San Lucas 12:56 - Bible in Tzeltal de Oxchuc y Tenejapa

⁵⁶ ¡Cha'lam awo'tanic te ja'exe! Teme ya ana'ic stsajtayel bi yilel te q'uinale, ¿bit'il ay a te ya awalic te ma x'ana'ic stsajtayel te bila yaquix ta c'oel ta pasel ta ora to?

Nuevo Testamento Tzeltal de Amatenango

⁵⁶ Te jaꞌexe, te ma tsaꞌamuk awoꞌtanike, teme ya anaꞌik yilel tut ay te chꞌulchan y sok te balmilale, ¿tuꞌun tsꞌiin te ma xꞌanaꞌik tut yipal ta kꞌoel ta pasel te ora to?

Bible in Tzeltal Bachajón

⁵⁶ ¡Jchebal-o'tanex! Yac ana'ic stsahtayel bin yilel te ch'ulchan soc te bahlumilal, ¿bin ut'il ay a te ma xana'ic stsahtayel te bin yaquix ta c'ohel ta pasel ta ora ini?

San Lucas 12:56 Referans Kwoze

San Mateo 16:3

Soc te c'alal sacubix a te q'uinale, jich ya awalic: “Yo'tic ya xtal ja'al, yu'un tsaj te ch'ulchan soc ay tocal”, xaex yu'un. ¡Cha'lam awo'tanic te ja'exe! Ya ana'ic stsajtayel te bi yilel te q'uinale, ja'uc me to, ya awalic te ma x'ana'ic stsajtayel te señaetic yac ta coel ta pasel ta ora to.]

San Mateo 11:25

Ja' nix ta yorail a te jich la yal te Jesuse: —Jtat, te ajwalilat yu'un te ch'ulchane, te balumilale, jelawen yutsil awo'tan te ja' la awac'bey sna'ic stojol spisil in to te mach'atic alaletic c'oeme, ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinal ta leque.

1 Crónicas 12:32

Te sts'umbal Isacar: ay talic lajunwinic (200) jtsobwanejetic te swentainejic spisil te sts'umbalique. Ja'ic te ya sna'ic stsajtayel ta lec te bila ya sc'an ya spasic te israeletique.

Gálatas 4:4

Ja'uc me to, te c'alal la sta yorail yu'un te Diose, la sticun tel ta balumilal te Snich'ane. Alatayot yu'un jtul ants soc swentainot yu'un te mandalile.

Malaquías 4:2

Yan te ja'ex te awich'ojonic ta muc', ya me xtil ta atojolic jichuc xojobil c'aal te chajbanel cu'une; te xojobile ya me yac' cuxlejal. Ja' yu'un te ja'ex ya me xwilex yu'un sbujts' awo'tanic, jichuc alal wacaxetic te c'alal ya xloq'uic bael ta yawil swe'elique.

Hageo 2:7

Ya me cac' nijc'uc ta spisilic te nacionetique. Ya me yich'ic tel sc'ulejalic, te templo cu'un ay me bayal yutsil ya xc'ot —xi' te Cajwaltic te Spisil ya xju' yu'une. Soc jich ya yal ta jamal te Cajwaltique:

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

San Mateo 6:2

Jich yu'un, te c'alal ay bila ya aq'uebanique, ma me xapucbeyic sc'oplal ta alel. Melel te mach'atic cha'lam yo'tanique ya spucbeyic sc'oplal ta sinagogaetic soc ta calleetic, swenta yu'un ya x'albot lec sc'oplalic yu'un te ants-winiquetique. Jamal ya calbeyex, la staix smajt'anic yu'un a.