San Lucas 15:27 - Bible in Tzeltal de Oxchuc y Tenejapa

²⁷ La yal te abate: “Yu'un ja' sujt'ix tel te awijts'ine. Jich te atate bin nax yo'tan la yac' ta milel jujp'en tat wacax, yu'un lec sujt' tel te awijts'ine”, xi' te abate.

Nuevo Testamento Tzeltal de Amatenango

²⁷ Te aj-aꞌtelile la yal: “Yuꞌun jaꞌ a sujtix tal te awijtsꞌine. Jich te atate ben jun yoꞌtan a yakꞌ ta milel ben jujpꞌen wakax yuꞌun lek a sujt tal te awijtsꞌine”, xchi te aj-aꞌtelile.

Bible in Tzeltal Bachajón

²⁷ Hich halbot yu'un te a'bat: Suhtix tal te awihts'in, soc te atat yac'ojix ta milel te juhp'en wacax yu'un lec ay a suht tal, xchi.

San Lucas 15:27 Referans Kwoze

Filemón 1:16

Ma jichuquix te bit'il amosoe, yu'un yan xan lec c'oemix ta ora to: Ja' awermanoix ta stojol Dios te bayal c'ux ta awo'tane. Te jo'one bayal c'ux ta co'tan ya caiy. In te ja'ate, ya sc'an te c'ax to xan jich c'ux ya awaiy ta awo'tan atuquel. Melel ma ja'uc nax awabat te winique, ja' awermanoix ta stojol te Cajwaltique.

Hechos 22:13

Tal yilon te Ananías, soc teq'uel c'oel ta jts'eel te jich la yalbone: “Quermano Saulo, ya me xjamix te asite”, xi'. Jich jam ta ora te jsite, soc la quilbey sit te Ananiase.

Hechos 9:17

Jich bajt' te Ananiase, soc och ta na ta banti ay te Sauloe. C'o scajanbey sc'ab ta sjol. Jich la yalbey: —Quermano Saulo, te Cajwaltic Jesús te la stejc'an sba ta be ta atojol ta banti yacat tel ta beel te c'alal talate, ja' la sticunon tel swenta yu'un ya me xjam te asite, soc swenta yu'un ya xnoj ta awo'tan te Ch'ul Espiritue —xi' te Ananiase.

San Lucas 15:30

Yan te c'alal sujt' tel te alequil-nich'an te la sjowil-lajinbat ataq'uin ta jmulawil-ants, ja' la amilbeyix jujp'en tat wacax stuquel”, xi' te banquilale.

1 Samuel 28:24

Jich te antse, ora la smil jcojt' ch'in jujp'en wacax te ay yu'un ta sna, soc och ta swots'el harina ma'yuc slevadurail, swenta yu'un ya spas ta pan.

San Mateo 22:4

La sticun xan yan abatetic. Jich la spas bael ta mandal: “Albeya te mach'atic ic'bilique: ‘Chapalix cu'un te we'elile. La caq'uix ta milel te toroetic cu'une soc te jujp'en chambalametique. Spisil chapalix. Jich yu'un la'ic me ta yilel ta ora te nujbinele’, uta me”, xi' te ajwalile.

San Lucas 15:26

Jich la yic' tel jtul te abatetique. La sjojc'obey yaiy te bi swentailuc te q'uine.

San Lucas 15:28

“Te banquilale ilin yo'tan yu'un. Ma la sc'an te ya x'och bael ta nae. Jich te state loc' tel. Tal yutsil-c'opon te snich'an te yacuc ochuc baele.