San Lucas 13:19 - Bible in Tzeltal de Oxchuc y Tenejapa

¹⁹ Ja' pajal c'oem soc te sbac' mostazae te ya sts'un ta bay yawal-sts'unub te jtul winique. Ya xch'i soc muc' ste'el ya xc'ot. Te ja'mal mutetique ya xtal spas xpechechic tey a ta bay te sc'abc'abe —xi'.

Nuevo Testamento Tzeltal de Amatenango

¹⁹ Jaꞌ pajal kꞌoem sok te sbakꞌ mostesia te ya stsꞌun ta skꞌal te jtul winike. Ya xchꞌi y mukꞌ ya xkꞌot te steꞌele. Te teꞌtikil mutetike ya xtal spas xpechechik te ba skꞌab kaꞌbe —xchi.

Bible in Tzeltal Bachajón

¹⁹ Ha pajal soc sbac' mostaza te la sts'un ta yawal-ts'unub jtuhl winic; ch'ihy soc muc' ste'el c'oht, soc te ha'mal mutetic la sluhtsan sbahic ta sc'abc'ab, xchi.

San Lucas 13:19 Referans Kwoze

Daniel 4:12

Mero t'ujbil te yabenale, soc mero bayal te site, tic' ya xwe'ic ta spisilic a. Te ja'mal chambalametic ya yaiyic axinal ta ye'tal, ta sc'abc'ab ya spas xpechechic te mutetic, soc ja' swentainej te xcuxlejal te mach'atic ayic ta balumilale.

Daniel 4:21

te ay buen t'ujbil yabenal, te buen bayal sit, te tic' ya xwe' spisilic a, te ya xnoptsajic bael ja'mal chambalametic ta yantayel yaxinal, soc te ya spas xpechechic mutetic ta sc'abc'abe,

Hechos 4:4

Ja'uc me to, la xch'uunic Cristo bayal te mach'atic la yaiyic stojol te sc'op Diose. Jich esmaj xan te jch'uunjeletique. Ay niwan jo'mil (5,000) ta jtul te winiquetique.

Hechos 2:41

Jich yu'un te mach'atic jich yipal la xch'uunic te sc'op Diose, ac'bot yich'ic ja' ta spisilic. Ay niwan oxmil (3,000) te esmajic ta jun nax c'aal te jch'uunjeletique.

Zacarías 2:11

Te c'alal jich ya xc'ot ta pasele, bayal me nacionetic jun nax ya xc'otic soc te Cajwaltique. Jich me ya yal te Cajwaltic: —Te nacionetic ja' nix lum cu'un, jo'on me ya xnainon ta yolilic —xi' me. Jich me ya ana'ic a te ja' la sticunon tel te Cajwaltic te Spisil ya xju' yu'une.

Ezequiel 31:6

Ta spisil ta jchajp ja'mal mutetic la spas spechechic ta sc'abc'ab; ta spisil ta jchajp ja'mal chambalametic la stojq'ues yalataquic ta ye'tal. La spas snaic bayal ta jpam nacionetic ta yaxinal.

Isaías 9:7

Ya me xjalaj ta bay smuc'ul nactijib David, ya me xpujc' bael yu'el yat'el ta ajwalil ta bayuc; te lamal q'uinal ma me xlaj sc'oplal. Te yat'el ta ajwalil buen nacal me ya xjil ta jyalel; te yiptajibe ja' me te toj-o'tanil soc te bit'il toj ya xwentainwan c'alal ora yo'tic soc ta sbajt'el q'uinal. Ja' ya spas soc yutsil xc'uxul yo'tan te Cajwaltic te Spisil ya xju' yu'une.

Hechos 21:20

Te c'alal la yaiyic stojole, la yalbeyic wocol Dios yu'un. Jich la yalbeyic te Pabloe: —Ilawil, quermano Pablo, ayix tsobol ta jmil te jlumaltic judioetic te xch'uunejiquix Jesús te bayal sc'oplal ta yo'tanic ta xch'uunel te mandalil yu'un te Moisese.

San Mateo 17:20

La yal te Jesuse: —Yu'un ma'yuc xch'uunjel awo'tanic ta lec. Jamal ya calbeyex, te ayuc jich xch'uunjel awo'tanic jtebuc te bit'il sbac' mostaza te biq'uit naxe, ya me xju' ya awalbey in wits to: “Loc'an bael li'to, baan ta yan q'uinal”, teme ya awute, jich nix ya xc'ot ta pasel awu'unic. Ma'yuc bila ma xju' awu'unic spasel te jichuque. [

Isaías 58:11

Jo'on ya quic'at ta beel spisil ora; c'axem to xan ya cac'bat awe'el ta jochol taquin q'uinal, ya cac'bey yip te abaq'uetale. Jich me ya xc'oat te bit'il yawil nichim te buen malbil ta ja', jichat me te bit'il sloq'uibja' te jc'axel ma xtup'.

Isaías 53:10

Te Cajwaltic la sc'an yo'tan te ya sten ta uts'inel soc ta woclajel. Te bit'il la yac' sba ta milbil majt'anil ta swenta te mulile, ya me xnajt'ub xcuxlejal bayal c'aal, soc ya me xc'o yil te sts'umbale. Ja' me ta swenta te lec ya xc'ot te bitic chajbanbil yu'un te Cajwaltique.

Cantares 6:2

Te mach'a bayal ya jmulane, baem ta nichimaltic yu'un, ja' te nichimaltic ay sperfumeil. Baem ta yaq'uel swe'el chijetic yu'un, soc baem ta stulel rosa-nichimetic.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Romanos 15:19

soc ta swenta yip te señailetic soc te jchajp at'eliletique, soc ta swenta yu'el te Ch'ul Espiritue. Jich ta bayuc nax ta spamal te q'uinale, ja' to c'alal ta Jerusalén soc c'alal to ta sq'uinal Ilírico, nojix cu'un ta alel te lec yach'il c'op yu'un te Cristoe.

Jeremías 31:12

“Ya me xtalic soc ya me xc'ajinic yu'un yutsil yo'tanic ta sba wits Sión, ay me sbujts' ya yaiyic te utsilal yu'un te Cajwaltique: ja' te trigo, te vino soc aceite, te chijetic soc te wacaxetique. Jich me c'oemic yilel te bit'il awalts'unubil te bueno ya yich' malel ta ja'e, soc ma me xch'ayix te yipique.

Isaías 61:11

Jich me te bit'il ya xmuc'ub te'etic ta lumq'uinal, soc te ya xpulinic te'etic ta yawil, ja' nix me jich ya xc'ot yu'un Cajwaltic te tsalaw ya spase; ya me xc'ajinic spisil nacionetic yu'un ta yalel wocol.

Isaías 53:1

¿Mach'a ya xch'uun te bi caiyojtic stojole? ¿Mach'a yac'ojbey sna' stojol Cajwaltic te yu'ele?

Cantares 8:13

Ac'bon caiybat te ac'ope, ja'at antsil-ajwalil yu'un te nichimaltique. Te mach'a jun co'tan jbajtic soque yacalic ta smaliyel yaiyic te ac'ope.

Cantares 4:16

Ic' ta stojol norte, jajch'an. Ic' ta stojol sur, la' li'to. Jujch'iya tel abaic ta stojol nichimaltic cu'un, pucbeyaic bael yic' te perfume yu'une. La' me talan ta nichimaltic awu'un, ja'at te buen mulanbilat cu'une; lo'beya me te sit te buen bujts'ane.

Cantares 4:12

Ja'at, jch'ielat te quinamate, macbil nichimaltic c'oemat, macbil sloq'uibja' c'oemat, sloq'uibja' yich'oj selloil yaiyel;

San Lucas 17:6

La yal te Cajwaltique: —Teme ay jich xch'uunjel awo'tanic jtebuc te bit'il sbac' mostaza te biq'uit naxe, ya me xju' ya awalbeyic in sicómoro-te' to: “Bula aba loq'uel li'to, baan ts'una aba ta mar”, teme ya awute, jich me ya xch'uunbat amandal.

San Marcos 4:30

Soc la yal te Jesuse: —¿Bila ya jpajtic soc te bit'il ay ta ajwalinel te Diose? ¿Bila seña-c'op te ya jpajtic soque?