San Lucas 11:46 - Bible in Tzeltal de Oxchuc y Tenejapa

⁴⁶ La yal te Jesuse: —Te ja'ex jts'ibojomex ¡ya me awil awocolic! Melel ya awaq'uic ta cuchel ijc'atsil te ma xju' ta cuchel yu'un te ants-winiquetique. Yan te ja'exe ni jch'ixuc sbic'tal ac'ab ya atsaquic te ijc'atsile.

Nuevo Testamento Tzeltal de Amatenango

⁴⁶ La yal te Jesuse: —Te jaꞌex maestroetik yuꞌun te mantaliletike, oꞌol me abaik euk, porke te ijkatsil ya awaꞌbey xkuch te genteetike maꞌyuk machꞌa xlijk yuꞌun. Yan te jaꞌexe ni jchꞌixuk yal akꞌabik ya akꞌan ya apikik chꞌinuk.

Bible in Tzeltal Bachajón

⁴⁶ La yal te Jesús: ¡Ay me awocolic ha'ex maestrohetic yu'un te Ley! como te ihcatsil yac awa'beyic scuch te ants-winiquetic, ma xhu' yu'unic scuchel, soc te ha'exe, ni jch'ixuc yal ac'ab yac acoltayic a.

San Lucas 11:46 Referans Kwoze

San Lucas 11:52

“Te ja'ex jts'ibojometique ¡ya me awil awocolic! Melel la apojbeyic syaweal te p'ijil-o'tanile. Ma ba ya x'ochex tey a te ja'exe, soc ma x'awaq'uic ochel te mach'atic yo'tan ya sc'an x'ochique —xi' te Jesuse.

Gálatas 6:13

Ja'uc me to, te mach'atic yich'ojic te circuncisione ma xju' ta pasel yu'unic spisil uuc te bi ya yal te mandalile. Ja' nax ya sc'an yo'tanic te yacuc awich'ic te circuncisione, swenta yu'un jich me toyol q'uinal ya yaiyic yu'un te ya sujex ta yich'el te circuncisione.

Isaías 10:1

¡Ya me awil awocolic! Yu'un ya achajbanic mandaliletic yu'un uts'inel, soc ya apuquic bael te bitic chajbanbil awu'unic te mero ma xcujch'e.

San Lucas 11:45

La sjac' tel jtul jts'ibojom: —Maestro, te bit'il jich la awale, jo'otic la aq'uexlaltesotic uuc —xi'.

Isaías 58:6

Ya calbeyex te ma me ja'uc. Te spasel ayuno te ya smulan co'tane, jich ya sc'an bit'il in to: ja' te ya atuch'bey scadenail te uts'inel, soc te ya acoltay te mach'a chucul ta yugo; ja' te ya awac' ta libre te mach'atic tenbilic ta uts'inele, soc teme ya alajinbey sc'oplal ta spisil te bila ay wocol yu'une;

San Mateo 22:35

Ay jtul jts'ibojom tey a, la sc'an te ya yilbey yo'tan uuc te Jesuse. Jich la sjojc'obey: