San Lucas 13:29 - Bible in Tzeltal de Oxchuc y Tenejapa

²⁹ Soc ay me ya xtal xan yantic ta stojol sloq'uib c'aal, soc ta stojol smalib c'aal, soc ta bay norte, soc ta bay sur. Ya me x'och snajc'an sbaic ta we'el ta banti ay ta ajwalinel te Diose.

Nuevo Testamento Tzeltal de Amatenango

²⁹ Porke ya me xtal gente ta stojil norte sok ta stojil sur sok ta stojil ba xchꞌay kꞌajkꞌal sok ta stojil ba xlokꞌ kꞌajkꞌal. Ya me xꞌoch najkajikuk ta weꞌel te ba ay ta ajwalil te Diose.

Bible in Tzeltal Bachajón

²⁹ Ay mach'atic ya xtalic ta stojol banti ya xloc' tal c'ahc'al soc ta smahlib c'ahc'al, ta stojol norte soc ta sur, ya xc'ohtic ta we'el ta mesa ta banti ay te cuentahinel yu'un Dios.

San Lucas 13:29 Referans Kwoze

Isaías 49:6

Jich ya yalbon: —Ma tic'uc a te ja' nax cabat yu'un te ya anajc'an xan te jayeb ta jchajp sts'umbal Jacob, soc te ya apas te ya sujt' xan tel te mach'atic cuxulic xan ta Israel. Jo'on ya jpas te ya sacub q'uinal awu'un ta stojol te nacionetique, ja' te ya awich'bon bael te colel cu'un ja' to ta bay c'ubul q'uinal bael yu'un te balumilale —xi'.

Malaquías 1:11

Ta spisil nacionetic ta balumilal ay mach'atic te yich'ojonic ta muq'ue; ta bayuc ta spisil ya xchiq'uic pom ta swenta quich'jibal ta muc', soc ya yac'bonic majt'aniletic te lequique.

Isaías 43:6

Ya calbey te mach'a ay ta norte: “Sujt'esbon tel a”, ya me cut, soc ta bay sur: “Ma me x'acombon”, ya me cut. Ic'bon tel te jnich'nab queremetic soc te ach'ixetic, c'alal ta c'ubul q'uinal, ja' to ta sti'il te balumilale.

Hechos 28:28

Na'aic me stojol jiche: Ja' me ya xc'ot ta swentaic te jyanlumetic te bit'il ay colel yu'un te Diose. Ja' me ya yaiyic stojol stuquelic —xi' te Pabloe.

Génesis 28:14

Jich yipal ats'umbal ya xc'ot te bit'il ts'ubil lum. Soc ya me spuc sbaic ta bayuc c'alal ta stojol smalib c'aal, soc c'alal ta stojol sloq'uib c'aal soc c'alal ta stojol norte, soc c'alal ta stojol sur. Soc ta awenta soc ta swenta ats'umbal ya me x'ac'bot bendición spisil ta jchajp lum ayic ta spamal balumilal.

Colosenses 1:23

Jich me ya xc'oex teme jc'axel ya xjunaj awo'tanic ta melele, soc teme ja' ipajemex ta lec a te xch'uunjel awo'tanique, soc teme ma xawijq'uitay ta awo'tanic smaliyel te bila ya yal te lec yach'il c'op awaiyojiquix stojole. Ja' te sc'oplal colel te yaquix ta cholel ta bayuc ta sjoylejal balumilal, te quich'oj abatinel ta xcholel uuc jo'on te Pabloone.

San Marcos 13:27

Ya me sticun bael te ch'ul abatetic yu'une. Ya xba stsobic tel ta bay xchanjejch'elul q'uinal ta spisil ta sjoyobal ch'ulchan balumilal te mach'atic tsabilic yu'une.

San Mateo 8:11

Ja'uc me to, ya calbeyex te ay me tsobol ya xtalic ta stojol sloq'uib c'aal soc ta stojol smalib c'aal te ya xtal snajc'an sbaic ta we'el soc te Abrahame te Isaaque te Jacobe ta banti ay ta ajwalinel te Dios te ay ta ch'ulchane.

Colosenses 1:6

Ja' nix in c'op to te julemix ta atojolique, ta ora to pujq'uemix ta bayuc ta spamal te balumilale. Yaquix ta sit ta bayuc, jich te bit'il jajch' sitinuc ta awolilic uuc ja'ex te c'alal la awaiyic stojol te bit'il ay yutsil yo'tan cu'untic ta mero melel te Diose.

San Lucas 13:30

Jich te mach'atic slajibal ayique, ja' sbabial ya xc'otic. Yan te mach'atic sbabial ayique, ja' me slajibal ya xc'otic stuquelic —xi' te Jesuse.