San Lucas 15:29 - Bible in Tzeltal de Oxchuc y Tenejapa

²⁹ Te banquilale la yalbey te state: “Ayix bayal ja'wil te jch'uunejbat amandale. Ma'yuc bay jch'ayojbat amandal ni junuc buelta. Ja'uc me to, ma'yuc bay la awac'bon ni cojt'uc tentsun te ya jpas q'uin soc te jo'taque.

Nuevo Testamento Tzeltal de Amatenango

²⁹ Te bankilale la yalbe te state: “Anaꞌoj te ayix bayal jaꞌbil te ya jpasbat awaꞌtele, ni maꞌyuk ba ma jchꞌuun amantal. Pero ni maꞌyuk awakꞌojbon jkojtuk chibo yuꞌun ya jpas kꞌin sok a te joꞌtake.

Bible in Tzeltal Bachajón

²⁹ Pero te banquilal hich la yalbe te state: Ilawil, ayix bayel ha'bil te cac'oj jba ta a'batinel awu'un, mayuc bin ora la jc'axuntaybat amandar; pero mayuc awa'beyejon ni jcohtuc tut tentsun yu'un ya jpas q'uin soc te camigotaque.

San Lucas 15:29 Referans Kwoze

Apocalipsis 3:17

Melel te ja'ate jich ya awal: “C'ulejon te jo'one. Ju'ix cu'un tsobel bayal te jc'ulejale. Xujt' ma'yuquix jwocol”, te xaate. Ja'uc me to, ma x'ana' te ay bayal awocol soc te bayal yo'bolil aba ta q'uinale, xujt' ma'yuc bila ay awu'un te ma'sitate soc te t'analate.

Apocalipsis 2:17

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a ya xju' yu'un tsalawe, ya cac'bey swe' te maná-waj te nac'bile. Soc ya cac'bey jp'ij saquil ton te ts'ibubil tey a te yach'il sbiil te ma'yuc mach'a ya sna' jtuluque. Ja' nax ya sna' stuquel te mach'a ya yich'e —xi'.

Romanos 10:3

Yu'un ma ba c'oem ta yo'tanic te bit'il toj ya x'ilotic yu'un te Diose. Stuquelic nax ya spas sbaic ta toj yo'tan ta sc'opic. Ma ba yich'ojic ta muc' te bila yaloj te Diose.

Romanos 7:9

Ay c'aal te ma'yuc sc'oplal ta co'tan te mandalile. Ja'uc me to, te c'alal tal te mandalile, cuxin xan la caiy te mulile. Jich lajon yu'un.

San Lucas 19:21

Yu'un la jxi'at te bit'il tulan awo'tane. Melel ya awich' te bila ma ja'ucat awac'oj tey a, soc ja'at ya ac'aj te ma ja'ucat la ats'une”, xi'.

San Lucas 18:9

Te Jesús la yalbey yaiyic yan seña-c'op ta stojol te mach'atic scuyoj sbaic te toj yo'tanic ta stojol te Diose, soc te ya yalic te amen yat'elic ta sc'opic te yantique. Jich la yal:

San Lucas 17:10

Ja' nanix jich te ja'exe, teme la apasix spisil te bila la yalbat te Diose, ya sc'an te jich ya awalic: “Amenotic ta abatil, melel ja' nax la jpastic te bila albototique”, xaex me —xi' te Jesuse.

San Lucas 15:7

Jich yu'un ya calbeyex, te c'ax jich ay sbujts' yo'tanic te mach'atic ayic ta ch'ulchan te c'alal ya sujt'es yo'tan yu'un smul te jtul jmulawil, te bit'il balunlajuneb yo'winic (99) ta jtul te toj yo'tanic ta stojol Dios, te ma yejt'aluc ya sujt'es yo'tanic yu'un te smulique.

San Mateo 20:12

La yalic: “Te winiquetic to te talic ta at'el ta slajibal orae, jip nax jun ora te at'ejique. ¿Bistuc te pajal jtojoltic la awac'botic soque? Melel te jo'otique c'ax jwocoltic ta at'el soc la caiybeytic xc'uxul ta lec te c'aale”, xiic ta c'op.

Malaquías 3:14

Te awalojique: “Te abatinel ta stojol Dios ma'yuc swentail. ¿Bila ya xloc' cu'untic a te ya jpastic te bila ya yal ta mandal, soc te ya yich' lapel c'u'il swenta mel-o'tan ta stojol te Cajwaltic te Spisil ya xju' yu'une?

Zacarías 7:3

soc ay bila tal sjojc'obeyic te j'alwanejetic soc sacerdoteetic te ayic ta templo yu'un Cajwaltic te Spisil ya xju' yu'une. Jich jul yalbeyic: —¿Spisil bal ora ya jcom jwe'eltic swenta seña mel-o'tan ta yo'ebal u sjajch'el te jujun ja'wile, jich te bit'il yacalotic ta spasel c'alal ora? —xiic julel.

Isaías 65:5

La yalic: “Ainan tey a, ma me xnoptsajat tel; c'axem to xan ch'ulajemon, ma me xnoptsajat ta jtojol”, xiic. Te ants-winiquetic jich c'oemic te bit'il c'ajc' te ya xtil sjunal c'aal; jich ya yuts'inonic te bit'il ch'ail ta jni'tic.

Romanos 3:27

¿Banti ay te bila ya jtoy jbatic yu'une? Ma'yuquix swentail. ¿Bi yu'un jiche? ¿Ja' bal ma xju' ya jtoy jbatic yu'un te ma ba ju' cu'untic xch'uunel te mandalile? Ma'uc. Melel ja' nax ya cac' xch'uunjel co'tantic ta swenta te Jesuse.

Romanos 3:20

Yu'un jtul ma'yuc mach'a ya x'ac'ot ta libre yu'un smul yu'un te ya yat'elin spasel te bi ya yal te mandalile. Melel te mandalile, ja' nax ya yac' ta na'el stojol te ay te mulile.

San Lucas 15:28

“Te banquilale ilin yo'tan yu'un. Ma la sc'an te ya x'och bael ta nae. Jich te state loc' tel. Tal yutsil-c'opon te snich'an te yacuc ochuc baele.

San Lucas 15:30

Yan te c'alal sujt' tel te alequil-nich'an te la sjowil-lajinbat ataq'uin ta jmulawil-ants, ja' la amilbeyix jujp'en tat wacax stuquel”, xi' te banquilale.