San Lucas 12:22 - Bible in Tzeltal de Oxchuc y Tenejapa

²² Soc jich la yalbey xan te jnopojeletic yu'un te Jesuse: —Ja' swentail te ya calbeyex: Ma me ja'uc ya xbajt' ta awo'tanic te bit'il ya xcuxinex ta balumilale, jich bit'il te ya xwe'exe soc te ya ata ac'u'-apaq'uique.

Nuevo Testamento Tzeltal de Amatenango

²² Ta patil te Jesuse jicha yalbe te jnopojeletik yuꞌune: —Jaꞌ sluwar te ya kalbeyexe, ma me xꞌawakꞌ yajtal awoꞌtanik yuꞌun te tut ya xkuxuyinexe, ni te tut ya aweꞌike ni te akꞌuꞌ-apakꞌik te ya alapike.

Bible in Tzeltal Bachajón

²² Te Jesús la yalbe te jnopojeletic yu'un: Ha yu'un ya calbeyex, ma me xbaht ta awo'tanic sna'ulanel bin ut'il ya xcuxajex, ha te bin yac awe'ic; o te abaq'uetal, bin yac alapic.

San Lucas 12:22 Referans Kwoze

Filipenses 4:6

Ma me ayuc bila ya awac' woclajuc awo'tanic yu'un xujt'uc. Ja' ya sc'an ya ac'oponic Dios yu'un ta spisil. C'anbeyaic Dios te bila ya sc'an te awo'tanique, soc albeyaic me wocol yu'un.

Hebreos 13:5

Ma me ja'uc xbajt' ta awo'tanic te c'ulejalile. Junuc me awo'tanic yu'un te bila ay awu'unique, melel jich yaloj te Diose: “Xujt' ma ba ya jpijt'esat soc ma ba ya quijq'uitayat”, te xie.

1 Corintios 7:32

Ja' ya jc'an te manchuc ayuc bila ya yaan awo'tanique, melel te mach'a ma'yuc yiname, ja' ay ta yo'tan te bila swenta te Cajwaltique. Ja' nax ya xbajt' ta yo'tan spasel te bila lec yo'tan yu'un te Cajwaltique.

San Lucas 12:29

Jich yu'un te ja'exe ma me ja'uc ya xbajt' ta awo'tanic sleel te bit'il ya xwe'ex-x'uch'ajexe.

San Lucas 12:11

“Te c'alal ya x'ic'otex bael ta sinagogaetic, soc teme ya xtec'anotex ta stojol jtuuneletic soc ta stojol te ajwaliletique, ma me xjajch' amel awo'tanic yu'un te bit'il ya sc'an ya asujt'esbeyic te sc'opique soc te bila lec ya xc'o awalique.

San Lucas 12:23

Melel ma ja'uc bayal sc'oplal te awe'elique; ja' cajal sc'oplal te acuxlejalique. Soc ma ja'uc bayal sc'oplal te ac'u'-apaq'uique; ja' cajal sc'oplal te abaq'uetalique.