San Lucas 16:14 - Bible in Tzeltal de Oxchuc y Tenejapa

¹⁴ Te fariseoetique bic'tajem nax yo'tanic yu'un te staq'uinique, jich yu'un te c'alal la yaiyic stojol te bila la yal te Jesuse jajch' slabanic yu'un.

Nuevo Testamento Tzeltal de Amatenango

¹⁴ Te fariseoetike jaꞌ nax ben baem ta yoꞌtanik te stakꞌinike, jaꞌ yuꞌun te kꞌalal la yaꞌiyik te tuti yal te Jesuse, lijk yikꞌtinik yuꞌun.

Bible in Tzeltal Bachajón

¹⁴ Te fariseohetic te smulanejic c'uhlejalil, la ya'iyic spisil soc la slabanic yu'un.

San Lucas 16:14 Referans Kwoze

San Lucas 23:35

Spisil te lume, yacalic ta yilel te bila c'ot ta pasele. Soc te jtuuneletic la slabanic te Jesuse. Jich la yalic: —La scoltay yantic. Ta ora to ac'a scoltay sba uuc teme ja' Cristo te tsabil yu'un te Diose —xiic ta slabanel.

San Lucas 20:47

Soc ya spojbey sna sbiluc te me'ba antsetique. Ja'uc me to, jal ya sc'oponic Dios ta comonsitil, yu'un jich me ya xcuyotic ta lec. Ja'ic te c'axem to xan castigo ya x'ac'botique —xi' te Jesuse.

San Lucas 12:15

Jich la yalbey yaiyic: —Tsajtaya me abaic. Ma me xawac' bic'tajuc awo'tanic yu'un te c'ulejalile, melel ma ja'uc ya xcuxinat yu'un teme ay bayal te bila ay awu'une —xi' te Jesuse.

Jeremías 8:10

Jich yu'un, te yinamic ya me cac' ta sc'ab yan winiquetic, soc yan yajwalic ya xc'ot te sq'uinalique. Melel ta spisilic, muc'-biq'uit, ja' nax baem yo'tanic ganar ta lo'laywanej; jich nix te j'alwanejetic soc te sacerdoteetic, spisilic ya yaiyic lo'laywanej.

Jeremías 6:13

“Spisilic, muc'-biq'uitetic, ja' nax ya snop yo'tanic te staq'uinic ya xwejt' ta bic'tal-o'tanil; j'alwanejetic soc sacerdoteetic, spisilic jlo'laywanejetic.

Isaías 56:11

Jichic te bit'il wi'nal ts'i'etic te jc'axel ma xnoj te xch'ujt'ique, ja'ic jcanan-chijetic te ma'yuc bitic ya xc'ot ta yo'tanic jtebuque. Juju-jtul sleoj sbeic stuquelic, ja' nax ya sleic te bila ya sc'an yo'tanique.

Hebreos 11:36

Soc ay c'ax swocolic ta bolc'optayel, ta majel ta nujc'ul, ta chuquel ta cadena soc ay ochic ta chucjibal.

2 Timoteo 3:2

Melel te ants-winiquetique, stuquel nax ta juju-jtul te c'ux ya yaiy sba ta yo'tane, biq'uit nax yo'tanic yu'un te taq'uine, yich'oj sbaic ta muc' stuquelic, jtoybaetic, jtoybac'optaywanejetic, soc ma xch'uunic mandal ta stojol te sme'-statique. Ma'yuc yutsil yo'tanic, soc ma'yuc Dios ta yo'tanic.

San Lucas 8:53

La stse'layic te Jesuse, melel sna'ojic stojol te jc'axel lajemix te ach'ixe.

San Mateo 23:13

¡Ya me awil awocolic jts'ibojometic, fariseoetic te cha'lam awo'tanique! Melel amacojiquix ta llave c'oem te sti'il ta banti ay ta ajwalinel te Dios te ay ta ch'ulchane. Ma ba ya x'ochex tey a te ja'exe, soc ma xawaq'uic ochel te mach'atic ya sc'an ya x'ochic tey a. [

Ezequiel 33:31

Jich ya xtalic te lum cu'une, ya sep sbaic ta naclej ta atojol, jich nix te bit'il ya spasulayique, yu'un ja' ya yaiyic te bila ya awale, pero ma ba ya xch'uunic spasel bael. Ya smulanic sjaq'uel, jich ta yo'tanic te bit'il sjaq'uel c'ayoj swenta nax sbujts'-o'tanil, pero ja' nax ay ta yo'tanic te taq'uine.

Isaías 53:3

te ants-winiquetique la yilayic, ma la yich'ic ta wenta. Jich yilel sit-yelaw te nojel ta yo'tan te bila c'uxe, c'aem ta woclajel. Jich c'oem te bit'il mach'a ma'yuc ta ilele, la quilaytic, ma la quich'tic ta wenta.

Salmos 119:51

Te mach'atic toybaetic ya yixtac'optayonic ta spisil ora; ja'uc me to, ma ba ya quijq'uitay te p'ijubtesel awu'une.

San Mateo 9:24

La yal te Jesuse: —Loc'anic bael, melel te ach'ixe ma ba lajem. Wayal nax —la yut. Ja'uc me to, te ants-winiquetique la stse'layic te Jesuse.