San Lucas 15:7 - Bible in Tzeltal de Oxchuc y Tenejapa

⁷ Jich yu'un ya calbeyex, te c'ax jich ay sbujts' yo'tanic te mach'atic ayic ta ch'ulchan te c'alal ya sujt'es yo'tan yu'un smul te jtul jmulawil, te bit'il balunlajuneb yo'winic (99) ta jtul te toj yo'tanic ta stojol Dios, te ma yejt'aluc ya sujt'es yo'tanic yu'un te smulique.

Nuevo Testamento Tzeltal de Amatenango

⁷ Ya kalbeyex: Jich me ay ben jun yoꞌtan yuꞌun te machꞌatik ay ta chꞌulchane yuꞌun teme ya sujtes yoꞌtan yuꞌun smul jtul jmulawile. Mas ben jun yoꞌtan yuꞌun te tutꞌil te nobenta y noebe ta jtul te toj yoꞌtanik ta stojol Dios te ma puersauk ya sujtes yoꞌtanik yuꞌun te smulike —xchi te Jesuse.

Bible in Tzeltal Bachajón

⁷ Ya calbeyex te c'ax hich ay yutsil-o'tanil ta ch'ulchan yu'un jtuhl jmulawil te ya suhtes yo'tan te bin ut'il ay yutsil-o'tanil yu'un te balunlajuneb yo'winic (99) ta tuhl te toj yo'tanic te ma xtuhun yu'un te ya suhtes yo'tanique.

San Lucas 15:7 Referans Kwoze

San Lucas 5:32

Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi'.

San Lucas 15:10

Ya calbeyex te jich nix bin nax yo'tanic te ch'ul abatetic yu'un Dios ta ch'ulchan teme ya sujt'es yo'tan yu'un smul te jtul jmulawile —xi' te Jesuse.

San Lucas 15:32

Ja'uc me to, snujp' te ya jpastic q'uine, yu'un ay sbujts' co'tantic. Melel te awijts'ine lajemix, ja'uc me to, cha'cuxemix. Jc'axel ch'ayem ta jc'op, ja'uc me to, la jtaix”, xi' te state —xi' ta yalel te Jesuse.

San Mateo 18:13

Teme la sta tel ta leele, jamal ya calbeyex, bin nax me yo'tan yu'un. C'ax jich bin nax yo'tan yu'un a te bit'il balunlajuneb yo'winic (99) ta cojt' te ma ba jowejique.

Proverbios 30:12

Ay mach'atic ya scuy sbaic te mero ma'yuc smulic; ja'uc me to, ma ba yac'oj sbaic ta lecubtesel te bila bolobenic yu'une.

Romanos 7:9

Ay c'aal te ma'yuc sc'oplal ta co'tan te mandalile. Ja'uc me to, te c'alal tal te mandalile, cuxin xan la caiy te mulile. Jich lajon yu'un.

San Lucas 16:15

Te Jesús la yal: —Te ja'ex ja' nax ya aleic te bila ya scuyex ta lec yu'un te ants-winiquetique. Yan te Diose ya sna'beyex te bila ay ta awo'tanique. Te bila lec nax ya yaiyic ta yo'tan te ants-winiquetique, ya yilay stuquel te Diose.

San Lucas 15:29

Te banquilale la yalbey te state: “Ayix bayal ja'wil te jch'uunejbat amandale. Ma'yuc bay jch'ayojbat amandal ni junuc buelta. Ja'uc me to, ma'yuc bay la awac'bon ni cojt'uc tentsun te ya jpas q'uin soc te jo'taque.

San Mateo 3:8

Ac'a me chicnajuc ta ilel sit te awat'elic te bit'il sujt'emix awo'tanic ta mero melel yu'un te amulique.

San Lucas 15:6

C'alal ya xc'ot ta snae, ya stsob tel te sjo'taque soc te spat-xujq'ue, jich ya yalbey yaiyic: “Binuc nax me co'tantic ta jpisiltic yu'un, melel la jtaix te jcojt' jchij te ch'ayeme”, xi' ta yalel.

San Lucas 15:8

“Teme ay jtul ants te ay lajunsejp dracma staq'uine, ¿bi xi' yo'tan yu'un teme ya xch'ay junuc dracma yu'une? ¿Ma bal yacuc stsum c'ajc' yil, soc ma bal yacuc smes ta lec te snae yu'un ya sle te staq'uin ch'ayeme? Ja' to ya xlaj yo'tan a teme la stae.