San Lucas 16:10 - Bible in Tzeltal de Oxchuc y Tenejapa

¹⁰ “Te mach'a jun yo'tan ya swentain te bila ya x'ac'bot ta swenta jtebuque, ja' nanix jich jun yo'tan ya swentain teme ay bila bayal ya x'ac'bot ta swentae. Yan te mach'a ma junuc yo'tan ya swentain te bila ya x'ac'bot ta swenta jtebuque, ja' nanix jich ma junuc yo'tan ya swentain teme ay bi bayal ya x'ac'bot ta swentae.

Nuevo Testamento Tzeltal de Amatenango

¹⁰ “Te machꞌa ben jun yoꞌtan ya skanantay te tut aꞌbil chꞌinuke, jich me ben jun yoꞌtan ya skanantay teme ay bayal tut xkꞌot ta skuentae. Yan te machꞌa ma junuk yoꞌtan ya skanantay te tut ya xꞌaꞌbot chꞌinuke, jich ma junuk yoꞌtan ya skanantay teme ay bayal tut ya xꞌaꞌbote.

Bible in Tzeltal Bachajón

¹⁰ Te mach'a lec ya scuentahin te bin jteb ya x'a'bot, ha nix hich lec ya scuentahin te bin tsobol ya x'a'bote. Yan te mach'a ma sna' scuentahinel te bin jteb ya x'a'bot, yu'un nix ma sna' scuentahinel teme tsobol bin ya x'a'bote.

San Lucas 16:10 Referans Kwoze

San Mateo 25:21

“Te yajwale la yalbey: “Lec at'ejat, lequil abatat soc jun awo'tan ta jtojol. Te bit'il jun awo'tan la awentainbon te bila la cac'bat awentainbon jtebuque, ya me cac'bat awentainbon bayal. La' me, ochan, bujts'najuc awo'tan soc te awajwale”, xi'.

San Lucas 19:17

La yal te ajwalile: “Lec at'ejat, lequil abatat. Te bit'il jun awo'tan la awentainbon te bila jteb la cac'bat jilele, jich yu'un ya cac'bat awat'el ta swentainel lajunpam lum”, xi'.

San Mateo 25:23

“Te yajwale la yal: “Lec at'ejat, lequil abatat, soc jun awo'tan ta jtojol. Te bit'il jun awo'tan la awentainbon te bila la cac'bat awentainbon jtebuque, ya me cac'bat awentainbon bayal. La' me, ochan, bujts'najuc awo'tan soc te awajwale”, xi'.

Hebreos 3:2

Melel te Jesuse jun yo'tan ta at'el ta stojol Dios te ac'bot spas yu'un in at'el to, jich te bit'il Moisés te jun nax yo'tan ay ta abatinel ta bay sna te Diose.

San Juan 12:6

Te bit'il jich la yal te Judase, ma yu'unuc ayuc sc'oplal ta yo'tan te me'baetique. Yu'un ja' ay ta yo'tan te eleq'ue. Melel ja' scanantayej te yawil staq'uinique, soc c'aem ta yelc'anel te taq'uine.

San Juan 13:27

C'alal la stsac te Judase, och Satanás ta yo'tan ta ora. Te Jesús la yalbey: —Te bila ya apase, pasa me ta ora —la yut.

San Juan 13:2

Och pucuj ta yo'tan te Judas te snich'an Simón Iscariote, albot ta yo'tan te bit'il ya yac' ta c'abal te Jesuse. Te Jesús ay ta yo'tan te talem ta stojol Dios, soc te ya sujt' bael ta stojol Dios, soc te bit'il spisil ac'bilix ta sc'ab yu'un te State. Jich yu'un te c'alal yac ta we'el ta mesa, la stejc'an sba jajch'el. La sloq'ues sc'u', soc la xchuc toalla ta xch'ujt'.

San Mateo 24:45

“¿Mach'a a te abat te jun yo'tan soc te ay sp'ijile? Ja' te ya x'ac'bot swentain te abatetic yu'un te yajwale, soc te ya yac'bey swe'elic ta mero yorail ta jujun buelta te ya xwe'ique.