San Lucas 11:49 - Bible in Tzeltal de Oxchuc y Tenejapa

⁴⁹ “Jich yu'un te Dios te ay sp'ijil stuquele, jich la yal: “Ya jticunbeyex j'alwanejetic soc jpuc-c'opetic. Ay ya amilic soc ay ya anutsic”, te xie.

Nuevo Testamento Tzeltal de Amatenango

⁴⁹ “Jaꞌ yuꞌun te Dios, te ay spꞌijil yoꞌtan stukele, la yal: “Ya jtikombeyex jꞌalwanejetik sok jpuk-kꞌopetik. Ay ya amilik sok ay ya awilbajinik”, xchi me.

Bible in Tzeltal Bachajón

⁴⁹ Ha scuentahil te hich halbil ta scuenta sp'ijil yo'tan te Diose: Ya jticombe jalwanejetic soc jpuc-c'opetic; ay me ya smilic soc ay me ya yuts'inic, te xchihe.

San Lucas 11:49 Referans Kwoze

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

Colosenses 2:3

Stuquel ay ta swenta spisil p'ijil-o'tanil soc spisil te bila ya sc'an ya jna'tic stojol te q'uejbil yu'un ta spisile.

Efesios 4:11

Ja' nix Dios la yac'bey majt'aniletic ta stojol juju-jtul. Ay la yac'bey yich' yat'elic ta jpuc-c'op. Ay la yac'bey yich' yat'elic ta yalel sc'op Dios. Ay la yac'bey yich' yat'elic ta xcholel te lec yach'il c'ope. Ay la yac'bey yich' yat'elic ta pastoril. Soc ay la yac'bey yich' yat'elic ta p'ijubteswanej.

1 Corintios 1:24

Yan te mach'atic ic'bilic yu'un te Diose, chican teme judioetique o teme jyanlumetique, jich c'oem ta yo'tanic te bit'il ja' yu'el Dios soc ja' sp'ijil Dios te Cristoe.

Hechos 22:20

Soc te c'alal la smalbeyic xch'ich'el te Esteban te la yalbat ac'oplale, jo'on tey ayon uuc a. Jich co'tan uuc te bit'il la yich' milele, soc jo'on la jcanantaybey sc'u'ic te mach'atic la smilique”, xoon.

Hechos 8:3

Te Saulo ma ba laj yo'tan ta yuts'inel te jch'uunjeletique. Been ta nanatic. La stsac loq'uel tel te winiquetique soc te antsetique. La yac' ta chucjibal ta spisilic.

Hechos 7:57

Ja'uc me to, la smac xchiquinic soc tulan awunic yu'un. Spisilic la sjumtayic ta tsaquel ta ora te Estebane.

Hechos 1:8

Ja'uc me to, te ja'exe ya me awich' awu'elic te c'alal ya xjul ta awentaic te Ch'ul Espiritue. Jich me testigo ya xc'oex cu'un ta Jerusalén soc ta spamal sq'uinal Judea soc ta sq'uinal Samaria soc ta bayuc ta spamal te balumilale —xi'.

San Juan 16:2

Ya me stenex loq'uel ta sinagogaetic, soc ya me sta yorail te mach'auc ya smilexe, yu'un scuyojic te ja' yat'el Dios te ya spasique.

San Lucas 24:47

Soc ja' ta swenta te ya yich' alel ta bay chajbalchajp nacionetic te ya sujt'es yo'tanic yu'un te smulique, swenta yu'un jich me ya spasbotic perdón yu'un. Tey me neel ya xjajch' ta alel ta bay Jerusalén.

San Mateo 22:6

In te yantique la stsaquic te abatetic yu'un te muc' ajwalile. La yuts'inic soc la smilic.

Jeremías 7:25

Ja' to c'alal loq'uic tel ta Egipto te antiguo ame'-atatique, asta c'alal ora yo'tic, ay la jticunbeyex ta spisil te abatetic cu'une, ja' te j'alwanejetique.

San Lucas 11:48

Jich ya awaq'uic ta na'el te bit'il jich awo'tanic yu'un te bila la spasic te namey q'uinal ame'-atatique. Melel ja'ic la smilic. In te ja'exe, ja' ya apasbeyic snail te smuquenale.

Hechos 11:27

Ja' yorail te ay j'alwanejetic yu'un Dios te coic tel ta Jerusalén te c'otic ta Antioquía.

Apocalipsis 16:6

Yu'un la smalbeyiquix xch'ich'el te mach'atic ch'ul lum awu'une soc te j'alwanejetic awu'une. Jich la awac'beyix yuch'ic ch'ich'. Jich ya sc'an pasbeyel yu'un te bit'il jich la spasique”, xi'.

Apocalipsis 18:20

Bujts'najuc me awo'tanic, ja'ex te ayex ta ch'ulchane soc te jpuc-c'opexe soc te j'alwanejex yu'un te Diose soc ja'ex te ch'ultesbilexe. Yu'un Dios la yac'beyix stoj te bila amen la spasbeyexe.