San Lucas 15:18 - Bible in Tzeltal de Oxchuc y Tenejapa

¹⁸ Ya me sujt'on bael ta sna te jtate. Jich me ya xc'o calbey: ‘Jtat, jtaoj jmul ta stojol Dios soc ta atojol uuc.

Nuevo Testamento Tzeltal de Amatenango

¹⁸ Ya me sujton bael ta sna te jtate. Jich me ya xkꞌo kalbe: ‘Jtat, jtaoj jmul ta stojol Dios sok ta atojol euk.

Bible in Tzeltal Bachajón

¹⁸ Ya suhton bahel ta stojol jtat, hich ya xc'oht calbe: Jtat, jtahoj jmul ta stojol ch'ulchan soc ta atojol.

San Lucas 15:18 Referans Kwoze

Lamentaciones 3:40

Ac'a me jnop caiytic ta lec te bit'il ayotic soc te co'tantique; ac'a me cha'sujt'ucotic xan ta stojol te Cajwaltique.

San Lucas 15:21

Te quereme la yalbey te state: “Jtat, jtaoj jmul ta stojol Dios soc ta atojol uuc. Ma spasix te ya ap'ison ta anich'ane”, xi' ta stojol te state.

San Lucas 18:13

“Yan te jc'an-patane, q'uejel to la stejc'an sba jilel stuquel. La stinan sba ta stojol Dios. Ma la sc'an stoy moel te site. La smajulay yo'tan. Jich la yal: “Dios cu'un, pasbon perdón te bit'il jmulawilon ta atojol”, xi'.

San Mateo 6:14

“Melel teme ya apasbeyic perdón te mach'a amen bila spasojbeyexe, ja' nanix jich te Jtatic te ay ta ch'ulchane, ya me spasbeyex perdón uuc.

Jeremías 3:19

“Israel, la jnop quic'belat jich bit'il jnich'an soc te ya cac'bat aq'uinalin te ay ta mulanele, ja' te lumq'uinal te mero c'ax bayal yutsil yu'un a ta spisil ta spamal balumilal. La cal te “Jtat”, ya awutone, soc te mero ma'yuc bay ya aq'uej aba bael ta jtojole.

Salmos 25:11

Cajwal, muc' te jmule, pasbon perdón; ac'a ta ich'el ta muc' te abiile.

San Mateo 6:9

Jich yu'un te ja'exe jich me xac'oponic te Diose: “Jtatic Dios te ayat ta ch'ulchane, ac'a ich'otuc ta muc' te ach'ulbiile.

San Mateo 3:6

Te mach'atic la yalic ta jamal te smulique, jich ac'bot yich'ic ja' ta bay muc'ja' Jordán yu'un te Juane.

Jeremías 31:20

“Te lum Efraín, ja' te jnich'an te c'ux ta co'tane; ja' te jnich'an te bayal sc'anoj te co'tane. Manchuc me ya cac'bey tulan comel, ma ba ya quijq'uitay ta sna'ulayel; ya stij sba co'tan yu'un, c'ax muc' ya jna'bey yo'bolil sba. Jo'on Ajwalilon, jich ya cal.

Isaías 63:16

Ja' tatilat cu'untic. Manchuc me ma sna' jbatic stuquel te Abraham, ni Israel ma sna'otic te jo'otique; ja'uc me to, ja'at Cajwal, tatilat atuquel; ja'at nix J'ac'wanejat ta libre cu'untic a.

Proverbios 23:13

Tojtesa me te anich'ane, ta cha'oxyalel majel ma ba ya xlaj yu'un;

San Mateo 7:11

Melel te ja'exe, manchuc teme amen awo'tanique, ja'uc me to, ya nax ana'ic yaq'uel te bila lec ta stojol te awal-anich'anique. ¿Ja'uc to bal a te Jtatic te ay ta ch'ulchane? Ya me yac'bey bila lec te mach'a ya sc'anbeye.

2 Crónicas 33:19

Te la sc'opon Dios soc te bit'il tsacbot sc'op yu'une, soc spisil sc'oplal te smule, te ma tojuc c'ax ta q'uinal, soc te bayuc la spasbey toyol ch'uunjibaletic, soc te bay la yac' sloc'omba Asera, soc te loc'ombaetic te c'alal ma to spejc'anej sba ta stojol a te Diose, ts'ibubil sc'oplal yu'unic ta bay slibroic te j'alwanejetique.

San Lucas 11:2

Te Jesús jich la yal: —Te c'alal ya ac'oponic te Diose jich me xawalic: “Jtatic Dios, te ayat ta stoyolil ch'ulchane, ac'a ich'otuc ta muc' te ach'ulbiile. Ac'a c'otuquix yorail te ya awich' ajwalinele. Ac'a pasuc sc'anjel awo'tan ta balumilal jich bit'il te yac ta pasel ta ch'ulchane.

Jonás 3:9

Repente jich ya xlecub yo'tan cu'untic a te Diose, jich ma ba ya yac'otic ta lajel —xi' te ajwalile.

Jonás 2:4

Jich c'oemon la caiy te bit'il jc'axel loq'uesbilon ta atojole; soc jich la jcuy te ma'yuc bi ora ya quilix te ch'ul templo awu'une.

Daniel 4:26

Te mandal la awaiye, te ya yich' ijq'uitayel ta lum te xchumante'el soc te yisime, ja' ya yac' ta na'el te ya to xcha'ochat xan ta muc' ajwalile. Pero ja' to teme la ana' te ja' nax te Dios te ay yip yu'ele.

Lamentaciones 3:29

Ya sc'an peq'ueluc ya yac' sba asta ya sbujts'iy coel te lume; repente ya to sta c'uxtayel a.

San Lucas 15:17

“Ta patil la snop ta yo'tan, jich la yal: “Te jtate ay bayal yaj'at'el soc ay bayal swe'elic. Yan te jo'one, ya xlajon ta wi'nal li'to.

San Lucas 15:19

Ma spasix te ya ap'ison ta anich'ane. Jich ac'a c'ouconix awu'un te bit'il awaj'at'el’, ya me cut” xi' ta snopel.