San Lucas 12:19 - Bible in Tzeltal de Oxchuc y Tenejapa

¹⁹ Ya me calbey te jch'ulele: ‘Jch'ulel, bayalix te jbiluctic te ya xtuun cu'untic bayal ja'wile. Ja' lec quich'tic lewa. We'ucotic, uch'ajucotic, bujts'najuc co'tantic yu'un”, xi' ta yo'tan.

Nuevo Testamento Tzeltal de Amatenango

¹⁹ Y ya me kalbe te jchꞌulele: ‘Jchꞌulel, bayalix te tut kꞌejel awuꞌune, yuꞌun ya xtuun awuꞌun bayal jaꞌbil. Ya jkux koꞌtantik. Weꞌukotik, uchꞌaukotik. Ben junuk koꞌtantik yuꞌun’”, xchi ta yoꞌtan.

Bible in Tzeltal Bachajón

¹⁹ soc hich ya calbe te jch'uhlel: Jch'uhlel, bayelix bin q'uejbil te ya xtuhun awu'un bayel ha'bil; we'an, uch'an, tse'eluc me awo'tan, xchi.

San Lucas 12:19 Referans Kwoze

Proverbios 27:1

Ma me xatoy aba ta swenta pajel; melel ma x'ana' te bi ya xc'ot ta pasel te pajele.

1 Corintios 15:32

Ta bay lum Efeso, la jtsal jba soc te mach'atic pajalic soc jti'awal chambalametique. Ja'uc me to, ¿bi ya xloc' cu'un a? Teme ma xcha'cux te animaetique, ja' lec te jichuc ya caltic uuc te bit'il ay ta alele: “We'ucotic-uch'ajucotic; melel pajel ya xlajotic”, te xie.

Isaías 5:11

¡Ya me awil awocolic ja'ex te ma to sacub q'uinal a te ya xyacubexe, soc te q'uixnajemex yu'un te uch'balil c'alal ta stoyel ajc'ubal!

Eclesiastés 11:9

Mulanbeya yutsil acuxlejal jch'ieletic, aiybeyaic yutsilal te ach'ielique; melel buen lec to xan ayat, soc ya to xju' awu'un. Pasbeya te bi ya smulan te awo'tane, soc ta spisil te bitic ya awile. Pero ya me sc'an te ya ana' te Dios ya yich'bat ta wenta spisile.

Santiago 5:5

Li' nax ta balumilal te lec cuxulex ta q'uinale. Spisil ay awu'unic te bitic ya smulan te abaq'uetalique. Jich c'oemex te bit'il wacax te yac ta jujp'ele, te nopol sta sc'aalelal te ya yich' milele.

Filipenses 3:19

Te c'alal ya xlajique, ch'ayel me ya xbajt'ic. Melel ja' dios yu'unic te sbaal xch'ujt'ique, soc ja' yutsilal ya yaiyic te bila swenta q'uexlale, soc ja' baem ta yo'tanic te bitic swenta nax te balumilale.

Proverbios 18:11

Te jc'ulej scuyoj te ja' ya xcanantayot yu'un te sc'ulejale, jich te bit'il jpam lum te ay toyol sts'ajc'ul ta sjoyobale.

Salmos 62:10

Ma me smuc'ulin awo'tanic te ac'ajc'alique; soc ma me xawac' yu'uninbeyex awo'tanic elec'. Teme ay bi ora c'ulejubexe, ma me ja'uc ya smuc'ulin awo'tanic te biluquetic awu'unique.

Apocalipsis 18:7

Te jich yipal la stoy sba soc te jich yipal la slajin sc'ulejal ta spasel te bila smulanej te sbaq'uetale, jich nix yipal ac'a c'axuc swocol ta uts'inel soc ta oq'uel. Melel jich ya yal ta yo'tan te muc'ul lume: ‘Jo'on muc' antsil-ajwalilon. Ma'yuc bi ora te ya xjilon ta me'ba antse. Ma xquil jwocol ta oq'uel jtuquel’, te xi' ta yo'tane.

1 Pedro 4:3

Tic' a te ch'ay bayal c'aal awu'unic ta neelal to ta spasel te bila mulanbil yu'un te mach'atic ma sna'beyic sba te Diose. Ja' bi ja' te chijubele, bic'tal-o'tanil, yacubel, q'uinwej, slajinel taq'uin te ma'yuc swentaile, soc xch'uunel lotil diosetic te ilaybil yu'un te Diose.

2 Timoteo 3:4

J'ac'awanejetic ta c'abal, jc'ajc'al c'opetic, cajal yac'oj sbaic. Ja' nax baem ta yo'tanic sleel te bila jelawen yutsil sbujts' ta yo'tanique. Ma ja'uc baem ta yo'tanic te bila swenta te Diose.

Oseas 12:8

Efraín ya yal: “Melel xawal, jc'ulejonix, la jtaix jc'ulejal. Pero ma'yuc mach'a ya xju' slebon jmul yu'un te bit'il la jta te jganare, ma ba mulil te bila la jpase”, xi'.

Isaías 22:13

Ja'uc me to, ja' nax jamal q'uinal ya awaiyic soc ay sbujts' awo'tanic; la amilic wacaxetic soc chijetic, la ati'ic ti'bal soc la awuch'ic vino. “We'ucotic soc uch'ajucotic ta ora to, melel pajel cha'wej ya xlajotic”, xaex ta yalel.

Isaías 5:8

Ya me awil awocolic ja'ex te ya amanulayic bayal naetic, te ya aleic bayal aq'uinalique. Ja' to ya ac'an te atuquel ya awentain spamal te q'uinale, te ma'yuc mach'a jtuluc ya awaq'uix tey a; soc jich ya anajc'an abaic te bit'il ja'ex nax yajwalex yilel te lumq'uinale.

Proverbios 23:5

Yacuc atsajtay awil ta lec, ya me awil te ya xch'ay bael te c'ulejalile; jich c'oem te bit'il ya xloc' xic', melel ora nax ya xbajt' ta wilel jichuc águila.

Job 14:1

“Te winic ayinem ta swenta antse, mero com te xcuxlejale, soc bayal wocol ya xtal ta stojol.

1 Timoteo 6:17

Pasa me ta mandal te mach'atic ay sc'ulejalic ta balumilal te ma me stoy sbaic yu'un, soc te ma me ja'uc ya smuc'ulin yo'tanic te sc'ulejalique, melel ma staleluc ay. Ja' lec te ja' ya smuc'ulin yo'tanic te Diose te stalel cuxul stuquele, te ma p'isbiluc ya yac'botic spisil te bila ya xtuun cu'untic te ya xbujts'naj co'tantic yu'une.

1 Timoteo 5:6

Ja'uc me to, te me'ba ants te ja' nax baem ta yo'tan spisil te bila smulanej te sbaq'uetale, lajemix c'oem te bit'il cuxul to ta q'uinale.

San Lucas 21:34

“Tsajtaya me abaic, ma me xawac' te ya xbic'taj awo'tanic yu'un te yacubele soc spisil te bitic biq'uit nax o'tanil yu'une, soc te bitic ay ta pasel jujun c'aal ta balumilal. Yu'un ma me ch'ayemuc atsaic a te ya sta yoraile.

San Lucas 16:19

“Ay jtul jc'ulej-winic te c'aem ta slapel buen t'ujbil tsaj'aman pac', soc t'ujbil lino-pac' soc jujun c'aal ya spas q'uin, soc buen bujts'an nax swe'el te jujun c'aale.

Habacuc 1:16

Jich yu'un te jtsac-chaye ya squejan sba ta stojol te tsacjibal soc anzuelo yu'une, soc ya yac'bey milbil majt'anil, soc ya xchic'bey pom ta yich'el ta muc'. “Wocol awal”, ya yutic, melel ay swe'elic ta lec yu'un.

Salmos 49:18

Manchuc me bin nax yo'tan cuxul ta q'uinal, manchuc me lec sc'oplal yu'un ants-winiquetic ta scaj sc'ulejal,

1 Samuel 30:16

Jich la yic' bael c'alal ta banti ayic te jpoj-biluquetic. Spucoj sbaic ta aquiltic, yacalic ta we'el-uch'el, yacalic ta pas-q'uin yu'un te jayeb bi la yich' pojel tel yu'unic ta sq'uinal filisteoetic soc ta sq'uinal Judá.

Proverbios 10:2

Te c'ulejalil te ma stojiluc tabile, ma'yuc cutsilaltic yu'un; yan te toj-o'tanile ma xyac'otic ta lajel, ya yac'otic ta libre stuquel.

Eclesiastés 2:24

Te bi mero lec ya sc'an ya spas te winique, ja' te ya xwe' ya x'uch'e, ac'a yaiybey yutsilal te yat'ele. Jna'oj te spisil talem ta stojol te Diose.

Isaías 56:12

Jich ya yalic: —Conic jletic vino soc trago swenta yu'un ya me xyacubotic. Ya me jpastic pajel ta yan buelta, jich nix te bit'il yacotic ta spasel ta ora to, o c'axem to xan ya jpastic a —xiic.

Amós 6:13

Te ja'ex bin nax awo'tanic yilel, ma meleluc. Soc jich ya awalic: “Ta swenta quiptic nix jtuqueltic la jtatic te bit'il ya xju' cu'untic spisil”, xaex.

San Lucas 12:18

Nojp yu'un ts'iin: “Ta ora to ya jna'ix te bila ya jpase. Ya me jin spisil te snail cawal-jts'unube. Ya me jpas muc'. Tey me ya jq'uej spisil a soc spisil te bila ay cu'une.

Proverbios 14:24

Te mach'a ay sp'ijile, ja' scorona te ay sp'ijil sjole; yan te mach'a ma sna' q'uinale, ja' scorona te sbolile.