San Lucas 15:19 - Bible in Tzeltal de Oxchuc y Tenejapa

¹⁹ Ma spasix te ya ap'ison ta anich'ane. Jich ac'a c'ouconix awu'un te bit'il awaj'at'el’, ya me cut” xi' ta snopel.

Nuevo Testamento Tzeltal de Amatenango

¹⁹ Ma spasix te ya akuyon ta anichꞌane. Jich aꞌ kꞌoukon ta awoꞌtan te tutꞌil awaj-aꞌtele,’ ya me kut”, xchi ta snopel.

Bible in Tzeltal Bachajón

¹⁹ Ma xpasix te anich'an ya xhaloton; hich yac awac'on te bin ut'il jtuhl j'a'tel awu'un, xchi ta yo'tan.

San Lucas 15:19 Referans Kwoze

Job 42:6

Ja' yu'un jc'axel me ya jsujt'esix co'tan, ya me jnajc'an jba ta tan soc ta ts'ubil lum —xi' te Job.

San Lucas 5:8

C'alal la yil te Simón Pedro te jich c'ot ta pasele, la squejan sba ta stojol te Jesuse: —Cajwal, ma spas te ya joinate yu'un jmulawilon —xi'.

Salmos 84:10

C'ax bayal yutsilal teme jun c'aal ya x'ainon ta templo awu'une; manchuc me jmil c'aal ya x'ainon ta q'uejel, pero ma pajaluc yutsilal soc stuquel. Ja' me ya jmulan te ya x'ochon ta jcanan-ti'nail ta templo yu'un te Dios cu'une; ma me ja'uc ya jmulan te ya x'ainon ta banti ay ta pasel te bitic amene.

1 Pedro 5:6

Jich yu'un pejc'ana me abaic ta sc'ab Dios te bayal yu'ele. Jich me ya yaq'uex ta ich'el ta muc' teme la sta yorail yu'une.

Génesis 32:10

Bayal awac'ojbon quil yutsil awo'tan, bayal quich'oj coltayel awu'un, te melel ja' nax quich'oj a te jnabate' te c'alal c'axon bael ta jejch' ja' Jordán, pero cha'chajp loq'uemonix yo'tic a.

1 Corintios 15:9

Te jo'one peq'uel ayon yu'un te yantic jpuc-c'opetique. Soc ma snujp'in ya caiy te jbiilinej jpuc-c'ope, yu'un la cuts'in te jch'uunjeletic yu'un te Diose.

San Lucas 15:18

Ya me sujt'on bael ta sna te jtate. Jich me ya xc'o calbey: ‘Jtat, jtaoj jmul ta stojol Dios soc ta atojol uuc.

San Lucas 15:20

Jich jajch' ta beel. Sujt' bael ta bay sna te state. “C'ubul to ay tel a te ilot yu'un te state. C'uxbaj ta yo'tan. Animal ba sta tel ta be. La smey soc la sbujts'iy.