San Lucas 11:50 - Bible in Tzeltal de Oxchuc y Tenejapa

⁵⁰ Te mach'atic cuxulic ta q'uinal ta ora to, ya me x'ac'bot stojic te la smalbeyic xch'ich'el spisil te j'alwanejetic te lajic ta milel ta xjajch'ibal to tel balumilal.

Nuevo Testamento Tzeltal de Amatenango

⁵⁰ Te machꞌatik kuxajtik ta balmilal te ora to, ya me skuchik smalbeyel xchꞌichꞌel spisil te jꞌalwanejetik te lajik ta milel ta slijkibal to tal te balmilale.

Bible in Tzeltal Bachajón

⁵⁰ Ha yu'un te jcaj ts'umbalil ini ya me x'a'bot scuch smalbeyel sch'ich'el spisil te jalwanejetic te lajic ta milel yalel c'alal shahchel to tal bahlumilal,

San Lucas 11:50 Referans Kwoze

2 Reyes 24:4

Soc ta scaj te la smalbey xch'ich'elic te mach'atic ma'yuc bi spasojic, te la snojes ta ch'ich' c'oem a te Jerusalén. Ja' yu'un ma ba la sc'anix la spasbey perdón te Cajwaltique.

Jeremías 51:56

Talic ta sjinel te Babilonia; la xchucbeyiquix te soldadoetic yu'une, soc la slajinbeyic te st'imique. Melel te Cajwaltic, ja' te Dios te ya yac'bey stoj juju-jtul te bit'il nix ya sc'an te yat'ele.

Jeremías 7:29

Jerusalén, joxa loq'uel te stsotsil ajole, ch'oja bael. C'ajintaya mel-o'tan c'ayoj ta ch'in witsetic ta jochol taquin q'uinal. Melel te Cajwaltic ilinem ta stojol te awinictaque, la spijt'esix soc la xch'ojix bael ta yo'tan.

Isaías 26:21

Melel te Cajwaltic ya xloc' tel ta bay palacio yu'un, ta swenta yac'beyel castigo yu'un smulic te mach'atic nainemic ta balumilale. Te lumq'uinal ma xju' ya smuc xan te ch'ich' malbile; ja'uc me to, ya me xchicnaj ta lec te mach'atic la yaiyic milawe.

Salmos 9:12

Dios ya sna' te mach'atic ya smel yo'tanique; ma ba ya xch'ay ta yo'tan yu'un te yajc'anique, soc ya yac'bey castigo te mach'atic ya x'uts'inwanique.

Números 35:33

“Ma me xaboltesbeyic sc'oplal ta swenta smalel ch'ich' te lumq'uinal ta bay ya x'ainexe, melel te ch'ich' ya sboltesbey sc'oplal te lumq'uinale. Ma xju' te ya yac' taq'uin swenta scoltayel ta libre te jtul jmilawale, jich yu'un puersa me ya yich' milel te mach'a la smal ch'ich' swenta yu'un ya xlecub sc'oplal te lumq'uinale.

Éxodo 20:5

Ma me xaquejan aba ta stojolic, ma me xach'uunic. Melel jo'on Ajwalilon te Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

Génesis 4:2

Patil tal yuts', Abel sbiil c'ot yu'un. Te Abel la yat'elin xch'ijtesel chij, yan te Caín la yat'elin sts'unel awalts'unub ta lumq'uinal stuquel.

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.