San Lucas 1:72 - Bible in Tzeltal de Oxchuc y Tenejapa

⁷² Yaloj te ya xc'uxtay te namey q'uinal jme'-jtatique, soc te ma xch'ay ta yo'tan te ch'ul trato yaloje.

Nuevo Testamento Tzeltal de Amatenango

⁷² Yaloj te ya xkꞌuxutay te antibo jmeꞌjtatike, sok te ma xchꞌay ta yoꞌtan te chꞌul trate yaloje.

Bible in Tzeltal Bachajón

⁷² yu'un ya sc'uxultay te jme'jtatic, soc yu'un sna'el te ch'ul chapbil-c'op yu'une,

San Lucas 1:72 Referans Kwoze

Salmos 106:45

te Diose la sna' xan te trato yu'un soque. Jich la sujt'es sc'op, melel te xc'uxul yo'tan c'ax muc' ta jyalel.

Miqueas 7:20

Cajwal, junuc me awo'tan soc ayuc me xc'uxul awo'tan, te jich nix jamal la awal ta namey ta stojol te antiguo jme'-jtatic ja' te Abraham soc Jacob.

Levítico 26:42

Jich me ora ya jna' te trato cu'un soc Jacob, Isaac, Abraham, soc ya me jna' te lumq'uinal awu'unique.

Romanos 11:28

Te bit'il la sp'ajic te lec yach'il c'ope, jich yajcontro Dios c'otic te judioetique, swenta yu'un jich la awich'ic c'uxtayel te ja'exe. Ja'uc me to, te Diose ay to sc'uxul yo'tan ta stojolic, ta scaj te ja' la stsa stuquel te antiguo jme'-jtatique.

Ezequiel 16:60

Pero te jo'one ya me jna' te bila trato la jpastic te c'alal ach'ixat to a, ya me jpastic trato swenta sbajt'el q'uinal.

Génesis 28:14

Jich yipal ats'umbal ya xc'ot te bit'il ts'ubil lum. Soc ya me spuc sbaic ta bayuc c'alal ta stojol smalib c'aal, soc c'alal ta stojol sloq'uib c'aal soc c'alal ta stojol norte, soc c'alal ta stojol sur. Soc ta awenta soc ta swenta ats'umbal ya me x'ac'bot bendición spisil ta jchajp lum ayic ta spamal balumilal.

Génesis 26:4

Ya me cac' esmajuc ats'umbal, jich yipal ya xc'otic te bit'il eq'uetic ta ch'ulchan. Soc ya me cac'bey sq'uinalin spisil in q'uinal to te ats'umbale. Ta swenta ats'umbal ya me x'ac'bot bendición ta spisil ta jchajp mach'atic ayic ta balumilal.

Ezequiel 16:8

“Cha'c'axon xan ta ats'eel yan buelta. La quilat, ataojix amuc'ul, yorailix te ya xbaat ta ich'ele. La jlim bael ta atojol te jmuc'ul c'u'e, la jmucbat a te abaq'uetal t'anale. Soc tey ora la cal jba ta jamal ta atojol a, soc tey ora la jchap jc'optic swenta trato, jich la cu'uninat. Jo'on Ajwalilon te jich caloje.

Salmos 111:5

ya yac'bey swe'elic te mach'atic ya x'ich'ot ta muc' yu'une; ya sna' sbajt'el q'uinal te trato yu'une.

Salmos 98:3

Ma ba ch'ayem te xc'uxul yo'tan soc te bit'il jun yo'tan ta stojol te lum Israel yu'une. C'alal to ta slajibal bael balumilal, ilotix te bit'il jtsalwanej stuquel te Dios cu'untique.

Génesis 22:18

Ta swenta ats'umbal ya x'ac'bot bendición bayal ta jtul ta spamal balumilal, yu'un la ach'uunbon jmandal”, te xie —xi' sc'oplal yu'un.

Génesis 12:3

Ya me cac'bey bendición mach'a jayeb te lec yo'tan awu'un. Te mach'a jayeb ma lecuc yo'tan awu'une, boloben me sc'oplal cu'un ya xc'ot. Ja'at me ta awenta te ya cac' bendición ta stojol spisil ants-winiquetic ta balumilal —xi' sc'oplal yu'un te Diose.

Salmos 105:42

Melel tal ta yo'tan te xch'ul-c'op jc'axel yaloj soc te yabate, ja' te Abraham.

Romanos 9:4

Ja'ic te israeletic te ochic ta yal-snich'an te Diose. Ac'botic yilic te yutsilale, te la xchap trato soque, la yac'bey te mandalile. Ac'botic sna'ic te bit'il ay ta ich'el ta muc' te Diose, soc te bila yaloj te Diose.

1 Crónicas 16:16

ja' te trato la spas soc Abraham, ja' te bila tulan la yal ta stojol Isaac,