San Lucas 15:17 - Bible in Tzeltal de Oxchuc y Tenejapa

¹⁷ “Ta patil la snop ta yo'tan, jich la yal: “Te jtate ay bayal yaj'at'el soc ay bayal swe'elic. Yan te jo'one, ya xlajon ta wi'nal li'to.

Nuevo Testamento Tzeltal de Amatenango

¹⁷ “Ta patil lijk spas pensar yuꞌun te swokole, y jul ta yoꞌtan: “Ay bayal yaj-aꞌtel ta sna te jtate sok bayal tut ya sweꞌik. Yan te joꞌone ya xchamon ta wiꞌnal liye.

Bible in Tzeltal Bachajón

¹⁷ C'alal la sna' q'uinal, hich la yal: ¡Te jayeb j'a'teletic yu'un te jtat c'ax bayel swe'elic, yan te ho'one, ya xlajonix ta wi'nal li'i!

San Lucas 15:17 Referans Kwoze

Ezequiel 18:28

Teme la swic' site, teme ya xch'ay jilel ta spisil te bitic amen spasoje, ya me yich' xcuxlejal ta mero melel, ma ba ya xlaj.

Efesios 5:14

Ja' swentail te jich ay ta alele: “Wic'a asit, ja'at te wayalate, jajch'an tel ta bay te animaetique. Ya yac' tiluc saquil q'uinal ta atojol te Cristoe”, te xie.

Jeremías 31:19

La jq'uej jba bael ta atojol, bayal ya jna' ta ora to; la jna'ix te jmule, ya jmajulay co'tan yu'un; ay q'uexlal ya caiy ta co'tan soc peq'uelon ta swenta te muliletic cu'un te c'alal jch'ielon to ae”, xi' ta ajc'an.

Hechos 2:37

Te c'alal la yaiyic stojol in to, bayal la smel yo'tanic yu'un, soc la yalbeyic te Pedroe soc te yantic jpuc-c'opetique: —Quermanotac, ¿bi ya sc'an ya jpastic te jo'otique? —xiic.

San Lucas 16:23

Te c'alal ayix ta woclajel ta bay stsobjibal animaetic te jc'ulej winique, la stoy sit. La yil te c'ubul ay te Abrahame soc la yil te sjoinej tey a te Lázaro ta bay te yawile.

San Lucas 8:35

Jich te ants-winiquetique tal yilic te bila c'ot ta pasele. Te c'alal c'otic tey a ta bay te Jesuse, nacal ta nopol yacan Jesús c'o staic te winic te loq'uemix pucujetic ta yo'tane. Slapojix sc'u'-spac', soc ya sna'ix te q'uinale. Te ants-winiquetique xiw yo'tanic yu'un.

Lamentaciones 1:7

Mel-o'tantic sba ya yaiy te Jerusalén, ya sna' te bi ora jil stuquel ta mel-o'tan; ya sna' spisil te sc'ulejal la sta ta namey q'uinale. Ya sna' te c'alal och ta c'abal yu'un te scontroe, ma'yuc mach'a tal ta coltayel yu'un; c'alal ilot yu'un te scontrotaque, labanot yu'un.

Eclesiastés 9:3

Te bila amen ya xc'ax ta pasel ta balumilale, ja' te pajal quechel ya xc'ot ta swentaic spisilique. Soc yan xan, te bila ya snop ta sjol soc ta yo'tan te ants-winique, nojel ta bila amen; ja' te mulile, ja' u'uninbil yu'un ta sjol te jayeb c'aal cuxule. Te bila mero slajibale, ja' te c'oel ta muquenale.

Salmos 73:20

Te ja'at Cajwal, te bi ora ya xjajch'at jich bit'il mach'a ya xjajch' ta wayel, ya me awilaybey te bila ma smeleliluc scuyoj sbaic ae.

Salmos 119:59

Tal ta co'tan te bi yilel te cat'ele, jich la jch'uunbat xan spasel te mandaliletic awu'une.

Oseas 2:7

Ya sts'aclin xan te mach'atic ya xmulanot yu'un, ja'uc me to, ma ba ya sta bael; ya sle, ja'uc me to, ma ba ya staix. Jich me ya yal: “Ya sujt'on bael ta bay sbabial te jmamlale, melel lec nix ayon soc ta neelal”, xi' me.

San Lucas 15:16

Yo'tan nax c'an snojes xch'ujt' a te sit te' te la swe'elin te chitametique, ja'uc me to, ma ba ac'bot.

Hechos 12:11

Te c'alal la sna' te Pedroe, jich la yal: —Ta ora to la jna'ix stojol ta melel, te Cajwaltic la sticun tel ch'ul abat yu'un te la scoltayonix ta sc'ab te Herodese soc te bila snopoj te ya spasbonic te jlumal judioetique —xi'.