San Lucas 1:79 - Bible in Tzeltal de Oxchuc y Tenejapa

⁷⁹ swenta yu'un ya me yac' sacubuc q'uinal ta stojol te mach'atic ayic ta sc'ubulil te ijc' q'uinale soc ta bay yaxinal te lajele, soc ya me stojtesotic bael ta sbelal te lamal q'uinale —xi' te Zacariase.

Nuevo Testamento Tzeltal de Amatenango

⁷⁹ Ya me yakꞌ sakubuk kꞌinal ta stojol te machꞌatik ayik ta ijkꞌal kꞌinal sok ayik ta yaxinal lajele. Sok ya me stojutesotik bael ta sbelel te sbujtsꞌan kꞌinale —xchi te Zacariase.

Bible in Tzeltal Bachajón

⁷⁹ yu'un ya sacubtes q'uinal ta stojol te mach'atic ayic ta yihc'al q'uinal soc ta yaxinal lajel; yu'un ya stojobtesotic bahel ta sbehlal lamal q'uinal, xchi te Zacarías.

San Lucas 1:79 Referans Kwoze

Isaías 9:2

Te lum te ay ta beel ta ijc' q'uinal a, la yilix muc'ul saquil q'uinal; xojobajix luz ta stojol te mach'atic ayic ta ijc' q'uinale.

San Mateo 4:16

te ants-winiquetic te ayic ta ijc' q'uinale, tilemix muc'ul luz ta stojolic. Sacubenix q'uinal ta stojol te mach'atic ayic ta yaxinal te lajele”, te xie.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

Efesios 5:8

Melel ta neelal to ainemex ta ijc' q'uinal te ja'exe. Yan ta ora to sacuben q'uinal awu'unic ta swenta te Cajwaltique. Jich me xcuxinex te bit'il mach'atic yal-snich'an te saquil q'uinale.

Isaías 42:7

Ya jc'an ya ajambey sit te mach'atic ma'sitetique, soc ya aloq'ues te mach'a ayic ta chucjibale, ja' te chucjibal ta bay nainemic ta ijc' q'uinal.

San Juan 12:46

Jo'on te sacuben q'uinal cu'un, talemon ta balumilal swenta yu'un spisil te mach'a ya xch'uunone ma x'ain ta ijc' q'uinal.

San Juan 8:12

Te Jesús cha'c'opoj xan. Jich la yal: —Jo'on J'ac'-saquil-q'uinalon yu'un te balumilale. Jich yu'un te mach'a ya st'unone, ma ba ya xbeenix ta ijc' q'uinal, ayix xcuxlejal ta swenta te saquil q'uinale —xi' te Jesuse.

San Juan 9:5

Te bit'il ayon to ta balumilale, sacuben q'uinal cu'un ta stojolic te mach'atic ayic ta balumilale —xi'.

Salmos 107:14

La sloq'ues ta sc'ubulil yijc'al q'uinal, la scoltay ta chuquel ta cadena.

Salmos 107:10

Nainic ta sc'ubulil yijc'al q'uinal, soc swocolic chucajtic ta cadena,

Isaías 49:9

Swenta yu'un ya yich' albeyel te mach'atic ayic ta chuquele: “Loc'anic ta libre”, xi' me sc'oplalic; soc ya yich' albeyel te mach'atic ayic ta ijc' q'uinale: “Loc'anic ta saquil q'uinal”, ya x'utot. Ta xch'ixil bael te beetic, ya me sta aquiltic tey a, soc ta bayuc ay te witstiquil te t'axale, ay me swe'el xchamsbalamic tey a.

San Juan 1:9

Te mach'a luz ta mero melele soc te ya yac' xojobil ta stojol ants-winiquetic, yaquix ta talel ta balumilal stuquel.

Salmos 23:4

Manchuc me ya xc'axon ta chujc'ul yijc'al q'uinal, ma'yuc xiwel ya caiy ta co'tan, melel te ja'at Cajwal ajoinejon. Te abastón soc te anajt'il garrabato ja' ya yac'bonic smuc'ul co'tan.

San Lucas 2:32

Ya me sacub q'uinal yu'un ta bay te jyanlumetique; soc ay me yutsilal ya xc'ot yu'un te lum Israel awu'une —xi' te Simeone.

Jeremías 2:6

Ma la anopic ta awo'tanic te ya aleonic, jo'on te la jloq'uesex tel ta Egipto, te la quiq'uex bael ta jochol taquin q'uinal, taquin te q'uinale, soc puro jemeltic, ja' te q'uinal te ma'yuc ja' tey ae, nojel nax yu'un te bitic xiweltic sbae, ja' te lumq'uinal te ma'yuc mach'a ya xnain tey a, ja' te ma'yuc mach'a ya xju' xc'ax tey a.

Isaías 49:6

Jich ya yalbon: —Ma tic'uc a te ja' nax cabat yu'un te ya anajc'an xan te jayeb ta jchajp sts'umbal Jacob, soc te ya apas te ya sujt' xan tel te mach'atic cuxulic xan ta Israel. Jo'on ya jpas te ya sacub q'uinal awu'un ta stojol te nacionetique, ja' te ya awich'bon bael te colel cu'un ja' to ta bay c'ubul q'uinal bael yu'un te balumilale —xi'.

Isaías 42:16

Ya me quic' bael te ma'sitetic ta bebetic soc ta bay ch'in be te ma xyilique. Ya me jc'atp'un ta saquil q'uinal ta stojolic te ijc' q'uinale, soc ya me jc'atp'un ta spamlej ta bay chujc'ulique. Te bitic la cale ya me xc'ot ta pasel cu'un ta puersa.

Romanos 3:17

Ma'yuc bay lamal q'uinal yu'unic ta bay ya xbeenique.

Jeremías 6:16

Te Cajwaltic jich ya yalbey te lum yu'une: —Tejc'ana abaic ta bebetic soc ilawilic, jojc'oic te namey biq'uit beetique, ja' te banti lec xan te be; t'unaic bael, tey me ya acux awo'tanic a —xi'. Ja'uc me to jich la yalic: —Ma jc'an jt'untic bael —xiic.

Isaías 59:8

Ma sna'beyic sbelal te lamal-o'tanile; te yat'elic ma'yuc bila toj tey a. Ma ba toj te be st'unojique; te mach'atic ya st'unic, ma ba ya staic lamal-o'tanil tey a.

Isaías 48:22

Ya yal te Cajwaltique: —Yan te mach'atic amenique, ma'yuc yutsil-slequil stuquelic —xi'.

Salmos 44:19

Pero la atenotic bael ta wocol ta yawil ja'mal ts'i'etic; la amucotic ta yaxinal lajel.

Salmos 25:12

Te mach'a ya yich' ta muc' te Cajwaltique, ja' ya x'ac'bot yil yu'un te be te ya st'une;

Proverbios 3:17

Mero c'ax bujts'an ta t'unel te sbe; teme tey yacat ta beel a, ayat me ta swenta lamal-o'tanil.

Job 10:22

ta banti lum ay puro axinal, ta banti ma'yuquix bila toj aye, te banti pajalix soc saquil q'uinal yilel te yijc'al q'uinale —xi' te Job.

Isaías 48:17

Jich ya yal te Cajwaltic te J'ac'wanej ta libre awu'une, te Ch'ul Dios yu'un te Israele: —Jo'on te Ajwalilon te Dioson awu'une; jo'on ya jp'ijubtesat ta swenta te alequilale, jo'on ya quic'at ta be ta bay ya sc'an ya at'un baele.

Proverbios 8:20

Te jo'on ya xboon ta toj be, ja' te sbelal te toj-o'tanile.

Job 3:5

Ayuc bit'il tal buen pimil axinal te ijc'ubtesot yu'une, o ijc'al tocal te potsot yu'une, o ja'uc majc' sit c'aal a te ya yac' xiwel te jichuque.

Hechos 10:36

Dios la sticun ta alel ta stojol te israeletique te bit'il ya xju' te lamal q'uinal ya caiytic ta swenta te Jesucristoe, te ja' Ajwalil yu'un spisil te ants-winiquetique.