San Lucas 11:36 - Bible in Tzeltal de Oxchuc y Tenejapa

³⁶ Teme scojt'ol abaq'uetal te ayat ta saquil q'uinal soque, teme ma'yuc xujt'uc ijc' q'uinal tey a, jich me ya awil q'uinal ta lec a jich bit'il teme tilem ta atojol te c'ajq'ue —xi' te Jesuse.

Nuevo Testamento Tzeltal de Amatenango

³⁶ Teme skojtol atibalul te ayat ta sakil kꞌinal soke, teme maꞌyuk chꞌinuk ijkꞌal kꞌinal ae, jich me lek ya awil kꞌinal a, jich tutꞌil teme tilem ta atojol te lamparae —xchi te Jesuse.

Bible in Tzeltal Bachajón

³⁶ Ha yu'un teme spisil abaq'uetal nojel ta sacal q'uinal, teme mayuc banti ay yihc'al q'uinal, ha sacal q'uinal ya xc'oht ta spisil, hich te bin ut'il c'alal ya xtihl tsumbil c'ahc' ta atojol, xchi.

San Lucas 11:36 Referans Kwoze

Proverbios 20:27

Te xch'ulel te ants-winiquetic ac'bil yu'un te Diose, ja' luz c'oem yu'un te ya x'ac'bot snaulay ta sc'ubulil yo'tan.

Proverbios 6:23

Ta mero melel, te mandaliletic soc te jp'ijubteseltic ja'ic tsumbil lámpara c'oemic; te tojtesel soc te tac'uyel ja'ic te be yu'un te cuxlejale.

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

2 Pedro 3:18

Ja'uc me to, na'beyaic xan sba ta lec te Cajwaltic Jesucristoe te Jcoltaywanej cu'untique. Ac'a esmajuc xan ta awo'tanic te xc'uxul yo'tane. Jelawen yutsilal sc'oplal stuquel te Cajwaltique ta ora to soc ta sbajt'el q'uinal. Jichuc.

Colosenses 3:16

Ja'uc me nojel ta awo'tanic spisil ora te sc'op te Cristoe. Ayuc me sp'ijil awo'tanic te ya ap'ijubtes abaic soc te ya atac'uy abaique. C'ajintayaic soc awo'tanic ta yalel wocol Dios ta salmoetic, c'ayojetic yu'un te Diose, soc c'ayojetic ta swenta Espíritu.

Proverbios 1:5

Te mach'a ay sp'ijile, ya me xc'ot ta yo'tan. Jich me ya yich' xan sp'ijil yo'tan soc ay me bi ya sna' xan yu'un:

Santiago 1:25

Yan te mach'a ya yil ta lec te bila ya yal te mandalil, te ya x'ac'wan ta libree, ma me xch'ay ta yo'tan te bila yaiyoj stojole, ac'a me spas. Jich me ya yich' bendición teme ya yat'elin spasele.

Hebreos 5:14

Yan te tulan we'elile, ja' ya stuuntesic te mach'atic muc'ul ants-winique. Melel te mach'atic jich c'oemique, p'ijubeniquix ta sna'el te bila leque soc te bila ma lecuque.

Efesios 4:14

Ma me jichucotic xan te bit'il alaletic te jteb stael yo'tanic, soc te ora nax ya x'eanot bael yu'un yic'al te biluc yach'il nopjibal te ay ta alel ya yaiyique. Ma me jch'uuntic lo'layel yu'un te sp'ijil sc'op ants-winiquetic te ora ya xju' yu'unic lo'laywanej a te sp'ijilique.

San Mateo 13:52

La yal te Jesuse: —Ja' swentail te spisil jts'ibojom, te sna'ojbey swentail te bit'il ay ta ajwalinel te Dios te ay ta ch'ulchane, ja' pajal c'oem soc te bit'il jtul winic te swentainej te snae. Ya sna' stuuntesel te sc'ulejal ta bay yach'ile soc ta bay pocobenixe —xi'.

Oseas 6:3

Ya me jpastic tulan ta sna'beyel sba te Cajwaltique. Te Cajwaltic ya xtal ta jtojoltic, ta smelelil, jich bit'il ya xloc' tel te c'aale, ta smelelil, jich bit'il ja'al ya yajch'es te lumq'uinal ta yorail otoño soc ta primavera.

Isaías 42:16

Ya me quic' bael te ma'sitetic ta bebetic soc ta bay ch'in be te ma xyilique. Ya me jc'atp'un ta saquil q'uinal ta stojolic te ijc' q'uinale, soc ya me jc'atp'un ta spamlej ta bay chujc'ulique. Te bitic la cale ya me xc'ot ta pasel cu'un ta puersa.

Isaías 8:20

swenta yu'un ya x'ac'botic sna'ic te bila ya yal —xiic me. Jich nix ya yalbeyex a, pero te bila ya yalique puro jowil c'op.

San Mateo 5:15

Soc teme ya atsum c'ajc' awilique, ma ba ya amac ta cajon. Ya atujch'anic ta yawil, swenta yu'un ya xchicnaj q'uinal yilic spisil a te mach'atic ayic ta nae.

San Lucas 11:35

Tsajtaya me abaic ta lec teme ma ijc' q'uinaluc te ayex ta swentae, te acuyojic ta saquil q'uinale.

San Lucas 11:37

C'alal laj yo'tan ta c'op te Jesuse, ay jtul fariseo la yic' bael ta we'el ta sna. Jich och tey a te Jesuse, soc la snajc'an sba ta mesa.