San Lucas 15:6 - Bible in Tzeltal de Oxchuc y Tenejapa

⁶ C'alal ya xc'ot ta snae, ya stsob tel te sjo'taque soc te spat-xujq'ue, jich ya yalbey yaiyic: “Binuc nax me co'tantic ta jpisiltic yu'un, melel la jtaix te jcojt' jchij te ch'ayeme”, xi' ta yalel.

Nuevo Testamento Tzeltal de Amatenango

⁶ Kꞌalal kꞌot ta snae, ya stsob tal te yamigotake sok te sbersinatake. Y jich ya yaltalanbe: “Ben kontentoukotik me, porke la jtaix tal te jkarnera te chꞌayem kuꞌune”, xchi ta yalel.

Bible in Tzeltal Bachajón

⁶ soc te c'alal ya xc'oht ta sna, ya stsob tal yamigotac soc spat xuhc, hich ya yalbe: Pajaluc me ay yutsil co'tantic, yu'un la jtahix te jcoht jtuminchij te ch'aye, xchi.

San Lucas 15:6 Referans Kwoze

San Lucas 15:10

Ya calbeyex te jich nix bin nax yo'tanic te ch'ul abatetic yu'un Dios ta ch'ulchan teme ya sujt'es yo'tan yu'un smul te jtul jmulawile —xi' te Jesuse.

San Lucas 15:24

Melel in jnich'an to, lajemix la caiy, ja'uc me to, cha'cuxemix”, xi' te state. Jich och spasic te q'uine.

1 Pedro 2:25

Yu'un ta neelal jich ayex te bit'il chijetic te jowejemique. Ja'uc me to, sujt'emexix tel ta stojol te Cristoe te ja' Jcanantaywanej awu'unic stuquel te yat'elinej scanantaybel te ach'ulelique.

Hechos 11:23

Te c'alal c'ot tey a, la yilbey yutsilal te Diose. Bin nax yo'tan yu'un, soc la stac'uy te ayuc me swentail ta yo'tanic soc te jc'axel ac'a junajuc yo'tanic ta stojol te Cajwaltique.

Salmos 119:176

Ch'ayemon jichuc jcojt' chij, la' me, leawon, yu'un ma ba ch'ayem ta co'tan te mandaliletic awu'une.

Filipenses 2:17

Manchuc teme ya jmal jch'ich'el jbaq'uetal ta swenta sts'actijib te smajt'an Dios awu'unique, ya me xbujts'naj co'tan ta lec yu'un, soc ya me xbujts'naj awo'tanic yu'un uuc te ja'exe.

Hechos 15:3

Jich la yich'ic ticunel bael yu'un te jch'uunjeletic ta lum Antioquía. C'axic bael ta sq'uinal Fenicia soc ta sq'uinal Samaria. C'ax yalbeyic te quermanotactic te bit'il ay tsobol jyanlumetic te la xch'uuniquix te Diose. Spisil te quermanotactique bin nax yo'tanic yu'un.

San Juan 15:14

Te jo'otique jun co'tan jbajtic teme ja' ya apasic te bila la calbeyex ta mandale.

San Juan 3:29

Jich bit'il te nujbinele. Te mach'a ya xnujbin soc te ach'ixe, ja'ix te smamlale. Yan te mach'a sjoy nax sba soque, ja' nax ya xbujts'naj yo'tan yu'un te ya yaiybey te sc'ope. Jich c'oemon ta stojol te Jesuse. Bayal ya xbujts'naj co'tan ta swenta.

San Lucas 15:7

Jich yu'un ya calbeyex, te c'ax jich ay sbujts' yo'tanic te mach'atic ayic ta ch'ulchan te c'alal ya sujt'es yo'tan yu'un smul te jtul jmulawil, te bit'il balunlajuneb yo'winic (99) ta jtul te toj yo'tanic ta stojol Dios, te ma yejt'aluc ya sujt'es yo'tanic yu'un te smulique.

1 Pedro 2:10

Te ja'exe ma ba lumex yu'un Dios ta neelal to. Yan ta ora to, lum c'oemexix yu'un te Diose. Ta neelal to ma la ataic c'uxtayel. Yan ta ora to, la ataiquix c'uxtayel yu'un te Diose.

1 Tesalonicenses 2:19

Melel, ¿bila a te ya jmaliye? soc ¿bila a te xbujts' co'tane? soc ¿bila a te corona te toyol q'uinal ya caiy yu'une? ¿Ma bal ja'uc te ja'exe te ayex ta stojol te Cajwaltic Jesucristoe? Jich me bin nax co'tan awu'unic te c'alal ya xchicnaj tele.

Filipenses 4:1

Jich yu'un, quermanotac te c'uxex ta co'tane, ma xch'ayex ta co'tan. Ja'ex ya awac'bon sbujts' co'tan, soc ja' jcoronaex. Junajuc me awo'tanic ta xch'uunel te Cajwaltique, ja'ex te c'uxex ta co'tane.

Filipenses 1:4

Jich bayal sbujts' co'tan ya jc'oponbeyex Dios spisil ora ta apisilic.

San Lucas 1:58

La yaiyic stojol te spat-xujq'ue soc te xchapomal te bit'il bayal c'uxtaybil yu'un te Cajwaltique. Jich tal ta ilel yu'unic. Bayal bujts'naj yo'tanic soc te Elisabete.

San Lucas 15:5

Te c'alal ya stae, bin nax yo'tan ya scajan tel ta snuc'.