San Lucas 15:22 - Bible in Tzeltal de Oxchuc y Tenejapa

²² “Ja'uc me to, te state la yalbey mandal ta ora te abatetic yu'une: “Ich'bonic tel ta ora te lequil c'u'ule. Ac'bonic slap a. Ac'bonic xch'ocow ta sc'ab, soc ac'bonic xanab slap.

Nuevo Testamento Tzeltal de Amatenango

²² “Pero te state la yalbe mantal ta ora te yaj-aꞌtele: “Lokꞌesaik tal ta ora te lekil kꞌuꞌul-pakꞌale, aꞌbikon slap. Aꞌbikon junuk xchꞌokob ta yal skꞌab sok aꞌbikon slap xanab.

Bible in Tzeltal Bachajón

²² Pero te stat hich la yalbe te a'batetic yu'une: Ich'ahic tal buen lequil c'u'ul, a'beyahic slap; soc a'beyahic ch'ocowil ta yal sc'ab soc a'beyahic slap step.

San Lucas 15:22 Referans Kwoze

Apocalipsis 6:11

Jich ac'bot slapic saquil c'u'il juju-jtul, soc albotic te junuc yo'tan ac'a smaliyic xan jtebuc, ja' to teme ts'acaj yajtalul te yermanotac te ayic ta abatinel yu'un te Cristoe, puersa ya yich'ic milel uuc, jich te bit'il la yich'ic milel stuquelique.

Ester 8:2

Te muc' ajwalil la sloq'ues te xch'ocow swenta sello te la yich'bey sujt'el te Amán, ja' la yac'beyix te Mardoqueo. Jich te Ester la yac'bey yat'el ta administrador ta swentainel te biluquetic yu'un Amán ta neelal toe.

Génesis 41:42

Jich la sloq'ues xch'ocow ay ta sc'ab te yich'ojbey selloil te yat'ele, la yac'bey ta sc'ab José. Soc la yac'bey slap buen t'ujbil c'u'il pasbil ta lino, la yac'bey yuan buen t'ujbil ualil pasbil ta oro.

Isaías 61:10

¡Bayal me yutsil co'tan ta c'axem to xan yu'un te Cajwale! Mero bin nax co'tan yu'un te Dios cu'une, melel la yac'bonix te jcoltayel yu'une, la yac'onix ta tsalaw. Jichon te bit'il mach'a ya xnujbin te ya yich' scorona; jichon te bit'il ach'ix te ya xnujbinix te ya xch'al sba ta c'anal taq'uinetique.

Ester 3:10

Jich te muc' ajwalil la sloq'ues ta sc'ab te xch'ocow swenta sello, la yac'bey te Amán, te scontro te judioetique.

Apocalipsis 19:8

Ac'botix ta swenta slapel te lequil lino-pac' te sacleman naxe”, xiic ta c'op la caiy. Te lequil lino-paq'ue, ja' seña te bila lec spasojic ta q'uinal te mach'atic ch'ul lum yu'un te Diose.

Apocalipsis 7:9

Ta patil la quil ay bayal mach'atic talemic ta bay yanyantic nacionetic soc ta bay chajbalchajp sts'umbalic soc ta bay yanyantic slumalic soc ta bay yanyantic te sc'opique. Spisil tec'ajtic ta stojol te muc'ul nactijibale soc ta stojol te Alalchije. Bayalic ta c'axem to xan te ma xju' ta ajtayele. Sac te sc'u'-spac' slapojique, soc stuchojic palma ta sc'abic juju-jtul.

Romanos 8:15

Melel te Espíritu te ac'botex awiq'uique, ma ja'uc ya yaq'uex xan ta mosoil yu'un te xiwele. Melel ja' ya yaq'uex ta alnich'an yu'un te Diose. Ja' swentail te jich ya caltique: “Jtat”, te xootic ta stojole.

Apocalipsis 2:17

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a ya xju' yu'un tsalawe, ya cac'bey swe' te maná-waj te nac'bile. Soc ya cac'bey jp'ij saquil ton te ts'ibubil tey a te yach'il sbiil te ma'yuc mach'a ya sna' jtuluque. Ja' nax ya sna' stuquel te mach'a ya yich'e —xi'.

Gálatas 3:27

Melel te jayebex te awich'ojic ja' ta swenta te Cristoe, ja' ac'u'inejiquix te Cristoe.

Romanos 13:14

Ac'a me jc'u'inbeytic yu'el te Cajwaltic Jesucristoe. Ma me xawac' abaic xan ta spasel te bila ya sc'an te abaq'uetalique.

Cantares 7:1

Mero buen t'ujbil awacan soc te atep, yantsil-nich'an ajwalil. Soc te seplejal te acube, pajal soc ch'alil oro te buen t'ujbil te pasbil ta sc'ab mach'a ay sp'ijil.

Salmos 132:9

Ac'a slapic c'oem te colel te sacerdoteetic awu'une; te mach'atic jun yo'tanic ta atojol, ac'a awunicuc ta swenta yutsil q'uinal yaiyic.

Salmos 45:13

Yac meix ta ochel te yantsil-nich'an ajwalile, buen xch'aloj me sba. Te sc'u'e capal ta jalel soc oro.

Salmos 18:33

Ja' ya yac'on ta beel jich bit'il te ja'mal chije, ja' ma xyac' xbilts'uj cacan ta toyol q'uinal.

Apocalipsis 3:18

Jich yu'un ya calbat te ya amanbon te oro cu'un te lecubtesbil ta c'ajq'ue, swenta yu'un ay me ac'ulejal ta mero melel. Soc ya calbat te ya amanbon uuc te saquil c'u'ul ya alape, swenta yu'un ma ba ya xq'uexawat te bit'il t'analate. Soc ya me amanbon uuc spoxil asit swenta yu'un jich me ya apoxtay asit a. Yu'un jich ya xju' awu'un te ya awil q'uinale.

Efesios 6:15

Lapaic me te axanabique, ja' te chapalex yu'un xcholel te lec yach'il c'op te ya xlamaj q'uinal yu'une.

Romanos 3:22

Ja' nax toj ya x'ilot yu'un Dios te mach'atic ay xch'uunjel yo'tanic ta stojol te Jesucristoe. Pajal sc'oplal spisil te ants-winiquetique,

Salmos 132:16

Te sacerdoteetic ya me cac'bey slapic c'oem te colel cu'une; soc ya me cac' ta aw swenta yutsil q'uinal te mach'atic jun yo'tanic ta jtojole.

Deuteronomio 33:25

ac'a yich' aq'uel yich' yip ta tulan taq'uin soc bronce te sti' yu'un te slumale, jich ac'a jalajuc yip te bit'il ya xjalaj te xcuxlejale —xi'.

San Lucas 15:21

Te quereme la yalbey te state: “Jtat, jtaoj jmul ta stojol Dios soc ta atojol uuc. Ma spasix te ya ap'ison ta anich'ane”, xi' ta stojol te state.

San Lucas 15:23

Soc ic'aic tel te jujp'en tat wacaxe, milaic jti'tic, yu'un ya me jpastic q'uin.