San Lucas 15:13 - Bible in Tzeltal de Oxchuc y Tenejapa

¹³ “Che'oxeb c'aal ta patil, te ijts'inale la xchon spisil te bila ac'bot ta swentae. Jich bajt' ta c'ubul ta yan lum. Tey c'o slajin spisil a te sbiluque, ma'yuquix bila yich'oj jilel.

Nuevo Testamento Tzeltal de Amatenango

¹³ “Cheꞌoxeꞌ kꞌaal ta patil te ijtsꞌinale la xchon spisil te smajtan a aꞌbote, y te stojole jakal a bajt sok ta yan luwar. Teꞌ kꞌo slajin spisil a, chikan te tuti skꞌan yoꞌtan a slajin ae.

Bible in Tzeltal Bachajón

¹³ Ma haluc c'ahc'al ta patil, te ihts'inal la stsob spisil bintic ay yu'un, baht ta namal ta yan q'uinal, tey c'oht slajin spisil a, biluc nax bin la slajin a.

San Lucas 15:13 Referans Kwoze

Jeremías 2:5

Te Cajwaltic jich ya yalbeyex: —¿Bila ma lecuc la atabonic ta stojol te antiguo ame'-atatique, te q'uejel baex soc te awo'tanique? Ja' baex ta stojol te bitic cuybilic ta Dios te ma'yuc yutsile; jich nix ma'yuc awutsilic c'oex ta loq'uel yu'un.

Proverbios 29:3

Te nich'anil te ay sp'ijile, ya yac'bey yutsil yo'tan te state; yan teme ya xbajt' ta yo'tan te jmulawil antsetique, ya xch'ay staq'uin yu'un.

Proverbios 21:17

Te mach'a ya yac' sba a te bitic bujts'an ta pasele, te ya smulan te yac'ubel soc te ya yac'bey sba perfume, me'ba me ya xc'ot ta loq'uel yu'un.

Proverbios 28:7

Te mach'a xch'uunej te mandalil yu'un Dios, ja' te nich'anil ya stsajtay sba; yan te mach'a ja' nax baem ta yo'tan sjoinel te mach'atic ma'yuc bi lec ya spas ta q'uinal, ya yac' ta q'uexlal te state.

San Lucas 16:19

“Ay jtul jc'ulej-winic te c'aem ta slapel buen t'ujbil tsaj'aman pac', soc t'ujbil lino-pac' soc jujun c'aal ya spas q'uin, soc buen bujts'an nax swe'el te jujun c'aale.

San Lucas 16:1

Te Jesús jich la yalbey xan te jnopojeletic yu'une: —Ay jtul jc'ulej-winic te ay mayordomo yu'une. Te yantique tal yalbey smul te mayordomo te jontol nax yac ta slajinbel sbiluc te yajwale.

San Lucas 15:30

Yan te c'alal sujt' tel te alequil-nich'an te la sjowil-lajinbat ataq'uin ta jmulawil-ants, ja' la amilbeyix jujp'en tat wacax stuquel”, xi' te banquilale.

Miqueas 6:3

Jich ya yal te Cajwaltique: —Jac'bon jc'op, lum cu'un. ¿Bila jpasojbat, o bila a te la cuts'inat yu'une?

Jeremías 2:31

(Ja' nix jichex, te jcaj alnich'anex ayex ta q'uinal ta ora to, aiybeya awaiyic stojol sc'op te Cajwaltique.) Israel, ¿yu'un bal jochol taquin q'uinalon ta atojol? ¿Jich bal acuyojon te bit'il q'uinal te nojel nax yu'un te ijc' q'uinale? Lum cu'un, ¿bi yu'un ya awal: “Ayotic ta libre; mero ma sujt'otiquix bael ta atojol”, te xaate?

Jeremías 2:13

“Te lum cu'une cha'chajp mulil la spas: la yijq'uitayon ta yo'tanic, te cuxul sloq'uibja' c'oemone, soc la spasic pozoetic yu'un stuquelic, lomen pozoetic te ma xpamaj ya'lele.

Isaías 56:12

Jich ya yalic: —Conic jletic vino soc trago swenta yu'un ya me xyacubotic. Ya me jpastic pajel ta yan buelta, jich nix te bit'il yacotic ta spasel ta ora to, o c'axem to xan ya jpastic a —xiic.

Isaías 30:11

Ijq'uitaya jilel te be at'unoje, q'ueja abaic loq'uel ta bay te toj be. Ma xawac'otic ta stojol te Ch'ul Dios yu'un Israel —ya yutic.

Isaías 22:13

Ja'uc me to, ja' nax jamal q'uinal ya awaiyic soc ay sbujts' awo'tanic; la amilic wacaxetic soc chijetic, la ati'ic ti'bal soc la awuch'ic vino. “We'ucotic soc uch'ajucotic ta ora to, melel pajel cha'wej ya xlajotic”, xaex ta yalel.

Isaías 1:4

¡Obol abaic ja'ex, lum te jmulawilexe, te nojel mulil ta awo'tanic; sts'umbalex te mach'a amen yat'elique, snich'nabex jmulawil! C'ubul ayexix ta stojol te Cajwaltique, la aq'uej abaic loq'uel ta stojol te Ch'ul Dios yu'un Israel, la awijq'uitayix ta awo'tanic.

Proverbios 27:8

Jich bit'il ja'mal mut te q'uejel yijq'uitayej jilel te specheche, ja' nix jich te mach'a c'ubul ay ta beel te yijq'uitayej jilel te slumale.

Proverbios 21:20

Ta sna te mach'a ay sp'ijile ay sc'ulejal soc perfumeetic yu'un; yan te mach'a ma sna' q'uinale, spisil ya slajin te bitic ay yu'une.

Proverbios 18:9

Te mach'a ch'aj, ja' nix yermano sba soc te mach'a ya xjinawane.

Proverbios 6:26

Te jmulawil ants, ta scaj swe'el te jich ya spase; pero te ants nujbinem te jich ya spase, scaj xanix ya smulan te lequil winique.

Salmos 73:27

Te mach'atic ya xc'ubic ta atojol, ya me xlajic; ya me alajin te mach'atic ma junuc yo'tanic ta atojole.

2 Pedro 2:13

Ya me x'ac'bot stojic ta woclajel te bit'il ya yac'bey c'axuc swocol te yantique. Scuyoj sbaic te staojic bayal sbujts' yo'tanic yu'un te bila ajc' nax ya smulanic spasele. Ya yaq'uex ta q'uexlal yu'un te ya sboltesbeyex ac'oplalic te c'alal ya sjoinex ta spasel te q'uine. Yu'un toyol yo'tanic ta spasel ta awolilic te yixtailique.

Efesios 2:17

Te Cristoe xtaluc yal ta bayuc te lec yach'il c'op swenta lamal q'uinal. La yal ta atojolic ja'ex te c'ubul ayexe soc ta stojol te mach'atic nopol ayique.

Efesios 2:13

Ta ora to ta swenta Cristo Jesús, manchuc teme q'uejel ayex ta neelal toe, ja'uc me to, la awich'iquix noptsanel ta swenta bit'il la smal xch'ich'el te Cristoe.

San Lucas 15:12

Te ijts'inale la yalbey te state: “Jtat, ya me awac'bonix te jayeb abiluc te ya xc'ot ta jwenta awu'une”, xi' ta stojol te state. Jich te state la spucbey sbiluc soc sq'uinal juju-jtul te snich'nabe.

San Lucas 15:14

Te c'alal lajix yu'un spisil a te staq'uine, patil tal bayal wi'nal tey a ta bay te lume. Jich la sta bayal swocol, ta scaj te ma'yuc bila ayix yu'une.