San Lucas 15:15 - Bible in Tzeltal de Oxchuc y Tenejapa

¹⁵ Jich ba sc'an yat'el ta stojol jtul winic ta bay te lume. Ja' la sticun bael ta sq'uinal ta smac'linel chitam.

Nuevo Testamento Tzeltal de Amatenango

¹⁵ Ba skꞌan yaꞌtel te ba ay jtul winik te ba luwar ba aye, jich a stikon bael ta slum ta skanantayel chitam.

Bible in Tzeltal Bachajón

¹⁵ Hich baht sle a'tel ta stojol jtuhl winic te tey slumal a, ticonot bahel yu'un ta sq'uinal ta smac'linel chitametic.

San Lucas 15:15 Referans Kwoze

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

Isaías 1:5

Te ja'exe ya awat'elinic spasel te toybail, ta abaq'uetal ma'yuquix bay jochol te ya awich' xan castigo. Ta swolol ajol ejch'enajem, jc'axel ch'ayem te awip ta jyalele.

Malaquías 2:9

Jich yu'un, ta scaj te ma ba ya ach'uunbonic te jc'ope, soc te c'alal ya ap'ijubtesic te lum, ma pajaluc ya ac'opon ta spisilic, ya me cac' te spisil lum ya xjajch' yilayex ta yo'tanic, soc ma'yuc ac'oplal ya xc'oex ta yo'tanic —xi' te Cajwaltic te Spisil ya xju' yu'une.

Jeremías 5:3

Cajwal, te bila ya alebey te ants-winiquetic, ja' te jun yo'tanic ta atojole. Te castigo la awac'bey, ma ba c'ux la yaiyic; la awac'bey tulan swocolic, pero ma teyuc la snopic a. Tulan ta jyalel te yo'tanique, c'ax to jich te bit'il ton; ma la sc'an sujt'ic bael ta bay lequil be.

Romanos 6:22

Yan ta ora to, colemex ta libre yu'un te mulile. Ja' ayexix ta abatinel yu'un te Diose. Ja' me sit ya ataic a te bit'il yanyanex ta lecubele, soc ta slajibal, ja' te cuxlejal sbajt'el q'uinale.

San Lucas 15:13

“Che'oxeb c'aal ta patil, te ijts'inale la xchon spisil te bila ac'bot ta swentae. Jich bajt' ta c'ubul ta yan lum. Tey c'o slajin spisil a te sbiluque, ma'yuquix bila yich'oj jilel.

Nahúm 3:6

Soc ya me jch'oj tel ta atojol te bila ya x'ijc'ubat yu'une; ya cac' bolobuc ac'oplal soc ya cac'at ta tse'luyel ta comonsitil.

Ezequiel 16:63

Ya me xtal ta awo'tan, soc ya me xtal bayal q'uexlal ta atojol. Ya me apejc'an aba, soc ma ba ya xc'opojatix te c'alal ya jpasbat perdón spisil te bitic apasoje. Jo'on Ajwalilon te jich caloje”, uta me —xi' te Cajwaltique.

Ezequiel 16:52

Yo'tic puersa me ya xc'ot ta awenta te ya awich' pejc'anele, melel te bit'il ja'at la apas muliletic te mero ilaybil sbae, la awac' te ma'yuc smul loc' yilel te yantic awermanataque. Ja'at me ya xc'ax awocol yu'un sc'asesel te q'uexlaletic soc te pejc'anele, melel ma'yuc smul a loc' yilel awu'un te awermanataque.

Isaías 57:17

Ta scaj smul te lum Israel te ay ilinon yu'une; la cac'bey castigo, soc la jq'uej bael sit ta stojol. Ja'uc me to, jajch' stoy sbaic yu'un, ja' ic'otic bael yu'un te yixtaelique.

2 Crónicas 28:22

Te bit'il la sta uts'inel te Acaz; ja'uc me to, cha'toy xan ta bolobel yo'tan ta stojol te Cajwaltique. Awaiy bit'il ay yo'tan te muc' ajwalil Acaz.

Éxodo 10:3

Te Moisés soc Aarón ba sc'oponic te faraón, jich la yalbeyic: —Jich la yal te Cajwal te Dios cu'untic te hebreootique: “¿Bi ora ya apejc'an aba ta jtojol? Ac'a loq'uel te lum cu'une. Ya xba yich'onic ta muc'.

San Mateo 7:6

“Te bila ch'ultesbile, ma me xawac'bey te ts'i'etique. Patil ya me sujt'ic tel, ya me stujt'anex ta ti'el uuc. Ma me xawac'bey yixlan perlaetic te chitametique. Patil ya me spech'anic ta teq'uel.

San Lucas 15:14

Te c'alal lajix yu'un spisil a te staq'uine, patil tal bayal wi'nal tey a ta bay te lume. Jich la sta bayal swocol, ta scaj te ma'yuc bila ayix yu'une.

San Lucas 15:16

Yo'tan nax c'an snojes xch'ujt' a te sit te' te la swe'elin te chitametique, ja'uc me to, ma ba ac'bot.