San Lucas 10:37 - Bible in Tzeltal de Oxchuc y Tenejapa

³⁷ Te maestro yu'un te mandalile jich la yal: —Ja' te mach'a la xc'uxtaye —xi'. Te Jesús la yalbey te maestroe: —Jich me xba apas uuc te ja'ate —xi'.

Nuevo Testamento Tzeltal de Amatenango

³⁷ Te maestro yuꞌun te mantaliletike la sjakꞌ: —Jaꞌ te machꞌa la skꞌuxutaye —xchi. Te Jesuse la yalbe te maestroe: —Baan, jich me xba apas euk te jaꞌate —xyut.

Bible in Tzeltal Bachajón

³⁷ Ha te mach'a c'uxultayot yu'un, xchi te winique. Hich halbot yu'un te Jesús: Bahan, hich me xapas te ha'ate, xchi.

San Lucas 10:37 Referans Kwoze

Miqueas 6:8

Te Cajwaltic la yalbatix, ja'at ants-winic, te bila lec ya sc'an pasel soc te bila a te ya smaliybat te ja'ate: Ja' te ya apas te bila toj ta pasele, te junajem awo'tan ta stojol; soc te peq'uel awac'oj aba ta xch'uunel sc'op spisil ora te Dios awu'une.

1 Pedro 2:21

Ja' la yiq'uex Dios yu'un te jun awo'tan ya ats'ic awocolique. Melel te c'alal c'ax swocol ta jwentatic te Cristoe, tey la yac'botic quiltic te bit'il ya sc'an te ya xc'ax jwocoltic uuc te jo'otique.

2 Corintios 8:9

Melel ana'ojiquix te bit'il ay yutsil yo'tan te Cajwaltic Jesucristoe. Manchuc teme ay sc'ulejale, ta swenta xc'uxul yo'tan awu'unic te la sc'atp'un sba ta me'ba, swenta yu'un jich me ya yac'beyex ac'ulejalic ta swenta bit'il la yac' sba ta me'ba stuquel.

San Mateo 23:23

¡Ya me awil awocolic jts'ibojometic, fariseoetic te cha'lam awo'tanique! Melel ja' nax ya awac'beyic smajt'anin Dios jun ta slajunebal te yerbabuena, soc te eneldo soc te comino. Yan te bila muc' sc'oplal ta pasel te ya yal te mandalile, ja' ma'yuc sc'oplal ta awo'tanic stuquel, jich bit'il in to: ja' te bila toj ta pasele, te c'uxul-o'tanile, soc te xch'uunjel-o'tanile. Ja' ya sc'an pasel awu'unic, soc uuc te yan te yacalex ta pasele.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

Oseas 6:6

Te bila ya jc'anbeyex te ja'exe, ja' te c'uxucon ta awo'tanique, te ma ja'uc ya apasbonic te milbil majt'anile. Ja' ya jc'an te ya ana'bonic jba jo'on te Diosone, ma ja'uc te ya awac'bonic chic'bil majt'anile.

Proverbios 14:21

Te mach'a ya yilay spat-xujc', ya sta smul ta stojol; ja'uc me to, bin nax yutsil te mach'a ya sna'bey yo'bolil sba te me'bae.

Apocalipsis 1:5

soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,

San Mateo 20:28

Jich bit'il te Nich'anile ma ja'uc talem yu'un te ay mach'a ya yabatine. Ja' talem yu'un te ya yac' sba ta abatinel, soc te ya yac' sba ta lajel swenta stojol scolel tsobol ta jtul —xi' te Jesuse.

San Lucas 10:36

¿Mach'a me awaiy a ta yoxebalic te mero spat-xujc' c'ot soc te winic te tsacot yu'un te j'eleq'uetique? —xi' te Jesuse.

San Lucas 10:38

Te bit'il yac ta beel te Jesuse, c'ot ta bay ch'in lum. Ay jtul ants tey a te Marta sbiil te la yic' ochel ta snae.