San Lucas 15:24 - Bible in Tzeltal de Oxchuc y Tenejapa

²⁴ Melel in jnich'an to, lajemix la caiy, ja'uc me to, cha'cuxemix”, xi' te state. Jich och spasic te q'uine.

Nuevo Testamento Tzeltal de Amatenango

²⁴ Porke te jnichꞌan to chamenix a jkuy a, pero chaꞌkuxix tal. Chꞌayemix bael, pero la to jtajtik”, xchi te state. Jich a lijk spasik te kꞌine.

Bible in Tzeltal Bachajón

²⁴ como te jnich'an chamenix a, pero cha'cuxajix tal; ch'ayem, pero la jtahix, xchi te state. Hich hahch spasic q'uin yu'un yutsil q'uinal.

San Lucas 15:24 Referans Kwoze

Efesios 2:5

Te bit'il lajemotic yu'un te mulile, jich la yac'botic jcuxlejaltic ta swenta Cristo. (Ta swenta nax yutsil yo'tan Dios te colemexe.)

Ezequiel 34:16

Ya jle te chijetic ch'ayemique, ya me quic' tel te jowejemic ta be. Ya me jpotsbey teme ay c'asemic yacane, ya me jcoltay te bay ma'yuc yipique. Ya me jcanantay te jujp'enic soc te ay yipique. Jo'on me ya jcanantay, jich me ya jcanantay te bit'il ya sc'anic canantayele.

Colosenses 2:13

Te ja'exe lajemex yu'un te mulile soc ma ba awich'ojic circuncisión te abaq'uetalique. Ja'uc me to, Dios la yac'beyexix acuxlejalic soc Cristo te bit'il la spasbeyex perdón yu'un spisil te amulique.

San Lucas 19:10

Melel te Nich'anile tal sle soc tal scoltay te mach'atic ch'ayeme —xi' te Jesuse.

Efesios 2:1

Jich te ja'exe, Dios la yac'beyex acuxlejalic te c'alal lajemex yu'un te la ac'axintayic mandal soc te la ale amulique.

San Lucas 15:4

—Teme ay jtul te ja'ex te ay jo'winic (100) ta jcojt' xchije, ¿bi xi' yo'tan yu'un teme ay ch'ay jcojt'uc yu'une? ¿Ma bal yacuc yijq'uitay jilel ta aquiltic te balunlajuneb yo'winic (99) ta jcojt'e, yu'un ya xba sle tel te jcojt' ch'ayeme? ¿Ma xlaj yo'tan ta sleel ja' to teme la stae?

San Lucas 15:32

Ja'uc me to, snujp' te ya jpastic q'uine, yu'un ay sbujts' co'tantic. Melel te awijts'ine lajemix, ja'uc me to, cha'cuxemix. Jc'axel ch'ayem ta jc'op, ja'uc me to, la jtaix”, xi' te state —xi' ta yalel te Jesuse.

Romanos 6:11

Jich uuc te ja'exe, lajemuquex me ta swenta te mulile. Ja'uc me to, pajaluc me cuxulex soc te Diose, ta swenta te jun c'oemex soc te Cristo Jesuse.

Romanos 8:2

Melel te mandalil yu'un te Espiritue, ja' ya yac' cuxlejal ta swenta te Cristo Jesuse, jich colon loq'uel ta libre yu'un te mulile soc te lajele.

Romanos 12:15

Ayuc me sbujts' awo'tanic soc te mach'atic ay sbujts' yo'tanic ya awilique. Pajal me x'oq'uex soc te mach'atic ayic ta oq'uele.

Isaías 35:10

te mach'atic scoltayej loq'uel tel te Cajwaltique. Ya me x'ochic bael ta Sión ta c'ayoj soc sbujts' yo'tanic; spisil me ora bin nax yo'tanic ya xcuxinic tey a. Ya me staic sbujts' q'uinal yaiyic soc smuc'ul yo'tanic, ya me xch'ay ta jc'axel te mel-o'tan soc te bila c'ux ya yaiyique.

San Juan 11:25

Te Jesús la yalbey: —Jo'on cha'cuxelon soc jo'on cuxlejalon. Ja' te mach'a ya xch'uunone, teme ya xlaje, ya me xcha'cux tel.

Efesios 5:14

Ja' swentail te jich ay ta alele: “Wic'a asit, ja'at te wayalate, jajch'an tel ta bay te animaetique. Ya yac' tiluc saquil q'uinal ta atojol te Cristoe”, te xie.

1 Corintios 12:26

Teme ay swocol junuc te bila ay ta jbaq'uetaltique, pajal ya yaiybeyic xc'uxul ta scojt'ol. Soc teme ya sta yutsilal junuque, pajal ya yaiybeyic yutsilal ta scojt'ol.

1 Timoteo 5:6

Ja'uc me to, te me'ba ants te ja' nax baem ta yo'tan spisil te bila smulanej te sbaq'uetale, lajemix c'oem te bit'il cuxul to ta q'uinale.

Romanos 11:15

Melel te bit'il ijq'uitayot te judioetic yu'un te Diose, jich junaj yo'tanic ta stojol Dios spisil te yantic ta balumilale. Ja'uc me to, c'alal ya xcha'ic'otic xane, ¿Ma bal jichuc ya xc'ot te bit'il cha'cux tel te mach'atic lajemique?

Romanos 6:13

Ma me xawac' ta tuuntesel yu'un mulil te abaq'uetal ta spasel te bila amene. Jich yu'un ac'a abaic ta sc'ab Dios jich bit'il te mach'a cha'cuxemix tel ta bay te animaetique. Jich yu'un ac'aic ta tuuntesel yu'un Dios te abaq'uetalic ta spasel te bila toje.

San Juan 5:21

Melel te Jtatic Diose ya me xcuxes te animaetique, soc ya yac'bey xcuxlejal. Ja' nanix jich uuc te Nich'anile ya me yac' cuxinuc uuc te mach'atic ya sc'an yo'tan te ya yac' cuxinuque.

San Marcos 8:22

Patil c'otic ta lum Betsaida. Ay la yiq'uic tel jtul ma'sit. La stejc'anbeyic ta stojol te Jesuse, soc la yalbeyic wocol te yacuc sjambey te site.

Ezequiel 34:4

Te ja'exe ma ba ya acoltayic te chijetic ma'yuc yipique, soc ma x'apoxtayic te ayic ta chamele, soc ma ba ya apotsbeyic te banti c'asem te yacane, soc ma ba ya xba atsobic sujt'el tel teme ay ya xjowejic ta be, ni ma ba ya aleic te jayeb ya xch'ayique. Pero lom tulan ya ac'oponic, soc sc'ajc'al awo'tanic ya awuts'inic.

Apocalipsis 3:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Sardis: Te mach'a yic'oj juqueb Espirituetic yu'un te Diose soc te yich'oj juqueb eq'uetique, jich la yal: Jo'on quilojbat spisil te awat'ele. “Cuxul”, xi' ac'oplal, ja'uc me to, lajemat ya quil jtuquel.

Judas 1:12

Ja' nax ya sboltesbeyex ac'oplalic te bit'il sjoinejex ta spasel te q'uin swenta c'uxul-o'tanile. Melel xchinchon nax q'uinal yu'unic tey a te yacalic ta we'el-uch'ajele. Ja' nax ya sle stuquelic te bila ya xtuun yu'unique. Pajalic soc tocal te ma'yuc ya'lel, te bayuc ya x'eanot bael yu'un te iq'ue. Pajalic soc te'etic te ma xyac' sit ta yoraile, te cheb buelta lajemique, soc te bulbil loq'uel soc te yisime.

San Lucas 10:19

Jo'on la cac'beyex tulan awat'elic ta xpech'el ta teq'uel te chanetique soc te tsequetique, soc cac'ojbeyex te ya xju' awu'unic stsalel spisil yu'el te cajcontrotique. Jich ma'yuc bila ya yuts'inex xan xujt'uc.

Génesis 45:28

Jich la yal te mamal Israel: —Lec ay, cuxul te jnich'an José jiche. Ya xboon, ya xba quilbey xan sit junuc buelta te bit'il cuxulon to —xi'.

Isaías 66:11

Melel te Jerusalén, jich c'oem te bit'il jun me'il, te ya smac'lin te mach'atic c'uxtabilic yu'un ja' to c'alal ya xnoj te xch'ujt'ique.

San Mateo 8:22

Jich la yalbey te Jesuse: —Te ja'ate ts'aclinawon bael. Ja' ac'a smuquic te anima te mach'atic pajal anima soque —la yut.

San Lucas 9:60

Jesús la yalbey: —Ja' ac'a smuc te mach'a pajal anima soque. Yan te ja'ate, baan ta spuquel te bit'il ay ta ajwalinel te Diose —la yut.

San Lucas 15:23

Soc ic'aic tel te jujp'en tat wacaxe, milaic jti'tic, yu'un ya me jpastic q'uin.

San Lucas 15:25

“Te banquilale baem ta c'altic a. Te c'alal sujt' tele, ma to xc'ot ta sna a te la yaiy stojol q'uin soc ajc'ot.