San Lucas 12:31 - Bible in Tzeltal de Oxchuc y Tenejapa

³¹ Ja' me xaleic neeluc te bit'il ay ta ajwalinel te Diose. Jich me ya yesmantesbeyex spisil te bila ya xtuun awu'unique.

Nuevo Testamento Tzeltal de Amatenango

³¹ Te jaꞌexe jaꞌ me xꞌawajwalinik stukel te Diose, y ya me awichꞌik spisil te tutik to.

Bible in Tzeltal Bachajón

³¹ Ha nahil xalehic te cuentahinel yu'un Dios, hich ya x'a'botex spisil a ini.

San Lucas 12:31 Referans Kwoze

San Mateo 6:33

Ja' me xaleic neeluc te bit'il ay ta ajwalinel te Diose soc te bila toj ta pasel yu'une. Jich me ya yesmantesbeyex spisil te bila ya xtuun awu'unique.

Hebreos 13:5

Ma me ja'uc xbajt' ta awo'tanic te c'ulejalile. Junuc me awo'tanic yu'un te bila ay awu'unique, melel jich yaloj te Diose: “Xujt' ma ba ya jpijt'esat soc ma ba ya quijq'uitayat”, te xie.

Salmos 34:9

Ich'aic ta muc' te Cajwaltic, ja'ex te yu'unex stuquel; ma me ayuc bi falta ya yaiy ta yo'tan te mach'atic ya yich'ic ta muq'ue.

1 Timoteo 4:8

Melel ma'yuc lec swentail teme ay bila ya c'ajtes jbaq'uetaltic ta spasele. Yan teme ya c'ajtes jbatic ta xch'uunel te Diose, ja' ay bayal sc'oplal stuquel, te melel ya me xcuxinotic yu'un li'to ta balumilal soc ta sbajt'el q'uinal.

San Juan 6:27

Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

Salmos 84:11

Melel te Diose, te Cajwaltique, ya yac'otic ta saquil q'uinal, soc ja' jmajq'uiltic stuquel. Te Cajwaltic c'ux ta yo'tan ya yaiy te mach'atic toj bitic ya spasic ta q'uinale, soc ya yich' ta wenta stuquel. Ma me ayuc bila ma x'ac'botic, melel spisil te bitic leque ya me x'ac'botic stuquelic.

Romanos 8:31

¿Bi ya caltic yu'un in to? Teme ja' ay ta jtojoltic te Diose, ¿ay bal mach'a ya xju' te ya scontroinotique?.

Salmos 37:3

Ja' me ac'a smuc'ulin awo'tan te Cajwaltic, ja' me xapas te bila leque; ainan ta q'uinal soc junuc me awo'tan ta stojol.

Salmos 37:25

Queremon te nameye, yo'tic mamalonix, pero ma'yuc bi ora la quil pijt'esot yu'un Dios te mach'a lec yo'tane, soc ma'yuc bi ora la quil yacal ta c'anbajel te snich'nabe.

Isaías 33:16

ja' me ya xcuxin ta melel stuquel. Ay me yanjib ta tulanil tonetic c'oem, xujt' ma me xch'ay swe'el soc te ja' ya yuch', ma me ayuc falta yu'un.

Salmos 37:19

Teme bolob balumilal, teme tal wi'nal, ma ba ya staic q'uexlal, melel ts'acal me ya sta swe'el stuquelic.

San Lucas 10:42

Jun nax te bila ya sc'ane. Yan te María, la stsa stuquel te bila leque. Ma'yuc mach'a ya xpojbot yu'un jtuluc —xi'.

San Lucas 12:30

Melel ja' nax baem yo'tanic ta sleel stuquel te ants-winiquetic ta balumilale. Yan te ja'exe ay Atatic te sna'oj spisil te bila ya xtuun awu'unique.