San Lucas 10:35 - Bible in Tzeltal de Oxchuc y Tenejapa

³⁵ Ta yan c'aal te c'alal bajt' te Samaria-winique, la sloq'ues jilel cheb denario-taq'uin te la yac'bey jilel te yajwal nae. Soc jich la yalbey xan: “Canantaybon in winic to. Teme ay to xan taq'uin ya xlaj awu'une, ya me jsujt'esbat te c'alal ya sujt'on tele”, xi'.

Nuevo Testamento Tzeltal de Amatenango

³⁵ Ta yan kꞌaal te samaria-winike la slokꞌes jilel cheb denario takꞌin, la yaꞌbe jilel te yajwal nae, y la yalbe: “Kanantaybon jilel te winik to. Teme ay to xan takꞌin ya xlaj awuꞌune, ya me jsujtesbeyat te kꞌalal ya sujton tale”, xchi.

Bible in Tzeltal Bachajón

³⁵ Ta schebal c'ahc'al la sloq'ues cheb denario, la ya'be te yajwal wayinajibal na, hich la yal: Canantaybon, soc teme c'ax hich ya xlaj awu'un a ya jsutbat c'alal ya suhton tal, xchi.

San Lucas 10:35 Referans Kwoze

Proverbios 19:17

Te bila ya cac'beytic smajan te me'ba, ja' ya cac'beytic smajan te Cajwaltique; soc ja' nix ya stojbotic te Cajwaltic te betile.

San Lucas 14:13

Jich yu'un te c'alal ya apas q'uine, ja' me x'awic' tel ta we'el te mach'a ma'yuc bi ay yu'unique, soc jc'ojc'ol-c'abetic, soc coxoetic, soc ma'sitetic.

Romanos 16:23

Ya me spatbeyex awo'tanic uuc te Gayo te jmajanejbey sna ta bay ya stsobilay sbaic ta spisilic te jch'uunjeletique. Soc ya spatbeyex awo'tanic te Erasto te tesorero yu'un te lume, soc uuc te quermanotic Cuarto.

San Mateo 20:2

La xchap soc te j'at'eletic yu'une te ya stoj jun denario-taq'uin te jun c'aale. Jich la sticun bael ta at'el ta bay te ts'usubiltic yu'une.

San Mateo 18:28

“Ja'uc me to, te abate loq'uel to bael a te la sta sba soc jtul sjoy ta abatil te ay sbet jo'winic denario yu'une. La stsac soc la spich'bey snuc': “Tojbon te abete”, la yut.

San Lucas 10:34

Noptsaj tel ta stojol. La xpoxtaybey yejch'en ta aceite soc ta vino soc la spotsbey. Soc la smojt'es ta sburro. Jich la yic' bael ta bay wayibal-na. Tey la scanantay a.

San Lucas 10:36

¿Mach'a me awaiy a ta yoxebalic te mero spat-xujc' c'ot soc te winic te tsacot yu'un te j'eleq'uetique? —xi' te Jesuse.