San Lucas 14:13 - Bible in Tzeltal de Oxchuc y Tenejapa

¹³ Jich yu'un te c'alal ya apas q'uine, ja' me x'awic' tel ta we'el te mach'a ma'yuc bi ay yu'unique, soc jc'ojc'ol-c'abetic, soc coxoetic, soc ma'sitetic.

Nuevo Testamento Tzeltal de Amatenango

¹³ Yan te kꞌalal ya apas kꞌine, jaꞌ me xꞌawikꞌ tal ta weꞌel te machꞌa maꞌyuk tut ay yuꞌune, sok te jtumu-kꞌabetike, sok te koxoetike, sok te choketike.

Bible in Tzeltal Bachajón

¹³ Teme yac apas bayel we'elil, ha me xawic'ticlan te pobrehetic, nolc'abetic, coxo'etic soc ts'o'sitetic;

San Lucas 14:13 Referans Kwoze

San Lucas 14:21

Te abate sujt' bael. Spisil c'o xcholbey yaiy te winique. Jich ilin yo'tan yu'un. Jich la yalbey te abate: “Baan ta ora ta muc'ul calleetic soc ta ch'in calleetic ta bay spamal te lume. Ic'a tel te mach'a ma'yuc bi ay yu'unique, soc uuc te jc'ojc'ol-c'abetic, soc coxoetic, soc ma'sitetic”, la yut.

Isaías 58:10

teme ya awac' aba ta abatinel yu'un te mach'a ay swi'nale, soc teme ya acoltay te mach'atic ay swocole, te luz awu'une, ya xojobaj ta ijc' q'uinal, te awaxinale, ya xc'atp'uj ta saquil q'uinal swenta olil c'aal.

Proverbios 14:31

Teme ya jtentic ta uts'inel te me'bae, ja' me ya cuts'intic a te Jpaswanej cu'untique; yan teme ya jna'beytic yo'bolil sba te me'bae, ja' me ya quich'tic ta muc' a te Jpaswaneje.

Isaías 58:7

ja' te ya awac'bey xejt'uc awe'el te mach'a ay ta wi'nale, soc teme ya awic' ta ana te mach'a me'ba te ma'yuc snae; ja' te ya ac'u'ultes te mach'a ma'yuc sc'u'e, soc te ma xawijq'uitay scoltayel te awermanoe.

Hebreos 13:2

Ma me xch'ay ta awo'tanic te ya awic' ochel ta anaic te mach'atic q'uejel ya xtalique. Melel ay mach'atic la yic' ochel ta snaic ch'ul abatetic te ma la sna'beyic sbae.

Nehemías 8:10

Soc jich la yalbey te Esdrase: —Baanic ta swe'el te bila mero bujts'anic ta we'ele, uch'aic chi'il vino, soc ticunbeya swe'el uuc te mach'atic ma'yuc bila xchajbanejic yu'un ya swe'ique. Melel in c'aal to q'uin ta stojol te Cajwaltique. Ma me xamel awo'tanic ta stojol, melel te yutsil q'uinal ya caiytic yu'un te Cajwaltique, ja' quiptic stuquel —la yut.

San Mateo 22:10

Jich a bajt'ic ta bebetic te abatetique. La stsobic tel spisil te mach'atic la sta sbaic soque. Capal talic soc te mach'atic lequique soc te mach'atic amenique. Jich noj ta ula' te snae.

Deuteronomio 16:14

Binuc nax me awo'tanic ta spasel q'uin ta pajal soc awal-anich'nabic, awabatic, acriadaic, te levitaetic, jyanlumetic, me'ba alaletic soc me'ba antsetic te nainemic ta alumalique.

1 Timoteo 5:10

Soc ya sc'an te lec sc'oplal yu'un te yat'el spasoje, jich bit'il teme jun yo'tan la xch'ijtes te yalataque, soc teme ya xnajc'anwane, soc teme ay la spocbeyix yacan te mach'atic ch'ul lum yu'un te Diose, soc teme ay la xc'uxtayix te mach'atic ay swocolique, soc teme c'aem ta spasel spisil te lequil at'elile.

Deuteronomio 16:11

Ya me apasic q'uin ta stojol te Cajwaltic Dios cu'untique, tey me te banti stsaoj yu'un yawil te sbiile. Soc ja' me ya ajoinic te awal-anich'nabic, awabatic, acriadaic, levitaetic, jyanlumetique, me'ba alaletic soc me'ba antsetic te nainemic ta alumalique.

Deuteronomio 14:29

swenta yu'un te c'alal ya xtal te levitaetic te ma'yuc sq'uinalique, o ja' te jyanlumetic te nainemic ta awolilic, o ja' te me'ba alaletic soc te me'ba antsetique, ya me swe'ic ja' to me teme noj xch'ujt'ique. Te Cajwaltic te Dios cu'untique ya me yac'beyex bendición ta spisil te bitic ya apasique.

1 Timoteo 3:2

Jich yu'un te mach'a ya yich' yat'el ta jwentainwanej, ya sc'an te mero lec sc'oplal, soc te jtul nax ants nujbinem ta q'uinal soque, te ya sna' stsajtayel te yo'tane, te ma xjelaw ta c'ope, te lec yat'ele, te ay yutsil yo'tan ya xnajc'anwane, soc te ay sp'ijil yo'tan ta p'ijubteswaneje.

Job 29:13

Te mach'a mero wocol aye, “Wocol la awal”, xi' ta jtojol; te me'ba antsetic bin nax yo'tanic yu'un te scoltayel la cac'beyique.

Nehemías 8:12

Ja' yu'un spisil te ants-winiquetic bajt'ic ta sna'ic ta we'el soc ta uch'el. Ba spucbey sbaic te swe'elique, jajch' spasic buen muc'ul q'uin, melel ja' yu'un te c'ot ta yo'tanic te bila ac'bot snopique.

2 Crónicas 30:24

melel te Ezequías te muc' ajwalil yu'un Judá la yac'bey smajt'anin ta spisilic jmil (1,000) toroetic soc jucmil (7,000) chijetic. Te sjo'tac ta at'el la yac'beyic smajt'anin uuc te lume jmil (1,000) toroetic soc lajunmil (10,000) chijetic. Bayal ta jyalel te sacerdoteetic te la xchajban sbaic ta stojol Dios.

2 Samuel 6:19

Spisil te israeletic tey ayic a, antsetic winiquetic la yac'bey juju-jpejch' pan, juju-jxujt' ti'bal soc juju-jpejch' taquin ts'usub. Patil sujt' ta snaic ta spisilic.

Tito 1:8

Ja' ya sc'an te ay yutsil yo'tan ya xnajc'anwane, te toyol yo'tan yu'un te bila lec ta pasele, te ma xjelawe, te toj yac'oj sba ta q'uinale, te ch'ulajem yo'tane, te ya sna' scomel sba ta stuquele.

Filemón 1:7

Bayal sbujts' co'tantic yu'un te xc'uxul awo'tane soc muc'uben co'tan ya caiy yu'un, soc ja' nix ta awenta te ja'ate, quermano, te bujts'najemix yo'tanic te mach'atic ch'ul lum yu'un te Diose.

Hechos 9:39

Jich te Pedro la sjoin bael ta ora. Te c'alal c'otic ta Jope, la yiq'uic bael ta xcha'cajal na ta banti tixil sbaq'uetal te Dorcase. Tey c'o staic spisil te me'ba antsetique. La sjoytayic te Pedroe, soc yacalic ta oq'uel, soc la yac'beyic yil te sc'u'-spaq'uic te pasbilic yu'un te Dorcas te c'alal cuxul to ae.

San Lucas 11:41

Te ja'exe q'uebanbeya me'baetic te bila q'uejbil awu'unique. Jich me pocbil ya xc'ot ta spisil.

Proverbios 22:9

Te mach'a soc yutsil yo'tan ya yil yan, ya me x'ac'bot bendición ta swenta bit'il ya yac'bey swe'el te me'baetique.

San Mateo 15:30

Talic ta stojol tsobol ants-winiquetic tey a. Yic'ojic tel coxoetic, soc ma'sitetic, soc uma'etic, soc te jc'ojc'ol-c'abetic, soc yantic jchameletic. Tal yac'beyic ta stojol te Jesuse. Spisilic la yich'ic coltayel yu'un.

San Lucas 14:12

Soc la yalbey te mach'a ic'awan ta we'ele: —Te c'alal ya x'ic'awanat ta we'ele, ma me ja'uc x'awic' ta we'el te mach'a c'ux ya awaiy aba ta awo'tan soque, soc te apat-axujq'ue, soc te achapomale, soc te jc'ulejetic te nopol awiloj aba soque. Melel ya me yic'at ta we'el ta patil uuc. Ja' nax me sjelol ya xc'ot te ya yic'at ta we'ele.

San Lucas 14:14

Jich me bin nax awutsil yu'un, melel ma xju' yu'un te ya yac'bey spacol te ya yic'at ta we'ele. Ja'uc me to, ya me awich'bey stojol te c'alal ya xcha'cuxat soc spisil te mach'atic toj awo'tan soc ta stojol te Diose —xi' te Jesuse.