San Lucas 13:34 - Bible in Tzeltal de Oxchuc y Tenejapa

³⁴ “¡Jerusalén, Jerusalén! C'aemat ta smilel te j'alwanejetic yu'un te Diose soc c'aemat ta xch'ojel ta ton te mach'atic ticunbilic ta c'op yu'une. Bayal buelta te c'an jtsobeyex te awal-anich'nabe, jich bit'il ya stsob yalatac ta yanil xic' te me'mute. Ja'uc me to, ma la ac'anic.

Nuevo Testamento Tzeltal de Amatenango

³⁴ “Jerusalen, Jerusalen, te kꞌayemat ta smilel te jꞌalwanejetik yuꞌun te Diose, sok kꞌayemat ta xchꞌojel ta ton te machꞌatik tikonlanbil tal yuꞌun Dios ta atojolike. Bayal buelta te kꞌan jtsob te awal-anichꞌanike jich tutꞌil ya stsob xchꞌinik yal ta yanil xikꞌ te mute, pero ma la akꞌanik.

Bible in Tzeltal Bachajón

³⁴ ¡Jerusalén, Jerusalén, te yac amil te jalwanejetic soc te yac ach'oj ta ton te mach'atic ticombilic ta atojole! ¡Bayel buelta hich ya c'an jtsob te awal-anich'nab te bin ut'il ya stsob yalatac ta ye'tal xic' te me'mut, pero ma ba la ac'an!

San Lucas 13:34 Referans Kwoze

Hechos 7:52

¿Ay bal jtuluc j'alwanej yu'un Dios te ma la scontroinique? La smilic te mach'atic la yalbeyic sc'oplal te ya xtal te Mach'a toj yo'tane. Ja'uc me to, te c'alal tale, ja'ex la awaq'uic ta c'abal soc la amilic.

Isaías 30:15

Te Cajwaltic te Ch'ul Dios yu'un Israel ya yal: —Sujt'anic tel, soc lamal me awo'tanic, jich me ya xcolex. Te bit'il lamal nax awo'tanic soc te bit'il ay smuc'ul awo'tanique, tey me ay a te awipique —xi' te Cajwaltique. Pero te ja'exe ma la ac'anic,

San Lucas 23:28

Te Jesús la sujt'es sba yil soc la yalbey: —Te ja'ex yantsilel Jerusalén, ma me x'oq'uex cu'un. Oq'uetaya aba atuquelic, soc te awalataquique.

San Lucas 19:44

Ya me yich' wuyel c'alal ta lum spisil te naetique. Ya me yich' milel spisil yajwal te alumale. Ni jp'ijuc ton te cajal ya xjil ta sba yan ton. Spisil me jich ya xc'ot ta pasel scaj te ma c'ot ta awo'tan te bi ora tal yilat te Diose —xi' ta yalel te Jesuse.

Zacarías 1:4

Ma me jichuc xapasic te bit'il te antiguo ame'-atatic te albotic yu'un te antiguo j'alwanejetic cu'un, te yacuc yijq'uitayic jilel te amen yo'tanic soc te amen yat'elique. Pero ma ba la sc'an la yaiybonic te jc'ope, soc ma ba la yich'bonic ta wenta. Jo'on Ajwalilon, ya cal ta jamal.

Oseas 11:7

Te lum cu'un c'ubul ayic ta jtojol, tulan yo'tanic. Ya yawtayic te mach'a ay ta ch'ulchan ta sc'opique; ja'uc me to, ma'yuc mach'a ya xcoltayot yu'un.

Oseas 11:2

Te bit'il c'ax to xan ay yutsil co'tan la quic' tele, c'ax to xan la sq'uej sba bael ta jtojol. Te lum cu'une la yac'bey milbil majt'anil te lotil diosetic soc la xchic'beyic pom te yajcananique.

Jeremías 6:16

Te Cajwaltic jich ya yalbey te lum yu'une: —Tejc'ana abaic ta bebetic soc ilawilic, jojc'oic te namey biq'uit beetique, ja' te banti lec xan te be; t'unaic bael, tey me ya acux awo'tanic a —xi'. Ja'uc me to jich la yalic: —Ma jc'an jt'untic bael —xiic.

Jeremías 2:30

Tojol la cac'bey castigo te anich'nabic, melel ma ba p'ijubic yu'un te p'ijubtesele. Ja'ex nix te jichex te bit'il c'ajc'al león-chojetic, la amilbonic te j'alwanejetic cu'un te c'opoj ta atojolique.

Salmos 36:7

Dios cu'un, jchajp nax ta jyalel a te xc'uxul awo'tane, te mach'atic ya sleic te canantayel awu'une, ya awac' ta yet'al axic' c'oem.

Rut 2:12

Dios me ya stojat. Te Cajwaltic Dios yu'un Israel te tal ale coltayel yu'une, ya me xc'uxtayat, ya me scanantayat. Ya me smajt'antesat yu'un spisil te bitic t'ujbil apasoj tele —xi'.

San Mateo 22:6

In te yantique la stsaquic te abatetic yu'un te muc' ajwalile. La yuts'inic soc la smilic.

San Mateo 22:3

La sticun bael abatetic te ya xba yic' tel te mach'atic ic'bilic ta yilel te nujbinele, ja'uc me to, ma la sc'an talic.

Lamentaciones 1:16

Ja' ya yac'on ta oq'uel, nojelic ya'lel jsit yu'un. Melel ma'yuc mach'a ya smuc'tesbon co'tan; ma'yuc mach'a ya yac'bon xan yach'il yip te co'tane. Te jnich'nabe la yich'ic jinel; melel te jcontro, c'ax to xan ju' yu'unic a te bit'ilotique.

Isaías 50:2

¿Bi yu'un, te c'alal talone, ma'yuc mach'a la jta? ¿Bi yu'un, te c'alal ay mach'a la quic', ma'yuc mach'a la sjac'bon? ¿La bal acuyic te mero ma xju' cu'un pojbelex loq'uel tele? ¿La bal acuyic te ma xju' cu'un caq'uex ta libre? Ta jp'al nax mandal cu'un, tic' ya xtaquej a te mare, soc te beja'etic ya xc'atp'ujic ta taquin q'uinal, swenta yu'un ya me xlajic ta taquinti'il te chayetique, soc ya me xc'a'ic yu'un te ma'yuc ya'lele.

Salmos 91:4

ya me sluts'at ta yet'al xic' c'oem, jich me jun awo'tan. Te bit'il jun yo'tan ta atojol ya me scanantayat; ja' amajq'uil c'oem.

Salmos 81:13

Te lajuc yaiybon jc'op te lum cu'une, te lajuc st'unbon te beetic cu'un te Israel,

Salmos 57:1

Na'bon yo'bolil jba, Dios cu'un, na'bon yo'bolil jba, melel ta atojol ya me jle canantayel. Ya jc'an ya jnac' jba ta ye'tal axic' c'oem, ja' to teme c'axix bael a te woclajele.

Nehemías 9:30

Bayal ja'wil la amaliy, soc la aticunbey ta alel ta swenta espíritu awu'un, soc ta swenta te j'alwanejetic awu'une. Pero ma ba la yich'ic ta muc'. Ja' yu'un la awac'bey ta sc'ab nacionetic ta spamal te lumq'uinale.

Jeremías 35:14

Te sts'umbal Jonadab snich'an Recab, c'oem ta pasel ta ch'uunel yu'unic te smandal la yac'bey te ma xyuch' vino, soc asta c'alal ora yo'tic ma ba ya yuch'ic, melel xch'uunejbeyic smandal te antiguo sme'-statique. Jo'on uuc cac'ojbeyex mandalil bayal buelta; ja'uc me to, ma ba ach'uunejic.

Jeremías 26:23

Ba yiq'uic tel ta Egipto te Urías, la yac'beyic ta sc'ab te muc' ajwalil Joacim, te ja' la yal mandal ta milel. La yac'beyic ochel sbaq'uetal ta bay comon muquenal.

Salmos 149:2

Bayaluc me sbujts' q'uinal x'awaiyic, israeletic, ja'ex lum Sión, melel ja' jpaswanej awu'unic te Diose, soc ja' Muc' Ajwalil awu'unic.

Nehemías 9:26

“Pero la xc'axintayic te mandaliletic awu'une, la stoy sbaic ta atojol, la xch'ayic te mandaliletic awu'une. Soc la smilic te j'alwanejetic awu'une, te jamal albot smulic yu'une, te albot yu'un te yacuc sujt'ic xan ta atojole. Jich mero muc' bi la spasic ta atojol, jich la yaq'uic ilinuc awo'tan yu'un.

Deuteronomio 32:29

Te ayuc sp'ijil yo'tanic, ya xc'ot ta yo'tanic te bi c'oem ta pasel te jichuque.

Deuteronomio 5:29

¡Bayal me yutsil teme spisil ora jich ay te yo'tanique, te yacuc yich'onic ta muc' soc te yacuc spasic spisil ora te bila ya yal te mandaliletic cu'une, swenta yu'un bin nax me yo'tanic ya x'ainic soc yal-snich'nab ta spisil ora!

Apocalipsis 11:8

Tixil me ya xjil sbaq'uetalic ta calle ta bay muc'ul lum te banti la yich' jijp'anel ta cruz te Cajwaltique, te muc'ul lum Sodoma sbiil soc Egipto sbiil ta alel sc'oplal.

Hechos 8:1

Te Saulo lec yo'tan yu'un uuc te laj ta milel te Estebane. Jich ora jajch' ta uts'inel te jch'uunjeletic te ayic ta lum Jerusalene. Spisilic pujq'uic bael ta sq'uinal Judea soc ta sq'uinal Samaria. Ja' xanix jilic ta Jerusalén te jpuc-c'opetique.

Hechos 7:59

Te c'alal yacalic ta xch'ojel ta tone, te Esteban la sc'opon Dios. Jich la yal: —Cajwal Jesús, ic'bon jch'ulel —xi'.

San Lucas 15:28

“Te banquilale ilin yo'tan yu'un. Ma la sc'an te ya x'och bael ta nae. Jich te state loc' tel. Tal yutsil-c'opon te snich'an te yacuc ochuc baele.

Joel 2:23

Binuc nax me awo'tanic, ja'ex te nainemex ta Sión, binuc nax me awo'tanic ta stojol te Cajwaltic Diose. Ja' stuquel la yac'beyexix tel ta yorail te ja'ale, ja' te ja'al ya xtal ta yorail invierno soc ta yorail primavera, mero jich nix te bit'il la spasbeyex ta neelal toe.

Lamentaciones 4:13

Melel ta scaj spisil smul te j'alwanejetic yu'une, soc te bila amen la spasic te sacerdoteetic, te tey nix ta yolilal lum la smalbeyic xch'ich'el te mach'atic ma'yuc smule.

Salmos 17:8

Jich me x'acanantayon te bit'il xch'ulel asit; canantayawon ta yet'al axic' c'oem,

Jeremías 35:17

Jich yu'un te jo'on Ajwalilon te Spisil ya xju' cu'une, te Dioson yu'un Israel, ya cal: Ya me cac' te ya xjul ta stojolic Judá soc te mach'atic yajwal Jerusalén, ta spisil te woclajel te calojbey sc'oplale. Melel calojbeyex, ja'uc me to, te ja'exe ma'yuc bay awich'ojbonic ta muc'; la jc'oponexix, ja'uc me to, ma'yuc bay la ajac'bonic jc'op”, uta me —xi' me te Cajwaltique.