San Lucas 12:37 - Bible in Tzeltal de Oxchuc y Tenejapa

³⁷ Bin nax me yutsil te abatetic te wiq'uil sitic ya xjul taotuc yu'un te yajwalique. Jamal ya calbeyex, te yajwalique ya me xchuc xch'ujt' te ya yac' sba ta abatinel yu'unique. Ya yic' tel ta smesa, soc ya yac'bey swe'elic.

Nuevo Testamento Tzeltal de Amatenango

³⁷ Ben tsaꞌam slekil te jꞌaꞌteletik te kuxul yoꞌtanik ya xjul taek yuꞌun te yajwalike. Jamal ya kalbeyex, te yajwalike ya me xchap sba, ya me yakꞌ sba ta mantaltesel yuꞌunik, ya me yikꞌ tal ta mexa, y ya me xꞌaꞌbot sweꞌelik yuꞌun.

Bible in Tzeltal Bachajón

³⁷ Bayel me yutsil te a'batetic te wiq'uil sitic ta mahlab a ya xhulic ta tahel yu'un te yajwalique. Jamal ya calbeyex, ya me schahpan sba soc ya me x'ac'otic ta we'el ta mesa yu'un te yajwalic, soc ya me xtal yac' sba ta a'batinel yu'unic.

San Lucas 12:37 Referans Kwoze

2 Pedro 3:14

Jich yu'un quermanotac te bayal c'uxex ta co'tane, te jayeb xan c'aal yacalex ta smaliyele, antayaic me te ma me ayuc bila quechel ta awentaic ta stojol a te ya xjul staex te Diose. Ma me bolobenuc awo'tanic yu'un mulil a te ya xtale.

San Mateo 24:42

“Jich yu'un te ja'exe, wiq'uiluc me asitic, yu'un ma na'biluc awu'unic te bi ora ya xtal te Awajwalique.

Filipenses 1:23

Ta xchebal ma xju' cu'un ya caiy te ya jtsae. Jich co'tan te ya xlajonixe swenta jich ya xba joinix te Cristoe, yu'un ja' mero lec ya caiy te jichuc ya xc'otixe.

1 Corintios 2:9

Melel jich ts'ibubil jilel sc'oplal ta Sjun te Diose: “Ma'yuc mach'a yiloj ta sit, soc ma'yuc mach'a yaiyoj stojol ta xchiquin, soc ma'yuc ta yo'tanic ants-winiquetic te bila chajbanbil yu'un Dios te ya yac'bey te mach'atic c'ux ya yaiy ta yo'tanique”, te xie.

Apocalipsis 14:13

Soc la caiy stojol te ay mach'a c'opoj tel ta ch'ulchane. Jich la yalbon: —Ts'ibuya ta jun in to: “Bin nax me yutsilic ta ora to soc ta sbajt'el q'uinal te animaetic te xch'uunejic Cajwaltic te lajique”, xi' me —la yuton. La yal te Espiritue: —Melel nix a. Ya me yich'ic lewa yu'un te yat'elique, soc ya me sjoinic tey a te yat'elique —xi'.

2 Pedro 1:11

Jich me muc' nax ya xjambotex ochel sbelal ta bay ay ta muc' ajwalil sbajt'el q'uinal te Cajwaltic Jesucristoe, te Jcoltaywanej cu'untique.

San Juan 12:26

Teme ay mach'a ya sc'an ya yac' sba ta abat cu'une, ac'a me sts'aclinon bael. Melel te bay ya xc'oon te jo'one, tey me ya xc'ot uuc te cabate. Te mach'a ya yac' sba ta abatinel cu'une, ya me x'ac'bot yich' yutsilal yu'un te Jtate.

San Lucas 21:36

Wiq'uiluc me asitic jiche. C'oponaic Dios ta spisil ora te ayuc me awipic te jich lec ya xc'ax awu'unic spisil te bila ya xc'ot ta pasele, soc te jich me ma'yuc falta awu'unic te ya atejc'an abaic ta stojol te Nich'anile —xi' te Jesuse.

Isaías 62:5

Melel jich bit'il jtul querem te ya xnujbin soc te ach'ixe, ja' ni me jich te Diose, ya me yic' yinaminat c'oem. Ya me xcha'yutstesat ta pasel; jich me bin nax awo'tan soc, jich bit'il bin nax yo'tan soc yinam te winique.

Apocalipsis 7:17

Melel te Alalchij te ay ta bay yolilal te muc'ul nactijibale, ja' me jcanan yu'unic. Ya me x'ic'otic bael yu'un ta bay sloc'ja' te ya xcuxinic yu'une. Soc ya scusbot ya'lel sitic yu'un te Diose —xi' ta c'op.

Apocalipsis 3:21

Te mach'atic ya xju' yu'unic tsalawe, ya me sjoinon ta naclej ta banti te muc'ul nactijibal cu'une, jich nix te bit'il caiyoj tsalaw te jo'one soc te joinejix ta naclej ta bay smuc'ul nactijib te Jtate.

Filipenses 1:21

Melel te bit'il cuxulone, ja' ta swenta te Cristoe. Teme ya xlajone, ja' jganar ya xc'ot.

San Lucas 17:8

¡Ma jichuc! “Baan, chajbanbon jwe'el. Ya me ac'asesbon tel, yu'un ya xwe'-x'uch'ajon neeluc te jo'one. Patil ya xwe'at te ja'ate”, ya awut.

San Lucas 12:43

Bin nax me yutsil te winic teme jich yac ta spasel a te c'alal ya xtal te yajwale.

Sofonías 3:17

Te Cajwaltic te Dios awu'une, ay me ta awolilic; ay yu'el stuquel soc ya scoltayat. Te Cajwaltic bin nax me yo'tan awu'un. Ta swenta xc'uxul yo'tan ya yac'bat yach'il acuxlejal; ya me xbujts'naj awo'tan ta c'ayoj

Jeremías 32:41

Bin nax me co'tan ta yaq'uel yutsilalic. Ta spisil co'tan soc ta smelelil, ya cac' ainuc li' ta q'uinal to —xi' te Cajwaltique.

San Lucas 12:36

Jichuquex me te bit'il abatetic te chapalic ta smaliyel te ya sujt' tel te yajwalic te baem ta yilel nujbinel te ora ya sjambeyic te c'alal ya xjul stij te ti'naile.

San Lucas 22:27

¿Mach'a me ya awaiy te cajal sc'oplale? ¿Ja' bal te mach'a ya snajc'an sba ta we'el ta mesae, o ja' te mach'a ya sc'ases te we'elile? ¿Ma bal ja'uc te mach'a nacal ta mesae? Te jo'one jich ayon ta awolilic te bit'il jc'asesej-we'elile.

Apocalipsis 16:15

“Aiya awaiyic stojol, jich me ya xtalon te bit'il j'eleq'ue. Bin nax me yutsil te mach'a wiq'uil sit soc te slapoj sc'u' swenta yu'un ma me t'analuc ta comonsitil ya x'ilot yu'un ants-winiquetic te sbaq'uetale”, xi' te Cajwaltique.