San Lucas 12:7 - Bible in Tzeltal de Oxchuc y Tenejapa

⁷ Ja' nanix jich uuc te ja'exe, asta te stsotsil ajolique, spisil ajtaybil yu'un ta lijq'uilijc'. Jich yu'un ma me xiwex. C'ax jich ay ac'oplalic a te bit'il ay sc'oplal bayal ta jcojt' te ch'in mutetique.

Nuevo Testamento Tzeltal de Amatenango

⁷ Jich euk te jaꞌexe, asta te stsotsil ajolike ajtabil yuꞌun ta jujulijk. Jaꞌ yuꞌun ma me xiꞌanik te jaꞌexe. Mas me tulan akꞌoplalik ta yoꞌtan ke te chꞌin mutetike.

Bible in Tzeltal Bachajón

⁷ Ha nix hich ahtaybil te jaylihc stsotsel ajolique. Ha yu'un ma me xiwex, c'ax hich ac'oblalic a te bin ut'il bayel ha'mal mutetic.

San Lucas 12:7 Referans Kwoze

San Mateo 6:26

Ilawil bit'il cuxulic te ja'mal mutetique. Ma xyaiyic awal, soc ma xyaiyic c'ajoj, soc ma'yuc snail yiximic. Ja'uc me to, te Jtatic te ay ta ch'ulchane ya smac'lin spisil. Te ja'exe ¿ma bal c'axuc jich ay ac'oplalic a te bit'il te ja'mal mutetique?

San Lucas 21:18

Ja'uc me to, ma xch'ay lijc'uc te stsotsil ajolique.

2 Samuel 14:11

Pero cha'c'opoj xan te antse: —Wocoluc, muc' ajwalil cu'un, c'oponbon te Cajwaltic te Dios awu'une, te manchuc ya yac'bon xan jwocol te jpat-jxujc' yac ta sc'anel spacol te bit'il laj te cale, te bit'il ya sc'an ya smilbonic xan te jtul xan cale —xi'. Te muc' ajwalil jich la yal xan: —Ya cal ta jamal ta stojol Cajwaltic te ma'yuc bi ora ya xch'ay jlijc'uc stsotsil sjol ta lum te awale —xi'.

1 Samuel 14:45

Pero te yajwal lum jich la yal: —¿Bi yu'un ya x'och ta lajel ta milel te Jonatán, te ja' la yac'otic ta buen tsalaw te jo'otic te israelotique? Ma'uc, ma xju' ya xlaj. Ja' testigo te Cajwaltic, ma xju' ya xyal ta lum ni jp'ijuc stsotsil sjol, melel te bi la spas te naxe, ja' la spas ta swenta yu'el te Diose —xiic. Jich la scoltayic ta milel Jonatán te yajwal lume.

Hechos 27:34

Ya calbeyex wocol te yacuc xwe'ex jtebuque. Puersa ya sc'an te ya xwe'exe swenta yu'un ya me yich' yip te abaq'uetalique, melel jtul ma xlajex. Ni lijc'uc stsotsil ajolic te ya xch'aye —xi' te Pabloe.

Salmos 8:6

La awac'bey swentain te bila apasoj ta ac'ab, la awac' toyuc sc'oplal yu'un ta spisil:

San Mateo 12:12

Te jtul winique c'ax jich ay sc'oplal stuquel te bit'il cojt' chije. Jich yu'un ya stac' ta pasel te bila lec ta sc'aalelal te cux-o'tane —xi' te Jesuse.

Job 35:11

ja' te ya yac' sp'ijil co'tantic, soc te ya yac' jnoptic ta swenta chambalametic soc te mutetique.