San Lucas 10:42 - Bible in Tzeltal de Oxchuc y Tenejapa

⁴² Jun nax te bila ya sc'ane. Yan te María, la stsa stuquel te bila leque. Ma'yuc mach'a ya xpojbot yu'un jtuluc —xi'.

Nuevo Testamento Tzeltal de Amatenango

⁴² Pero jun nax te tut puersa ya skꞌane. Te xMariae la stꞌujix te tut a te leke. Maꞌyuk machꞌa ya xjuꞌ ya xpojbot yuꞌun —xchi.

Bible in Tzeltal Bachajón

⁴² Pero junax te bin ya sc'an spasel, te María ha stsahoj te banti bayel sc'oblal, ma ba ya yich' pojbeyel, xchi.

San Lucas 10:42 Referans Kwoze

Salmos 27:4

Jun nax te bila jc'anojbey te Cajwaltique, jun nax te bila sc'anoj te co'tane: ja' te ya x'ainon ta templo yu'un te Cajwaltic te jayeb c'aal cuxulone, swenta yu'un ya me jquejan jba ta templo yu'un, soc ya me jmulanbey a te yutsilal te c'alal ya quile.

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

San Juan 5:24

“Jamal ya calbeyex, ja' te mach'a ya yaiybon stojol te jc'ope, soc teme ya xch'uun te mach'a la sticunon tele, ya me xcuxin sbajt'el q'uinal. Ma ba ya x'ac'ot ta castigo, jich ma'yuquix ta swenta lajel, ayix ta swenta cuxinel.

Salmos 73:25

¿Mach'a ay cu'un ta ch'ulchan? Ja'at nax atuquel. Te c'alal ja'at joinejatix ae, ma'yuc bi ya jc'anix ta balumilal.

San Lucas 18:22

Te c'alal la yaiy stojol te Jesuse, la yalbey te winique: —Ay to jchajp xan te bila ya sc'an ya apase. Chona spisil bila ay awu'un, soc q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon ts'iin —xi'.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

Salmos 17:15

Yan te jo'one jamal ya cal ta melel: tic' a te bit'il ya quilbey jba jsitic, te ya quilat te c'alal ya xwijc' te jsite.

San Marcos 8:36

Melel ¿bila ya xloc' yu'un a te winic teme ya yu'unin spisil te balumilal teme ch'ayel ya xbajt' soc te xch'ulele?

Salmos 142:5

Cajwal, ja'at me ya cawtayat, jich ya calbat: “Ja'at me anjibalat cu'un; ja'at xanix atuquel te cuxulon awu'un ta ora to”, xoon me ta atojol.

Deuteronomio 30:19

Ja' c'aal in to ya cac' ta testigo ta atojolic te ch'ulchan soc te balumilale, te bit'il la cac'beyex atsaic ta swenta te cuxlejale soc te lajele, te bitic swenta bendición soc te bitic swenta castigo. Tsaaic me jiche te cuxlejale, swenta yu'un ya me xcuxinex a, soc ya xcuxin te patil alnich'anetic awu'unique.

Salmos 119:30

Ja' jtsaojix te bila smelelil awu'un, ya smulan co'tan te bitic chapal awu'une.

San Lucas 8:18

“Jich yu'un, tey me xawac' awo'tanic a te bila awaiyojic stojole. Melel te mach'a ay bila yich'oje, ya me x'ac'bot xan sjoy. Yan te mach'a ma'yuc bila ay yu'une, ya xpojbot te bila yich'oj jtebuque —xi' te Jesuse.

San Lucas 12:20

Jich albot yu'un te Diose: “Winic, ma x'ana' q'uinal. Ja' in ajc'ubal to ya me jc'anbat ach'ulel. Spisil te bila q'uejbil awu'une, ¿mach'a me ya yich'bat jilel?”, xi' te Diose.

Salmos 119:111

Te bila ac'boton cu'unin sbajt'el q'uinal, ja' te mandaliletic awu'un; bin nax co'tan yu'un.

1 Corintios 13:3

Soc manchuc teme ya jq'uebanbey spisil jbiluc te me'baetique, soc teme jun co'tan ya cac' jba ta c'ajq'uel soc te jbaq'uetale, ja'uc me to, teme ma'yuc xc'uxul te co'tane, ma'yuc bi ya xloc' cu'un xujt'uc a.

San Lucas 12:33

Chonaic te bila ay awu'unique, soc q'uebanbeyaic te me'baetique. Leaic yawil ac'ulejalic te ma xbolobe. Q'uejaic ta ch'ulchan te ac'ulejalic te stalel ma xlaje, te bay ma x'och j'elec' soc te bay ma xlaj ta joch'e.

Eclesiastés 12:13

Lajix ta alel te c'opetique, spisil la yich'ix alel. Ich'a ta muc' te Diose, ch'uunbeya te mandaliletic yu'une, melel ja' nax ta spisil te ay ta swenta spasel te ants-winiquetique.

San Lucas 16:25

“Te Abrahame la yal: “Jnich'an, na'a te lec nax c'axat ta q'uinale. Yan te Lázaro, ay bayal swocol c'ax ta q'uinal stuquel. Ta ora to, ma'yuquix swocol li'to. Yan te ja'ate, ayatix ta tulan castigo atuquel.

Josué 24:22

Jich yu'un te Josué la yal: —Ja'ex me testigoex te ja' la atsaic, te ja' nix ya awac' abaic ta abatinel yu'un te Cajwaltique —xi'. —Jo'otic me abi —xiic te lume.

Josué 24:15

Teme ma x'ac'an ya awac' abaic ta abatinel ta stojol te Cajwaltic, nopa awaiyic mach'a ya awac' abaic ta abatinel ta stojol: teme ja' te diosetic la yac' sbaic ta abatinel yu'un te antiguo ame'-atatic ta ti'ti'ja' Éufrates, o teme ja' te diosetic yu'unic te amorreoetic te nainemic ta q'uinal to. Te jo'on soc te mach'atic ay cu'un ta jna, ya cac' jbajtic ta abatinel ta stojol te Cajwaltique —xi'.

Salmos 119:173

Chapaluc me ac'ab te ya awac'bon coltayel, melel ja' jmulanej te mandaliletic awu'une.

Gálatas 5:6

Melel ta swenta te Cristo Jesuse, jich ma'yuc sc'oplal teme quich'ojtic circuncisión o teme ma ba quich'ojtique. Te bila ay sc'oplale, ja' te ay xch'uunjel co'tantique. In te xch'uunjel co'tantique, ya yac' cuxinucotic soc xc'uxul co'tantic.

San Lucas 16:2

Jich te jc'ulej-winique la sticun ta iq'uel te mayordomoe. Jich la yalbey: “¿Melel bal te ac'oplal yacon ta yaiyel stojole? Tsobonix jilel spisil te awat'el ta mayordomoil, yu'un ma xju'ix te ya awentainbon xan te jbiluque”, la yut.

San Lucas 10:39

Te Martae ay yijts'in María sbiil te tal snajc'an sba ta bay nopol yacan te Jesuse, yu'un ya yaiybey stojol te sc'ope.

San Lucas 11:1

Ay jun buelta te c'alal laj yo'tan ta sc'oponel Dios te Jesuse, ay jtul jnopojel te jich la yal: —Cajwal, p'ijubtesawotic ta sc'oponel Dios uuc jich bit'il te Juan la sp'ijubtes te jnopojeletic yu'une —xi'.

San Juan 6:27

Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

San Juan 11:1

Ay jtul winic te ay ta chamel te Lázaro sbiil te ay ta Betania. Ja' slumal te María soc uuc te xwixe ja' te Martae.

San Juan 11:19

Talemic tsobol te judioetic ta smuc'tesbel q'uinal yaiyic te Martae soc te Mariae te bit'il lajemix te Lázaroe.

San Juan 12:3

Te María la yich' tel jteb ma oliluc litro perfume te nardo sbiil te toyem stojole. Tal smalbey ta yacan te Jesuse soc la staquintesbey ta stsotsil sjol. Been yic' ta swolol na te perfume.