San Lucas 13:17 - Bible in Tzeltal de Oxchuc y Tenejapa

¹⁷ Te c'alal la yal jich te Jesuse, q'uexawic spisil te yajcontroe. Spisil te lume bayal bujts'naj yo'tanic ta yilel yutsilal yat'el te la spas te Jesuse.

Nuevo Testamento Tzeltal de Amatenango

¹⁷ Te kꞌalal jich a yal te Jesuse, kꞌexaw spisil te skontratake. Pero spisil te genteetike ben kontentoik yuꞌun te la yilbeyik te ben tsaꞌam y mukꞌ te tut ya spas te Jesuse.

Bible in Tzeltal Bachajón

¹⁷ Te c'alal hich la yal, q'uexawic spisil te scontratac; pero spisil te ants-winiquetic tse'el yo'tanic yu'un spisil yutsil ya'tel te Jesús.

San Lucas 13:17 Referans Kwoze

1 Pedro 3:16

Lecuc me spisil te bila ya apasique. Jich me senel nax awo'tan ya awaiy yu'un. Swenta yu'un te mach'atic jowil nax ya yalbeyex amen ac'oplalic ta scaj te ach'uunejic te Cristoe, ya me xq'uexawic yu'un te bit'il ma meleluc te bila ya yalique.

Salmos 132:18

Te scontrotac ya cac'bey bayal q'uexlal; yan stuquel, ya me cac'bey xojobil”, xi'.

2 Timoteo 3:9

Ja'uc me to, ma jc'axeluc ya xju' yu'unic, melel ya xchicnaj ta ilel ta comonsitil te ma'yuc bi ya sna'ic xujt'uque, jich bit'il te cha'tul te la scontroinic te Moisese.

Hechos 4:21

Te jwolwanejetique tulan la sbalic ta utel soc la scoltayic bael. Melel ma la staic te bila ya yac'beyic castigo yu'un ta scaj te lume. Melel spisil yacalic ta yalbel wocol Dios yu'un te bila c'ot ta pasele.

San Lucas 20:40

Jich te saduceoetique la xi'ic sjojc'oyel yan aiyejetic.

San Lucas 19:48

Ja'uc me to, ma wejt' yu'unic te bi ya yutique, yu'un spisil lum toyol yo'tanic ta yaiybel stojol sc'op te Jesuse.

San Lucas 18:43

Te winique ora la yil te q'uinale. La sts'aclin bael te Jesuse, yac ta yalel yutsilal te Diose. Soc uuc te ants-winiquetique, la yalbeyic yutsilal Dios yu'un.

San Lucas 14:6

Ma ju' yu'unic sujt'esel te bila albotique.

Isaías 45:24

Jich me ya yalic: “Ja' nax te Cajwaltic te ay ta swenta tsalaw soc te ay yu'el stuquele”, xiic me. Spisilic mach'atic ya yac' slab yo'tanic ta jtojol, ya me xq'uexawic yu'un.

Isaías 4:2

Te bi c'aalile, ay bi ya yac' xpulin jajch'el te Cajwaltique, ja' me xch'alil yutsilal te jayeb mach'atic cuxulic ya xjilic ta lum Israel. Te bitic ya yac' te q'uinale, ja' smuc'ul yo'tanic ya yaiy soc ja' yich'el ta muc'.

Salmos 111:3

Te yat'el ay yutsil soc ya xojobaj; soc te bit'il toj yo'tan, sbajt'el q'uinal ay stuquel.

Salmos 109:29

Ac'a me nojuc q'uexlal ta yo'tanic te jcontrotaque; te q'uexlal ac'a mucotuc yu'un jichuc capa.

Salmos 40:14

Ac'a yich'ic q'uexlaltesel soc jowtesel te mach'atic ya slebonic jlajele. Q'uexlaltic sba ac'a sujt'uc bael ta spatic te mach'atic ya sc'an ya yuts'inonique.

Éxodo 15:11

Ja'at Cajwal, ma'yuc yan diosetic ya spajat. Ma'yuc yan mach'a ya spajbat awutsilal soc amuc'ul te ja'ate. ¡Jchajp nax bitic ya apas soc xiweltic sba! ¡Awu'un c'ajintayel!

Isaías 66:5

Aiybeya awaiyic stojol sc'op te Cajwaltique, ja'ex te awich'ojbeyic ta muc' te sc'ope: —Te ja'exe ay alumalic nix te ya slab-o'tantayex soc ya yuts'inex, melel ya atabonic ta alel te jbiile. Jich ya yalic: “Ac'a yac' ta ilel yutsilal ta atojolic te Cajwaltique; ya jc'antic te binuc nax awo'tanic ya quiltique”, xiic. Ja'uc me to, ya xq'uexawic jilel.

Tito 2:8

Ja' me xawal te lequil c'op te ma xju' ta controinele. Tey me ya xq'uexawic a te mach'atic ya scontroinexe, te melel ma xwejt' yu'unic te bila ya yac'beyex amulinique.