San Lucas 10:21 - Bible in Tzeltal de Oxchuc y Tenejapa

²¹ Jich ora te ay bayal sbujts' yo'tan Jesús ta swenta te Ch'ul Espiritue. Jich la yal: —Jtat, te yajwalat ch'ulchan balumilale, jelawen yutsil awo'tan te ja' la awac'bey sna'ic stojol spisil in to te mach'atic peq'uel ayique te ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinale. Jich, Jtat, melel jich la sc'an awo'tan atuquel —xi'.

Nuevo Testamento Tzeltal de Amatenango

²¹ Mismo tiempo a te Jesuse ben kontento kꞌajta yuꞌun te Chꞌul Espiritue. Jich a yal: —Kola awal Jtat, te yajwalat chꞌulchan sok te balmilale, ben bayal te slekil awoꞌtane. Porke jaꞌ la awakꞌtalanbe snaꞌ sluwaril spisil te machꞌatik chꞌin yakꞌoj sbaike. Ma jaꞌuk la awaꞌbe snaꞌ te machꞌatik pꞌijike, sok te machꞌatik ben pꞌij skuyoj sbaike. Jich Jtat, yuꞌun jich a skꞌan awoꞌtan atukel —xchi.

Bible in Tzeltal Bachajón

²¹ Ta hich ora bayel yutsil yo'tan Jesús ta scuenta te Espíritu, hich la yal: Ya calbat awutsilal, Jtat, te Yajwalat ch'ulchan bahlumilal, como te bintic ay ini anac'oj ta stojol te mach'atic ay sp'ijilic soc te mach'atic ay bin ya sna'ic, ha la awa'be sna'ic te alaletique. Hich, Jtat, como hich la sc'an awo'tan.

San Lucas 10:21 Referans Kwoze

2 Corintios 4:3

Te mach'a ya yal te ma jamaluc te lec yach'il c'op ya caltique, ja' nax te mach'atic ya xbajt'ic ta ch'ayele.

Efesios 1:11

Ta swenta bit'il jun c'oemotic soc Cristo, namey tsabilotic yu'un Dios te ya yac'botic quich'tic soc Cristo te sc'ulejale. Jich la xchap ta xjajch'ibal te Diose, soc ya yac' c'otuc ta pasel te sc'anjel yo'tan stuquele.

Efesios 1:5

Ta swenta xc'uxul yo'tan, te xjajch'ibal to chapal yu'un Dios te ya yic' yal-snich'aninotic ta swenta te Jesucristoe. Bayal sbujts' yo'tan te la yic'otic ta swenta te sc'anjel yo'tane.

San Marcos 10:15

Jamal ya calbeyex, te mach'a ma xch'uun yajwalinel te Diose, jich bit'il te alale, ma xju' ya yajwalin te Diose —xi' te Jesuse.

San Mateo 21:16

Jich la yalbeyic te Jesuse: —¿Ya bal awaiy stojol te bila yacalic ta yalel in alaletic to? —xiic. Te Jesús la yalbey: —Yac. ¿Yu'un bal ma'yuc awilojic ta Sjun Dios te ja'exe? te bit'il jich ts'ibubile: “Ta swenta ye alaletic soc ta swenta sti' chu'ul-alaletic te bit'il jelawen yutsil ya yich' c'ajintayel te abiile”, te xie —xi' te Jesuse.

San Mateo 16:17

La yal te Jesuse: —Bin nax me awutsil te ja'ate, Simón te snich'anat Jonase, te melel ma ants-winicuc te la yac'bat ana' yalel in to. Ja' la yac'bat ana' stojol te Jtat te ay ta ch'ulchane.

Salmos 8:2

Ta swenta yutsil ac'oplal ay ta alel yu'un alaletic, ja' te mach'atic ya to xchu'unique, la apas anjibal ta scaj acontrotac, swenta yu'un ya xjin ta jyalel te jtoybaetic soc te jcontroinwanejetique.

San Lucas 15:9

Te c'alal la staix ta leele, ya stsob tel te sjo'tac ta antsile soc te spat-xujq'ue. Jich ya yalbey yaiyic: “Binuc nax me awo'tanic cu'un, melel la jtaix te jun dracma-taq'uin te ch'ayem cu'une”, xi' me ta stojolic.

San Lucas 15:5

Te c'alal ya stae, bin nax yo'tan ya scajan tel ta snuc'.

Sofonías 3:17

Te Cajwaltic te Dios awu'une, ay me ta awolilic; ay yu'el stuquel soc ya scoltayat. Te Cajwaltic bin nax me yo'tan awu'un. Ta swenta xc'uxul yo'tan ya yac'bat yach'il acuxlejal; ya me xbujts'naj awo'tan ta c'ayoj

Isaías 66:1

Te Cajwaltic ya yal: —Ja' jnactijib te ch'ulchane, te balumilal, ja' scajtijib cacan. ¿Banti ya xju' ya apasbon jna? ¿Banti ya xju' ya apasbon jun awilal yu'un ya jcux co'tan a?

Isaías 53:11

Te c'alal c'axix yu'un a te bayal swocole, ya me yil te saquil q'uinale, soc bin nax me yo'tan yu'un. Te tojil abat yu'un Cajwaltic, bayal mach'atic ya yac' ta libre, melel ja' ya scuchbey smulic stuquel.

Isaías 29:14

Ja' yu'un ay me señailetic soc jchajp at'eliletic, ya me cac' xch'ay jilel q'uinal yaiyic yu'un te lume. Te sp'ijil sc'op te mach'a p'ijique ya me xch'ay ta jc'axel; te sp'ijil sjol te mach'atic ay sp'ijil yo'tanique ya me xch'ay —xi'.

San Juan 11:41

Jich la sloq'uesic te tone. Te Jesús la stoy moel sit ta ch'ulchan. Jich la yal: —Jtat, wocol awal te la awaiybonix stojol te jc'ope.

Isaías 62:5

Melel jich bit'il jtul querem te ya xnujbin soc te ach'ixe, ja' ni me jich te Diose, ya me yic' yinaminat c'oem. Ya me xcha'yutstesat ta pasel; jich me bin nax awo'tan soc, jich bit'il bin nax yo'tan soc yinam te winique.

Isaías 35:8

Soc ay me pamanbil be tey a, “Ch'ul be”, xi' me te sbiile. Te mach'atic ma ba pocbil yo'tanique, ma xju' ya xc'axic tey a; te mach'atic bol yo'tanique, ma xbeenic tey a.

Salmos 25:14

Te Cajwaltic ja' me sjoy te mach'a ya yich' ta muq'ue, soc ya me yac'bey sna' stojol te trato yu'une.

Salmos 24:1

Te Cajwaltic ja' yu'un ta spamal te balumilale, ta spisil te bitic ay soc ta spisil te bitic cuxajtique.

San Mateo 3:7

Te Juane la yil te tsobol fariseoetic soc saduceoetic te talemic yu'un te ya yac' sbaic ta ich'ja'e. Jich la yalbey yaiyic: —Te ja'exe, ja' sts'umbalex c'oem te jti'awal chanetique. ¿Mach'a la yalbeyex awaiyic te ya xju' ya acoltay abaic loq'uel ta swenta te tulan castigo te nopol ayixe?