San Lucas 15:28 - Bible in Tzeltal de Oxchuc y Tenejapa

²⁸ “Te banquilale ilin yo'tan yu'un. Ma la sc'an te ya x'och bael ta nae. Jich te state loc' tel. Tal yutsil-c'opon te snich'an te yacuc ochuc baele.

Nuevo Testamento Tzeltal de Amatenango

²⁸ “Pero te bankilale ilin yuꞌun. Ma skꞌan te ya xꞌoch bael ta snae. Jich te state puersa lokꞌ tal ta slekil-kꞌopon te xnichꞌane te yauk xꞌoch bael ta snae.

Bible in Tzeltal Bachajón

²⁸ Ilin yu'un te banquilal, ma ba la sc'an och bahel. Ha yu'un loc' talel te state, la yalbe wocol te yacuc x'och bahel.

San Lucas 15:28 Referans Kwoze

Jonás 4:9

Pero albot yu'un te Diose: —¿Lec bal ya awaiy te bayal ya x'ilinat yu'un te taquej te jtejc' ch'opac te'? —xi' sc'oplal. La sjac' te Jonase: —Yu'unix lec ya caiy a. ¡Mero ya xlajonix yu'un slab co'tan ya caiy! —xi' xan.

1 Samuel 18:8

Ma lecuc la yaiy te Saúl te jich alote, mero ilin yu'un. Jich la yal: “Te David ya yac'beyic ta swenta smilel lajunmil (10,000) ta jtul winiquetic, yan te jo'one ja' nax jmil (1,000) ta jtul. Ja' xanix te ma ba ya yaq'uic ochel ta muc' ajwalil”, xi' yu'un.

San Lucas 15:2

Ja'uc me to, te fariseoetic soc te jts'ibojometic caj smuquen-ayanic. Jich la yalic: —Ja' in winic to, jun yo'tan sba soc te jmulawiletique, melel ya sjoin ta we'el —xiic ta smuquen-ayanel te Jesuse.

San Lucas 7:39

Te fariseo te ic'awan ta we'ele la yil te bila la spas te antse. Jich la yal ta yo'tan: “Te ja'uc j'alwanej yu'un Dios te winique, ya me sna' te bit'il jmulawil-ants te tal ta piquel yacan yu'un te jichuque”, xi' ta yo'tan.

Isaías 66:5

Aiybeya awaiyic stojol sc'op te Cajwaltique, ja'ex te awich'ojbeyic ta muc' te sc'ope: —Te ja'exe ay alumalic nix te ya slab-o'tantayex soc ya yuts'inex, melel ya atabonic ta alel te jbiile. Jich ya yalic: “Ac'a yac' ta ilel yutsilal ta atojolic te Cajwaltique; ya jc'antic te binuc nax awo'tanic ya quiltique”, xiic. Ja'uc me to, ya xq'uexawic jilel.

Isaías 65:5

La yalic: “Ainan tey a, ma me xnoptsajat tel; c'axem to xan ch'ulajemon, ma me xnoptsajat ta jtojol”, xiic. Te ants-winiquetic jich c'oemic te bit'il c'ajc' te ya xtil sjunal c'aal; jich ya yuts'inonic te bit'il ch'ail ta jni'tic.

Hechos 14:2

Yan te jayeb judioetic te ma la sc'an xch'uunique, la sjachbey slab yo'tanic te jyanlumetique. Jich ju' yu'unic te la scontroinic te cheb quermanotactique.

Hechos 13:45

Te judioetique la yilic te ay bayal mach'atic la stsob sbaique, jich jajch' slab-o'tantayic. Jajch' yalic te ma meleluc te bi ya yal te Pabloe, soc la scontroc'optayic soc la stoybac'optayic.

San Lucas 24:47

Soc ja' ta swenta te ya yich' alel ta bay chajbalchajp nacionetic te ya sujt'es yo'tanic yu'un te smulique, swenta yu'un jich me ya spasbotic perdón yu'un. Tey me neel ya xjajch' ta alel ta bay Jerusalén.

San Lucas 13:34

“¡Jerusalén, Jerusalén! C'aemat ta smilel te j'alwanejetic yu'un te Diose soc c'aemat ta xch'ojel ta ton te mach'atic ticunbilic ta c'op yu'une. Bayal buelta te c'an jtsobeyex te awal-anich'nabe, jich bit'il ya stsob yalatac ta yanil xic' te me'mute. Ja'uc me to, ma la ac'anic.

San Lucas 5:30

Jich yu'un te fariseoetique soc te jts'ibojometique jajch' ayanbeyic sc'oplal te jnopojeletic yu'un te Jesuse. Jich ba yalbeyic: —¿Bistuc ya ajoinic ta we'el-uch'ajel te jc'an-patanetic soc te jmulawiletique? —xiic.

San Mateo 20:11

Te j'at'eletic ora jajch' smuquen-ayanic te yajwal at'ele.

1 Samuel 17:28

Pero te Eliab, te smuc'ul banquil te David, yac yaiybel te bila yac yalel soc te yantic winiquetique, ma lecuc la yaiy. Jich la yal yu'un: —¿Bi talem apasbel? ¿Mach'a la awijq'uitay jilel soc te cha'oxcojt' chijetic ayic ta taquin q'uinal aquiltic? Quilojbat atalel te biluc nax ya alom ta pasele, soc te ma lecuc bila ya anop ta awo'tane, melel ja' nax talemat ta yilel te guerra —xi'.

1 Tesalonicenses 2:16

Melel te judioetique ya scomotic te ya jcholbeytic yaiy te jyanlumetique, swenta yu'un ya me xcolic uuc. Jich yanyan ta esmajel smulic te judioetique, ja'uc me to, ayix ta swentaic te tulan castigo yu'un te Diose.

2 Corintios 5:20

Jich yu'un teq'uelotic ta c'op ta atojolic ta swenta te Cristoe. Jich c'oem te bit'il ja' ya yal wocol Dios ta atojolic ta jwentatic te jo'otique. Ya calbeyex wocol ta atojolic ta swenta sbiil te Cristoe te ac'a junajuc awo'tanic ta stojol te Diose.

Romanos 10:19

Soc jich ya cal xan: “¿Yu'un bal ma ba sna'ojic stojol te israeletique?”, xoon yu'un. Ja' sbabial la yal te Moisese: “Jo'on me ya cac' jajch'uc sbic'tal awo'tanic ta swenta te jchajp lum te ma lumuc cu'un ta neelal toe. Ya me cac' ilinuc awo'tanic ta swenta jpam lum te ma'yuc bila ya xc'ot ta yo'tanique, xi' te Diose”, te xie.

Hechos 14:19

Ay c'otic judioetic te talic ta Antioquía soc ta Iconio. Tal stic'beyic c'op te ants-winiquetique. Jich la xch'ojic ta ton te Pabloe soc la stasic loq'uel c'alal ta ti'lum, yu'un la scuyic te jc'axel lajemixe.

Hechos 13:50

Ja'uc me to, te judioetic la sjachbey slab yo'tanic te jc'ulej-antsetic te ich'bilic ta muc' soc te yich'ojic ta muc' te Diose, soc uuc te winiquetic te ich'bilic ta muc' yu'un te lume. Jich jajch'ic ta uts'inel te Pablo soc te Bernabé, soc la yich'ic tenel loq'uel ta bay sti'il te sq'uinalique.

San Marcos 1:40

Noptsaj tel ta stojol Jesús jtul winic te yich'oj c'a'el-chamele. La squejan sba ta stojol soc jich la yalbey: —Te jichuc awo'tane ya xju' awu'un te ya alecubtesone —xi'.

San Lucas 15:27

La yal te abate: “Yu'un ja' sujt'ix tel te awijts'ine. Jich te atate bin nax yo'tan la yac' ta milel jujp'en tat wacax, yu'un lec sujt' tel te awijts'ine”, xi' te abate.

San Lucas 15:29

Te banquilale la yalbey te state: “Ayix bayal ja'wil te jch'uunejbat amandale. Ma'yuc bay jch'ayojbat amandal ni junuc buelta. Ja'uc me to, ma'yuc bay la awac'bon ni cojt'uc tentsun te ya jpas q'uin soc te jo'taque.

Jeremías 35:16

Te sts'umbal Jonadab te snich'an Recab, la sc'otesbeyic ta ch'uunel smandal te xchich smamic te ac'botic jilel yu'une, yan te lum Israel ma ba xch'uunejbon te jc'ope.