San Lucas 14:32 - Bible in Tzeltal de Oxchuc y Tenejapa

³² Teme ma xju' yu'un ya yaiye, ya me sticun bael abatetic te c'alal najt' to ma xtaot yu'un te yajcontroe, swenta yu'un ya xba yalbey wocol te ya xlamaj a te c'ope.

Nuevo Testamento Tzeltal de Amatenango

³² Teme ma xjuꞌ yuꞌun ya yaꞌiye, teme jakal to ay tal a te jtul xan reye, ya me stikon bael yaj-mantal ta skꞌanel paz ta skomel te kꞌope.

Bible in Tzeltal Bachajón

³² Teme ma xhu' yu'un, te c'alal namal to ay a te scontra, ya sticon bahel mach'a ya xbaht sjoc'oy bin ya xlahmaj q'uinal yu'un.

San Lucas 14:32 Referans Kwoze

Hechos 12:20

Te muc' ajwalil Herodese ilinem yo'tan yu'un te lum Tiro soc te lum Sidone. Jich te lume tal xchap sc'opic soc te Herodese. Ja' neel la sc'anbeyic te Blasto te swentainejbey sna te muc' ajwalil, te yacuc xcoltayotic ta c'op yu'une. La yalbeyic wocol te muc' ajwalil te yacuc xjunaj yo'tan sbaique, melel ta bay smaquen-q'uinal te ajwalile tey ya sta swe'elic ta spisilic a te slumalique.

San Lucas 12:58

Teme ay mach'a ya yic'at bael ta bay te chajbajibale, chajbana aba soc ta ora te jun awo'tan ya xc'oat soque, swenta yu'un ma ba ya yac'at ta sc'ab te juez. Melel te juez ya me yac'at ta sc'ab te comandante te ya yac'at ochel ta chucjibale.

San Mateo 5:25

“Chajbana aba soc ta ora te acontroe, swenta yu'un ma ba ya yac'at ta sc'ab te juez. Melel te juez ya me yac'at ta sc'ab te comandante. Jich ya x'ochat ta chucjibal.

Job 40:9

¿Yu'un bal mero tulanat, jich bal atulanil te bit'il jo'one? ¿Jich bal ac'op ya xc'opojat te bit'il sc'op te chawuque? ¿Pajal bal soc te bit'il ya xc'opojon te jo'one?

San Mateo 5:42

Teme ay mach'a ay bila ya sc'anbate, ac'beya, soc ma me xamac ta c'op te mach'a ay bila ya smajanbate.

San Lucas 14:31

Soc teme ay muc' ajwalil te ya sc'an ya xba spas guerra soc te yan muc' ajwalile, ¿ma bal neeluc ya snajc'an sba ta snopel teme ya xju' yu'un soc te lajunmil (10,000) yajsoldado te ya stsal ta guerra te jtab ta jmil (20,000) soldadoetic yu'un te yajcontroe?

San Lucas 14:33

Ja' nanix jich te ja'exe, teme ma xawijq'uitay ta awo'tanic spisil te bila ay awu'unique, ma xju' te jnopojel ya xc'oex cu'une.

San Lucas 19:14

“Ja'uc me to, te winique mero ilaybil yu'un te slumale. Jich yu'un te c'alal baemix a, ta spat nax la sticunic bael abat te jich ba yale: “Ma jc'antic te ya yich' yat'el ta muc' ajwalil ta jwentatic te winique”, xiic.