San Lucas 11:31 - Bible in Tzeltal de Oxchuc y Tenejapa

³¹ Te c'alal ya sta yorail te ya x'ilbot bi yilel yat'elic te jayeb ants-winiquetic te cuxulic ta q'uinal ta ora to, tey me ay a te antsil-ajwalil te ay ta stojol sur. Ya me stejc'an sba ta yalbeyel smulic c'oem, te melel c'ubul tal yaiybey stojol sp'ijil sc'op te Salomone. Yan te mach'a li' ay to, ja' cajal yu'un te Salomone.

Nuevo Testamento Tzeltal de Amatenango

³¹ Te tut kꞌaalil te ya xꞌilbot tut yilel yaꞌtelik te genteetik te kuxulik te ora to, teꞌ me ay ekꞌa te ants te ay ta reyil ta nasion ta stojil sur. Jaꞌ me ya xꞌalbot smulik yuꞌun. Porke te antse lom jakal a tal ta yaꞌibeyel sluwar spꞌijil skꞌop te Salomone. Yan te ora to liꞌ ay te machꞌa mukꞌ yuꞌun te Salomone.

Bible in Tzeltal Bachajón

³¹ Te ajwalil-ants yu'un Sur ya me xhahch ta yorahil ich'el ta c'op soc ya me yalbe smul te jcaj ts'umbalil ini; como hahch tal ta sti'il bahlumilal ta ya'iybeyel sp'ijil-c'op Salomón, pero ay mach'a li' ay te c'ax hich sc'oblal a te bin ut'il Salomón.

San Lucas 11:31 Referans Kwoze

2 Crónicas 9:1

Te antsil-ajwalil ta Sabá la yaiybey stojol sc'oplal te Salomón te bit'il pujq'uem sc'oplale. Jich yu'un bajt' ta Jerusalén ta spasel prueba ta sjojc'oyel chujc'ul aiyejetic. Mero bayal yutsil c'oel soc te sjo'taque: ay camelloetic te scuchojic tel perfumeetic, bayal oro soc t'ujbil tonetic. C'alal c'ot ta stojol Salomón la sjojc'obey spisil bitic ay ta yo'tan.

Romanos 2:27

Te mach'a ma ba yich'oj ta sbaq'uetal te circuncisione, teme ju' yu'un spasel ta lec te bi ya yal te mandalile, ya me yac'at ta q'uexlal, ja'at te jch'ay-mandalate, yu'un te bit'il ma ba ju'em awu'un spasele manchuc teme awich'oj te mandalil te ts'ibubil ta june soc manchuc teme awich'oj circuncisione.

San Lucas 3:22

Jich coj tel ta stojol Jesús te Ch'ul Espiritue. Chican ta ilel, melel jich bit'il stsumut te jul ta stojole. Soc la yaiyic stojol te ay mach'a c'opoj tel ta ch'ulchan te jich la yale: “Ja'at Jnich'anat te bayal c'uxat ta co'tan. Bin nax co'tan awu'une”, te xie.

San Mateo 12:42

Soc tey me ay uuc a te antsil muc' ajwalil te ay smaquen-q'uinal ta stojol sur. Ja' me ya yalbey smulic uuc te mach'atic cuxulic ta q'uinal ta ora to, melel c'ubul tal ta yaiybel stojol sp'ijil sc'op te Salomone. Yan ta ora to, li' ay to te mach'a cajal yu'un te Salomone.

Jeremías 3:11

Te Cajwaltic jich la yalbon: —Te toyba Israel peq'uel jtebuc te smul yu'un a; ja' bayal smul te Judá te ma junuc yo'tan ta jtojole.

Hebreos 11:7

Ta swenta xch'uunjel yo'tan te Noé, ac'bot sna' yu'un te Dios te ya xc'ot ta pasel te bila ma to chicanuque. Jich jun yo'tan la xch'uun spasel barco te banti col soc sjunal sna. Jich yu'un ta swenta xch'uunjel yo'tan, la yac'bey ta ilel smulic te mach'atic ayic ta balumilale. Yan te Noé ta swenta nax xch'uunjel yo'tan te toj ilot yu'un te Diose.

San Lucas 9:35

Ay mach'a c'opoj tel ta yolil tocal: —Ja' in to, ja' te Jnich'an te tsabil cu'une. Aiybeya awaiyic stojol sc'op stuquel —xi'.

Isaías 54:17

ja'uc me to, ma'yuc mach'a spasoj te at'ejibaletic te ya xju' ya sjinate. Ya me awac' xmajc' jilel ye te mach'a ya sleat ta c'ope. Ja' ya cac'bey te ya yaiy tsalaw te mach'atic ya yac' sbaic ta abatinel cu'une —xi'. Jich la yal te Cajwaltique.