San Lucas 12:20 - Bible in Tzeltal de Oxchuc y Tenejapa

²⁰ Jich albot yu'un te Diose: “Winic, ma x'ana' q'uinal. Ja' in ajc'ubal to ya me jc'anbat ach'ulel. Spisil te bila q'uejbil awu'une, ¿mach'a me ya yich'bat jilel?”, xi' te Diose.

Nuevo Testamento Tzeltal de Amatenango

²⁰ Pero albot yuꞌun te Diose: “Ma xꞌanaꞌ kꞌinal. Mismo ajkꞌubal to ya me xchamat. Spisil te tut kꞌejbil awuꞌune, ¿machꞌa me ya yichꞌbeyat jilel?” xchi te Diose.

Bible in Tzeltal Bachajón

²⁰ Pero hich halbot yu'un te Diose: Ma xana' q'uinal. Yo'tic ta ahc'abal ya xtalat ta c'ambeyel ach'uhlel, ha yu'un te bin q'uejbil awu'un, ¿mach'a ya yich'bat hilel? xchi sc'oblal.

San Lucas 12:20 Referans Kwoze

Jeremías 17:11

Te mach'a ma stojiluc ya sta sc'ulejale; jich c'oem te bit'il perdiz te yan tomut ya sluts'e. Manchuc me yich'oj to yip, puersa me ya yijq'uitay jilel te sc'ulejale; soc ta slajibal ja' nax me bol ya xc'ot ta loq'uel.

Job 27:8

¿Bitic xan ya smaliy te mach'a amen yo'tan te c'alal ya xpojbot xcuxlejal yu'un te Diose?

1 Timoteo 6:7

Melel ma'yuc bila la quich'tic tel xujt'uc te c'alal julotic ta balumilale, soc ma'yuc bila ya xju' ya quich'tic bael ta patil.

Salmos 39:6

Spisil ants-winiquetic ya xch'ay c'axel jichuc axinal. Tojol ya yac' swocolic ta stsobel sc'ulejalic, ma ba sna'ojic mach'a ya yich' jilel.

Santiago 4:14

Ja'uc me to, ma x'ana'ic stojol te bila ya xc'ot ta pasel te pajele. ¿Jal bal c'aal ya awaiyic te ya xcuxinexe? Melel te jcuxlejaltique jich c'oem te bit'il sjab lumq'uinal te ajc' nax ya xchicnaj soc ya xch'ay bael ta orae.

1 Tesalonicenses 5:3

Yu'un te c'alal ay jich ya yalic te ants-winiquetique: “Lamal q'uinal, ma'yuc bi chican”, te xiic ta yalele, ja'uc me to, ajc' nax ora ya xtal lajel ta stojolic, jich te bit'il ajc' nax ora ya xjajch' swocol jtul ants yu'un te ya x'ayinix te yale. Jich ma xju' ya scoltay sbaic loq'uel tey a.

San Lucas 11:40

Ma x'ana'ic q'uinal. Te mach'a la spasbey spat te vasoe, ¿ma bal ja'uc nix la spasbey uuc te yutile?

Salmos 73:19

Ta ora nax me lajem ya xjilic. Ya me xlajinotic yu'un te xiwele.

Nahúm 1:10

Melel jichic me te bit'il ch'ixetic te sts'otoj sbae, jich bit'il taquin ac, ya me xc'ajq'uic ta jc'axel.

Proverbios 28:8

Te mach'a ya stsob sc'ulejal ta sc'anel sjol te staq'uine, ja' ya stsob yu'un te mach'a ya sna'bey yo'bolil sba te me'baetique.

Proverbios 11:4

Ma xtuunix c'ulejalil a ta yorail te castigoe; yan te toj-o'tanile ya x'ac'awan ta libre yu'un te lajele.

Salmos 78:30

Pero ya to sc'an xan yo'tanic a, ay to ta yeic a te swe'elic,

Ester 5:11

La yalbey sc'oplal te bayal sc'ulejale, soc te snich'nab te mero bayalixe, soc te bit'il mero toyesbot sc'oplal yu'un te muc' ajwalile, te ma pajaluc sc'oplal soc te yantic j'at'eletic soc te yantic abatetique te bit'il ja' mero toyol yat'el c'ot ta stojol ta spisil te yantique.

Salmos 49:10

Melel chican ta ilel te pajal ya xlajic ta spisilic; ya xlajic te mach'atic p'ijique, ja' nix jich ya xlajic uuc te mach'atic ma p'ijicuque; yan mach'a ya x'ich'botic jilel yu'un te sc'ulejalique.

Proverbios 10:2

Te c'ulejalil te ma stojiluc tabile, ma'yuc cutsilaltic yu'un; yan te toj-o'tanile ma xyac'otic ta lajel, ya yac'otic ta libre stuquel.

Proverbios 13:7

Ay mach'atic ma'yuc bila ay yu'un, pero jc'ulejetic yilel; ay yantic ay yu'un ta spisil, pero me'baetic yilel.

Proverbios 27:1

Ma me xatoy aba ta swenta pajel; melel ma x'ana' te bi ya xc'ot ta pasel te pajele.

Isaías 56:12

Jich ya yalic: —Conic jletic vino soc trago swenta yu'un ya me xyacubotic. Ya me jpastic pajel ta yan buelta, jich nix te bit'il yacotic ta spasel ta ora to, o c'axem to xan ya jpastic a —xiic.

Amós 6:13

Te ja'ex bin nax awo'tanic yilel, ma meleluc. Soc jich ya awalic: “Ta swenta quiptic nix jtuqueltic la jtatic te bit'il ya xju' cu'untic spisil”, xaex.

1 Timoteo 6:17

Pasa me ta mandal te mach'atic ay sc'ulejalic ta balumilal te ma me stoy sbaic yu'un, soc te ma me ja'uc ya smuc'ulin yo'tanic te sc'ulejalique, melel ma staleluc ay. Ja' lec te ja' ya smuc'ulin yo'tanic te Diose te stalel cuxul stuquele, te ma p'isbiluc ya yac'botic spisil te bila ya xtuun cu'untic te ya xbujts'naj co'tantic yu'une.