San Lucas 10:15 - Bible in Tzeltal de Oxchuc y Tenejapa

¹⁵ Jichat uuc lum Capernaúm te atoyoj abaic c'alal ta ch'ulchan, ja'uc me to, ya me xch'ojotat coel c'alal ta infierno.

Nuevo Testamento Tzeltal de Amatenango

¹⁵ Jichex euk jtejklum Capernaum, akuyojik te aꞌbilex ta jkuenta ya xkꞌoex ta chꞌulchan. Mauk, sino ke ya me awichꞌik chꞌojel ochel kꞌalal ta yutil chꞌen.

Bible in Tzeltal Bachajón

¹⁵ Soc ha'at, Capernaum, te awich'oj tohytesel c'alal ta ch'ulchan, ya me awich' ch'ojel bahel c'alal ta stsobojibal mach'atic chamenic.

San Lucas 10:15 Referans Kwoze

San Mateo 4:13

Ja'uc me to, ma ba jalaj ta bay lum Nazaret. Jich ba ainuc ta lum Capernaúm te ay ta ti'mare, ja' te sq'uinal te sts'umbal Zabulón soc te sts'umbal Neftalí.

2 Pedro 2:4

Melel te Diose ma la spasbey perdón te ch'ul abatetic te la sta smulic ta stojole. La xch'oj coel ta bay infierno. Tey la yac' ta chuquel ta cadena ta bay te ijc' q'uinale, q'uejbilic tey a, ja' to teme la sta sc'aalelal te ich'el ta c'ope.

San Lucas 13:28

Tey me ya awoq'uetay abaic a soc ya me ajets'ulay aweic yu'un te bit'il ya awilic te Abrahame, te Isaaque, te Jacobe, soc spisil te namey q'uinal j'alwanejetic te ochemic ta banti ay ta ajwalinel te Diose. Yan te ja'exe, ayex ta fuera atuquelic.

San Mateo 11:23

Jichat uuc lum Capernaúm te atoyoj abaic c'alal ta ch'ulchan, ja'uc me to, c'alal ta infierno ya xch'ojotat coel. Melel te jichuc la yich' pasel jchajp at'eliletic ta banti lum Sodoma jich bit'il te la yich' pasel ta awolilique, chican to ta q'uinal ta ora to te jichuque.

San Mateo 10:28

Ma me x'axi'ic te mach'atic ya smilbeyex abaq'uetalique, ja'uc me to, ma xju' yu'un ya smilbeyex stuquel te ach'ulelique. Ja' me x'axi'ic te Mach'a ya xju' yu'un ya yaq'uex ta lajel soc abaq'uetalic soc ach'ulelic ta bay infierno.

Abdías 1:4

Manchuc me ya xwilat moel jichuc águila, soc teme ya apas apechech ta bay eq'uetic, tey me ya jch'ojat coel tel a —xi'. Te Cajwaltic tulan ya yal:

Ezequiel 32:27

Ma ja'uc sjoinejic ta smuquenal te mach'atic ju' yu'unic tsalaw ta nameye, ja' te coic bael ta swenta yawil lajel soc yat'ejibic ta guerra. Ay ta ye'tal sjolic te spuñalique, soc te smajq'uilique ay ta sbaic. Ja' te c'alal laj yo'tanic ta yaq'uel tulan xiwel ta stojol te mach'a cuxulique.

Ezequiel 32:20

“Ja' me ya xyalic soc te mach'atic ya xlajic ta guerra. Chapalix te puñale. Ja' me ya sjoinic bael te bayalic ta jtule.

Ezequiel 32:18

—Ja'at winic, joina ta sc'ajintayel antsetic ta yantic nacionetic te c'ayoj swenta lajel in to, te ya yich' c'ajintayel ta stojolic te bayal ants-winiquetic ta Egipto soc ta stojolic te jwentainwanejetic yu'unique: “Te mach'atic bayal yipic, ya xyalic coel ta ye'tal balumilal, ja' ya sjoinic te mach'atic coemiquix bael ta muquenale.

Ezequiel 31:18

Ma'yuc junuc te'etic ta Edén pajal soc ta swenta smuc'ul soc ta swenta stoyolil. Pero pajal me ya xco bael soc yantic te'etic yu'un Edén tey ta lum ta ye'tal balumilale, swenta yu'un ya me sjoin ta nainel c'oem yantic mach'atic ma ba xch'uunejic Dios, soc nix te mach'atic lajic ta guerra. Te muc'ul te'e, ja'at me faraón soc ta spisil te alumale. Jo'on Ajwalilon te jich caloje”, uta me —xi' te Cajwaltique.

Ezequiel 26:20

tey me c'alal ya xmulat bael ta bay c'alal ayic te mach'atic lajemique, ja'ic te mach'atic cuxinic ta nameye. Ya me jch'ojat bael ta mero sc'ubulil te lumq'uinale, tey ta lumq'uinal te banti sbajt'el q'uinal jineme. Ya me xba ainan ta banti ayic te mach'atic lajemiquixe. Ma'yuquix mach'a ya spas sna ta atojol, soc ma'yuquix bi ora ya awich' xan cha'pasel yan buelta yu'un te mach'atic cuxinic ta lumq'uinale.

Jeremías 51:53

Manchuc me c'alal ta yolil ch'ulchan c'oem te Babilonia swenta yu'un toyol me ya xc'ot te tulanil anjibal ts'ajc' yu'une, ya me jticun bael ta jinel yu'un te scontrotaque. Jo'on Ajwalilon, jich ya cal —xi'.

Isaías 5:14

Jich c'oem te bit'il jti'awal chambalam te muquenale, ya sjam ye, ma p'isbiluc ya sjam sba, swenta yu'un ya sbic' bael te lum soc te ajwaliletic yu'une, ja' te ants-winiquetic te cuxulic ta puro yacubel soc te bitic bujts'an yo'tanic yu'une.

Deuteronomio 1:28

Yo'tic ¿banti ya xbootic? Te mach'atic jun jlumaltic soc, ya yalic te mero bayal yipic soc te mero najt'ic te mach'atic tey ayic a, c'axem laj jichic a te bit'il jo'otique. Soc niwac lumetic laj ay yu'unic soc mero toyolic laj sjoyob ts'ajc'ul, soc ay laj la yilbeyic sts'umbal te c'ax najt'il winic Anac tey a. Ta spisil, jc'axel ya spejc'anbotic co'tantic”, xaex.

Génesis 11:4

Soc jich la xchajbanic: —La'ic jpastic muc'ul lum, soc ya me jpastic jun muc'ul toyol ts'ajc' te bayal ta caj moel, c'alal ta ch'ulchan ya xc'ot cu'untic. Ja' lec muc' ac'a c'otuc jc'oplaltic, ma me xpujc'otic bael ta spamal balumilal —xiic.

San Lucas 16:23

Te c'alal ayix ta woclajel ta bay stsobjibal animaetic te jc'ulej winique, la stoy sit. La yil te c'ubul ay te Abrahame soc la yil te sjoinej tey a te Lázaro ta bay te yawile.