San Lucas 11:41 - Bible in Tzeltal de Oxchuc y Tenejapa

⁴¹ Te ja'exe q'uebanbeya me'baetic te bila q'uejbil awu'unique. Jich me pocbil ya xc'ot ta spisil.

Nuevo Testamento Tzeltal de Amatenango

⁴¹ Te jaꞌexe kꞌebanaik te tut kꞌejbil awuꞌunike, jich me lek sapbil spisil a te spate sok te yutile.

Bible in Tzeltal Bachajón

⁴¹ Q'uebembeya te pobrehetic te bin ay awu'un, hich pocbil ya xc'oht awu'unic spisil a.

San Lucas 11:41 Referans Kwoze

San Lucas 12:33

Chonaic te bila ay awu'unique, soc q'uebanbeyaic te me'baetique. Leaic yawil ac'ulejalic te ma xbolobe. Q'uejaic ta ch'ulchan te ac'ulejalic te stalel ma xlaje, te bay ma x'och j'elec' soc te bay ma xlaj ta joch'e.

Santiago 1:27

Te bit'il ay ta ch'uunel ta lec te Diose soc te ma capaluc ta mulil ya yil te Jtatic Diose, ja' in to: Ja' te ya xc'uxtay me'ba alaletic soc me'ba antsetic te c'alal ay swocolique, soc te ya scanantay sba yu'un te bila ma lecuc ta pasel ta balumilale.

Tito 1:15

Te mach'atic utstesbil yo'tanique, yu'un nanix lec sc'oplal yu'unic spisil te bitic aye. Yan te mach'atic ma lecuc te yo'tanique, ma'yuc xch'uunjel yo'tanic, xujt' ma'yuc bi lec sc'oplal yu'unic, melel xujt' ma'yuc swentail te bila snopoj ta yo'tanique.

Hebreos 13:16

Soc ma me xch'ay ta awo'tanic te bit'il ya sc'an ya awat'elinic spasel te bila leque soc te ya ac'uxtayic yantic a te bila ay awu'unique. Spisil in to ja' smajt'an cu'untic te bin nax yo'tan Dios yu'une.

Hechos 10:15

Soc c'oponot xan ta xchebal buelta te jich la yale: —Te bila lecubenix yu'un te Diose, ma me xawal te ma lecuc sc'oplale —xi'.

San Lucas 16:9

“Jo'on ya calbeyex: Leaic te mach'atic ya ac'uxtay aba soc a te ac'ulejal swenta in balumilal to, swenta yu'un jich me ya x'ic'otat ochel tey a ta bay ya x'ainat sbajt'el q'uinal te c'alal ya xlaj te ac'ulejale.

Daniel 4:27

Ja' yu'un, muc' ajwalil, ja' me xat'un jiche te tojtesel cu'un in to: Mero stojil me xapasix te awat'ele, ma me xaleix amul. Jc'axel x'alajinbey sc'oplal te bila amene, soc at'elina scoltayel te me'baetique. Teme repente jich spisil ora lamal q'uinal ta atojol, soc ya me x'esmaj xan bael biluc awu'un’, xi' ta jtojol te Beltsasar”, xi' sc'op te Nabucodonosore.

Proverbios 19:17

Te bila ya cac'beytic smajan te me'ba, ja' ya cac'beytic smajan te Cajwaltique; soc ja' nix ya stojbotic te Cajwaltic te betile.

Proverbios 14:31

Teme ya jtentic ta uts'inel te me'bae, ja' me ya cuts'intic a te Jpaswanej cu'untique; yan teme ya jna'beytic yo'bolil sba te me'bae, ja' me ya quich'tic ta muc' a te Jpaswaneje.

Hebreos 6:10

Melel te Diose, ma xch'ay ta yo'tan te awat'elique soc te xc'uxul awo'tan awac'ojic ta ilel ta stojol Cajwaltic te c'alal la acoltayic te mach'atic ch'ul lum yu'un te Diose, soc te ma ba acomoj abaic ta spasele.

2 Corintios 8:12

Melel te mach'a toyol yo'tan te ya yaq'ue, lec ya yil te Diose te jich yipal ya xju' yu'un ya yaq'ue. Ma ba c'ax jich ya xc'anbotic a te bila ma'yuc yu'unique.

San Lucas 19:8

Te Zaqueo tejc'aj jajch'el ta olilal. Jich la yalbey te Cajwaltique: —Cajwal, ya me jq'uebanbey oliluc jbiluc te me'baetique. Soc teme ay mach'a la jlo'laybey sbiluque, chaneb buelta ya quesmantesbey sujt'el te sjelole —xi'.

San Lucas 18:22

Te c'alal la yaiy stojol te Jesuse, la yalbey te winique: —Ay to jchajp xan te bila ya sc'an ya apase. Chona spisil bila ay awu'un, soc q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon ts'iin —xi'.

San Mateo 5:42

Teme ay mach'a ay bila ya sc'anbate, ac'beya, soc ma me xamac ta c'op te mach'a ay bila ya smajanbate.

Salmos 112:9

Ya smajt'antes te me'baetic; spisil ora ay te sc'uxul yo'tane. Jamal me sit-yelaw; ma me ayuc q'uexlal ta stojol.

Salmos 41:1

Bin nax me yutsil te mach'a ay ta yo'tan te me'baetic te ma'yuc yip te sbaq'uetalique; ya me xcoltayot yu'un Cajwaltic ta yorail woclajel.

Efesios 4:28

Te mach'a ya x'elc'aje, ma me xyaiyix te elec'. Ac'a at'ejuc soc sc'ab ta spasel te bila lec ta pasele, swenta yu'un jich me ay bi ya xju' yu'un ya yac'bey te mach'a ay bila ma'yuc yu'une.

Hechos 11:29

Jich te jnopojeletic te ayic ta Antioquía, la snopic te ya sticunbeyic scoltayel te quermanotactic te ayic ta sq'uinal Judea, chican te bit'il ya xju' yu'unic juju-jtul te ya yaq'uique.

San Mateo 26:11

Melel te me'baetique spisil ora ay ta awolilic stuquelic. Yan te jo'one ma spisiluc ora te ya joinexe.

Hechos 24:17

“Te bit'il c'axemix che'oxeb ja'wil cu'un ta beel ta yantic lumlumtique, jich sujt'on tel ta bay te jlumale. La quich' tel taq'uin swenta scoltayel te jlumale, soc ba cac'bey smajt'an Dios ta templo.

Proverbios 16:6

Ta swenta xc'uxul-o'tanil soc ta swenta smelelil te ay ta pasel perdón yu'un mulil; teme quich'ojtic ta muc' te Cajwaltique, ya jq'uej jbajtic loq'uel ta stojol te bila ma lecuque.

San Marcos 7:19

Melel ma ta awo'tanicuc ya x'och bael. Ta ach'ujt'ic nax ya x'och coel. Patil ya xba ach'ayic jilel ta letrina —xi' te Jesuse. Jich la yac' ta na'el stojol te lec sc'oplal yu'un Dios spisil ta jchajp te we'eliletique.