' ya sc'anbey te sc'anjel yo'tan te Dios ta stojol te mach'atic ch'ul lum yu'un te Diose.