San Lucas 10:24 - Bible in Tzeltal de Oxchuc y Tenejapa

²⁴ Melel xcalbeyex, ay tsobol j'alwanejetic yu'un te Diose soc tsobol muc' ajwaliletic te yo'tanuc lajuc yilic te bila yacalex ta yilel te ja'exe, ja'uc me to, ma la yilic. Yo'tanuc lajuc yaiyic stojol te bila yacalex ta yaiyel stojol te ja'exe, ja'uc me to, ma la yaiyic stojol stuquelic —xi' te Jesuse.

Nuevo Testamento Tzeltal de Amatenango

²⁴ Jich ya kalbeyex: Ay bayal jꞌalwanejetik yuꞌun Dios sok bayal reyetik te yoꞌtanuk lauk yilik te tut yipalex ta yilel te jaꞌexe, pero ma yilik. Yoꞌtanuk lauk yaꞌiyik sluwar te tut yipalex ta yaꞌiyel sluwar te jaꞌexe, pero ma yaꞌiybeyik sluwar stukelik —xchi te Jesuse.

Bible in Tzeltal Bachajón

²⁴ Ya calbeyex te ay bayel jalwanejetic soc ajwaliletic te yo'tanuc la yilic te bintic yaquix awilbelic te ha'exe, pero ma ba la yilic, soc yo'tanuc la ya'iyic te bintic yaquix awa'iybelic te ha'exe, pero ma ba la ya'iyic, xchi.

San Lucas 10:24 Referans Kwoze

Hebreos 11:13

Spisilic in to, te c'alal lajic baele, ma to ac'bot yu'uninic te bila la yal te Diose. Ja'uc me to, ta swenta xch'uunjel yo'tanic c'ubul to yacalic ta yilel, la xch'uun yo'tanic, soc bayal sbujts' yo'tanic yacalic ta sna'el. Jich la yalic ta jamal te c'axel c'axel nax ayic soc beom nax ayic ta smajanel te q'uinale.

San Juan 8:56

Te namey q'uinal jtatic Abrahame bin nax sbujts' yo'tan yu'un te la sta yorail te talon ta balumilale. La yil te bit'il talone, jich bayal bujts'naj yo'tan yu'un —xi'.

Hebreos 11:39

Ta spisilic in to lec c'otic ta loq'uel stuquelic ta swenta bit'il ay xch'uunjel yo'tanic. Ja'uc me to, ma to bay c'ot ta swentaic te bila yaloj Dios te ya x'ac'bot yu'uninique,

San Mateo 13:16

“Yan te ja'exe, bin nax me awutsilic, te melel ya awilic ta asitic, soc ya awaiyic stojol ta achiquinic.

San Lucas 10:23

Jich la sujt'es sba ta yilel te jnopojeletic yu'une, soc la yalbey yaiyic ta stuquelic nax: —Bin nax me yutsilic te mach'atic ya yilic ta sitic te bila yacalex ta yilele.

San Lucas 10:25

Ay jtul maestro yu'un te mandalile, la stejc'an sba jajch'el sc'opon te Jesuse, yu'un la sc'an yilbey yo'tan. Jich la yal: —Maestro, ¿bila lec ya sc'an ya jpas te ya xcuxinucon sbajt'el q'uinal yu'une? —xi'.