San Lucas 10:19 - Bible in Tzeltal de Oxchuc y Tenejapa

¹⁹ Jo'on la cac'beyex tulan awat'elic ta xpech'el ta teq'uel te chanetique soc te tsequetique, soc cac'ojbeyex te ya xju' awu'unic stsalel spisil yu'el te cajcontrotique. Jich ma'yuc bila ya yuts'inex xan xujt'uc.

Nuevo Testamento Tzeltal de Amatenango

¹⁹ Joꞌon kakꞌojbeyex apoderik te ya xjuꞌ xbeenex ta sba te chanetike sok te tseketike, sok yuꞌun ya xjuꞌ awuꞌunik stsalel spisil yip te akontraike. Jich maꞌyuk tut ya xjuꞌ yuꞌun spasbeyex.

Bible in Tzeltal Bachajón

¹⁹ Ho'on ya ca'beyex yac ats'o'ticlanic ta teq'uel jti'awal chanetic soc tsequetic soc stsalel spisil yip acontratac, mayuc bin ya yuts'inex.

San Lucas 10:19 Referans Kwoze

Salmos 91:13

Ya me xju' ya xbeenat c'axel ta bay león-chojetic, soc te chambalametic ay ta xi'el, soc te jti'awal chanetique.

San Marcos 16:18

soc ya me stsac ta sc'abic jti'awal chanetic, soc ya me yuch'ic te bila miljibale, ja'uc me to, ma ba ya xlajic yu'un, soc ya me scajanbey sc'abic ta sjol te jchameletic, jich me ya xcolic —xi' te Jesuse.

Romanos 16:20

Te Dios yu'un lamal q'uinal, nopolix te ya yac'beyex apech'ic ta teq'uel te Satanase. Te yutsil yo'tan cu'untic te Cajwaltic Jesucristoe, ac'a me sjoinex ta apisilic.

Hechos 28:5

Ja'uc me to, te Pablo la slilan ochel ta c'ajc' te jti'awal chane. Xujt' ma'yuc bila pasbot yu'un.

Apocalipsis 11:5

Teme ay mach'atic ya sc'an ya x'uts'inotic yu'un te cheb testigoetique, ya xloc' c'ajc' ta yeic te jc'axel ya xlaj ta ora yu'un te yajcontroique. Jich yu'un puersa me ya xlaj teme ay mach'a ya sc'an ya yuts'ine.

Ezequiel 2:6

Ja'at winic, ma me xtal xiwel ta awo'tan ta stojolic, soc ma me x'axi' te bila ya yalic ta atojole, manchuc me jich ta awo'tan te bit'il sjoyintayejat bayal ch'ixe, manchuc me ayat ta yolil tsequetic ya awaiy. Ma me xiwat yu'un teme ay bila ya yalbate, soc ma me xnijc' awo'tan yu'un teme ya xyanaj sitique, manchuc me mero tulan ya yac' sbaic ta jtojol.

Isaías 11:8

Te ch'in querem ya me xju' ya xtajin ta bay te jti'awal cobra-chane, ya me xju' ya yac' ochel sc'ab ta bay xch'en.

2 Crónicas 10:11

Teme al la yac'beyex awijc'atsic, c'axem to xan al ya cac'beyex a te jo'one. Teme nujc'ul la smajex a, te jo'one chicote ya jmajex jtuquel a te yich'oj taq'uin ta sni'ile”, uta me —xiic.

San Lucas 11:12

¿Soc teme tomut ya sc'anbate, tsec bal ya awac'bey sti'?