San Lucas 14:28 - Bible in Tzeltal de Oxchuc y Tenejapa

²⁸ Teme ay jtul te ja'ex te ya ac'an ya apas muc'ul toyol ts'ajc', ¿ma bal neeluc ya anajc'an aba ta snopel teme tic' ya xju' a te jayeb taq'uin atsoboje?

Nuevo Testamento Tzeltal de Amatenango

²⁸ “Teme ay jtuluk te jaꞌexe teme ya skꞌan spas junuk torree, ¿meꞌn ma wan nailuk ya snajkan sba ta snopel teme tik ya xjuꞌ a te jayeb takꞌin stsoboje?

Bible in Tzeltal Bachajón

²⁸ ¿Mach'ahex a te yac ac'an yac apasic toyol ilo-q'uinal, te ma nahiluc yac ahuhcan abahic ta spasel cuenta teme tic' ya xhu' a te jayeb ay awu'une?

San Lucas 14:28 Referans Kwoze

Proverbios 24:27

Ac'a ap'olmal ta calle, pasa awat'el ta aq'uinal; patil ya me xju' awu'un spasel ana.

San Mateo 10:22

Ya me awich'ic p'ajel ta apisilic ta swenta jbiil. Te mach'a ya xcujch' yu'un c'alal ta slajibale, ja' me ya xcol stuquel.

San Lucas 14:33

Ja' nanix jich te ja'exe, teme ma xawijq'uitay ta awo'tanic spisil te bila ay awu'unique, ma xju' te jnopojel ya xc'oex cu'une.

Hechos 21:13

Ja'uc me to, la yal te Pabloe: —¿Bi yu'un ya x'oq'uex? ¿Bi yu'un ya awac'bonic jmel co'tan? Te jo'one, jun co'tan chican teme chuquel o milel ya xc'o quich' ta Jerusalén ta swenta te Cajwaltic Jesuse —xi'.

San Mateo 8:20

Jich la yalbey te Jesuse: —Te waxetique ay xch'enic, soc te ja'mal mutetique ay spechech stuquelic. Yan te Nich'anile, ma xwejt' te banti ya smejts'an sba ta wayel —xi' te Jesuse.

San Lucas 14:27

Te mach'a ma sc'an ya xcuch scruz te ya sts'aclinone, ma xju' te jnopojel ya xc'ot cu'une.

San Lucas 14:29

Melel teme ja' nax ya ajajch'es te yiptajibe, teme patil ma xju' awu'une, ya me slabanat spisil te mach'a ya yilique.