San Lucas 12:30 - Bible in Tzeltal de Oxchuc y Tenejapa

³⁰ Melel ja' nax baem yo'tanic ta sleel stuquel te ants-winiquetic ta balumilale. Yan te ja'exe ay Atatic te sna'oj spisil te bila ya xtuun awu'unique.

Nuevo Testamento Tzeltal de Amatenango

³⁰ Porke spisil te tutik to jaꞌ nax baem ta yoꞌtanik sleel te machꞌatik ma snaꞌbe sba te Diose. Yan te jaꞌexe ay jtul Atatik te snaꞌoj te tutik ya xtuun awuꞌunike.

Bible in Tzeltal Bachajón

³⁰ como spisil te yantic ay ta bahlumilal ha bahem ta yo'tanic slehel ini; pero te Atatic ya sna' te ya xtuhun awu'unic ini.

San Lucas 12:30 Referans Kwoze

San Mateo 6:32

Melel te mach'atic ma sna'beyic sba te Diose, ja' nax baem ta yo'tanic sleel stuquel. Yan te ja'exe ay Atatic ta ch'ulchan te sna'oj spisil te bila ya xtuun awu'unique.

San Mateo 6:8

Ma me xac'ainic te ja'exe, melel te Jtatique sna'oj te bi ya xtuun awu'unic te c'alal ma to c'anbiluc awu'unic a.

Efesios 4:17

Jich yu'un ya calbeyex mandal ta swenta sbiil te Cajwaltique: Ma me jichuc cuxulex ta q'uinal te bit'il te mach'atic ma ba xch'uunejic te Diose, te ja' nax cuxulic ta spasel te bila snopoj ta yo'tanic te xujt' ma'yuc swentaile.

San Lucas 12:32

“Ma me xiwex ja'ex te chijex cu'un te ma tsoboluquexe. Melel te Jtatique bin nax yo'tan ya yaq'uex tey a ta banti ay ta ajwalinel te Diose.

San Mateo 18:14

Ja' nanix jich ma sc'an yo'tan te Jtatic te ay ta ch'ulchan teme ya xch'ay jtuluc in to te mach'a peq'uel ayique.

1 Tesalonicenses 4:5

Ma me scajuc nax xchijilil abaq'uetalic te ya awic' awinaminic te antse, jich bit'il ya spasic te ants-winiquetic te ma sna'beyic sba te Diose.

San Mateo 10:20

Melel ma ja'uc ya xc'opojex te ja'exe, ja' ya xc'opoj ta awo'tanic te Espíritu yu'un te Jtatique.

San Mateo 5:47

Teme ja' nax ya apatbeyic yo'tan te awermanotaque, ¿banti lec xan a te bila ya apasique? ¿Yu'un bal ma jichuc ya spasic uuc te jyanlumetique?

San Juan 20:17

La yal te Jesuse: —Ma me xapicon yu'un ma to moemucon bael ta bay te Jtate. Baan albeya te yantic quermanotaque ya me xmoon bael ta bay te Jtate te Atatic uuc te ja'exe, te Dios cu'une soc te Dios awu'unic uuc te ja'exe —xi'.

San Mateo 6:1

“Tsajtaya me abaic, ma me xawaq'uic ta ilel ta comonsitil ta stojol ants-winiquetic te bila toj ta pasele. Teme ya awaq'uic ta ilele, ma me ayuc amajt'an ya x'ac'botex yu'un te Jtatic te ay ta ch'ulchane.

San Lucas 12:29

Jich yu'un te ja'exe ma me ja'uc ya xbajt' ta awo'tanic sleel te bit'il ya xwe'ex-x'uch'ajexe.

San Lucas 12:31

Ja' me xaleic neeluc te bit'il ay ta ajwalinel te Diose. Jich me ya yesmantesbeyex spisil te bila ya xtuun awu'unique.