San Lucas 12:17 - Bible in Tzeltal de Oxchuc y Tenejapa

¹⁷ Jich jajch' snop ta yo'tan: “¿Bi ya sc'an ya jpas in to? Melel ma'yuc banti ya stac' ya jq'uejix te sit cawal-jts'unube”, xi' ta snopel.

Nuevo Testamento Tzeltal de Amatenango

¹⁷ Te jkꞌulej winike lijk ta pensar: “¿Tut ya skꞌan ya jpas? Yuꞌun maꞌyuk ba ya jkꞌej te jkosechae.”

Bible in Tzeltal Bachajón

¹⁷ Hich hahch snop ta yo'tan: ¿Bin ya jpas yo'tic, como ma xwehtix banti ya jq'uej te bin la jloq'ues? xchi ta yo'tan.

San Lucas 12:17 Referans Kwoze

San Mateo 5:42

Teme ay mach'a ay bila ya sc'anbate, ac'beya, soc ma me xamac ta c'op te mach'a ay bila ya smajanbate.

Isaías 58:7

ja' te ya awac'bey xejt'uc awe'el te mach'a ay ta wi'nale, soc teme ya awic' ta ana te mach'a me'ba te ma'yuc snae; ja' te ya ac'u'ultes te mach'a ma'yuc sc'u'e, soc te ma xawijq'uitay scoltayel te awermanoe.

1 Juan 3:16

Jich jna'ojtic stojol bit'il ay te c'uxul-o'tanile, ta swenta bit'il la yac' sba ta lajel ta jwentatic te Jesucristoe. Ja' nanix jich ya sc'an ya cac' jbatic ta lajel soc jcuxlejaltic ta swenta uuc te quermanotactique.

Romanos 12:13

Q'uebanbeya abiluquic teme ay bila ma'yuc yu'un te mach'atic ch'ul lum yu'un te Diose. Binuc nax me awo'tan xawiq'uic ochel te mach'a ya xtal yilate.

Hechos 16:30

Soc la yic' loq'uel ta chucjibal. Jich la yalbey: —Tatiquetic, ¿bi ya sc'an ya jpas te ya xju' ya xcolone? —xi'.

San Lucas 19:17

La yal te ajwalile: “Lec at'ejat, lequil abatat. Te bit'il jun awo'tan la awentainbon te bila jteb la cac'bat jilele, jich yu'un ya cac'bat awat'el ta swentainel lajunpam lum”, xi'.

San Lucas 18:22

Te c'alal la yaiy stojol te Jesuse, la yalbey te winique: —Ay to jchajp xan te bila ya sc'an ya apase. Chona spisil bila ay awu'un, soc q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon ts'iin —xi'.

San Lucas 16:9

“Jo'on ya calbeyex: Leaic te mach'atic ya ac'uxtay aba soc a te ac'ulejal swenta in balumilal to, swenta yu'un jich me ya x'ic'otat ochel tey a ta bay ya x'ainat sbajt'el q'uinal te c'alal ya xlaj te ac'ulejale.

1 Timoteo 6:17

Pasa me ta mandal te mach'atic ay sc'ulejalic ta balumilal te ma me stoy sbaic yu'un, soc te ma me ja'uc ya smuc'ulin yo'tanic te sc'ulejalique, melel ma staleluc ay. Ja' lec te ja' ya smuc'ulin yo'tanic te Diose te stalel cuxul stuquele, te ma p'isbiluc ya yac'botic spisil te bila ya xtuun cu'untic te ya xbujts'naj co'tantic yu'une.

Hechos 2:37

Te c'alal la yaiyic stojol in to, bayal la smel yo'tanic yu'un, soc la yalbeyic te Pedroe soc te yantic jpuc-c'opetique: —Quermanotac, ¿bi ya sc'an ya jpastic te jo'otique? —xiic.

San Lucas 16:3

“Jich te mayordomo jajch' snop ta yo'tan: “¿Bila lec ya jpas te bit'il ya sloq'uesonix ta mayordomoil te cajwale? Melel ma xju' cu'un te tulan at'ele, soc ya xq'uexawon teme ochon ta c'anbajele.

San Lucas 12:33

Chonaic te bila ay awu'unique, soc q'uebanbeyaic te me'baetique. Leaic yawil ac'ulejalic te ma xbolobe. Q'uejaic ta ch'ulchan te ac'ulejalic te stalel ma xlaje, te bay ma x'och j'elec' soc te bay ma xlaj ta joch'e.

San Lucas 12:29

Jich yu'un te ja'exe ma me ja'uc ya xbajt' ta awo'tanic sleel te bit'il ya xwe'ex-x'uch'ajexe.

San Lucas 12:22

Soc jich la yalbey xan te jnopojeletic yu'un te Jesuse: —Ja' swentail te ya calbeyex: Ma me ja'uc ya xbajt' ta awo'tanic te bit'il ya xcuxinex ta balumilale, jich bit'il te ya xwe'exe soc te ya ata ac'u'-apaq'uique.

San Lucas 11:41

Te ja'exe q'uebanbeya me'baetic te bila q'uejbil awu'unique. Jich me pocbil ya xc'ot ta spisil.

San Lucas 10:25

Ay jtul maestro yu'un te mandalile, la stejc'an sba jajch'el sc'opon te Jesuse, yu'un la sc'an yilbey yo'tan. Jich la yal: —Maestro, ¿bila lec ya sc'an ya jpas te ya xcuxinucon sbajt'el q'uinal yu'une? —xi'.

San Lucas 3:11

La yal te Juane: —Te mach'a ay cha'lijc' sc'u' ya sc'an ya yac'bey lijc'uc te mach'a ma'yuc sc'u'e. Ja' nanix jich te mach'a ay swe'ele, ya sc'an ya yac'bey uuc te mach'a ma'yuc swe'ele —xi'.

Eclesiastés 11:2

Puca me te bay c'alal ya xju' awu'un te bitic ay awu'une; melel ma na'biluc awu'un te bi ma lecuc ya xtal ta stojol te lumq'uinale.

San Mateo 16:7

Te jnopojeletique jich caj yalbey sbaic yu'un: —Ja' yu'un te ma la jna'tic tel te waje —xiic.

San Lucas 12:16

Soc la yalbey yaiyic seña-c'op: —Ay jtul jc'ulej-winic te bayal sitin te sc'ale.

San Lucas 12:18

Nojp yu'un ts'iin: “Ta ora to ya jna'ix te bila ya jpase. Ya me jin spisil te snail cawal-jts'unube. Ya me jpas muc'. Tey me ya jq'uej spisil a soc spisil te bila ay cu'une.